news-inner
clock10:01 calendar-gray 10 Dekabr 2020 view-gray686 dəfə oxunub
view-gray686 dəfə oxunub

Paytaxtımızda parad sevinci

Bu gün Bakıda zəfər münasibətilə hərbi parad keçirilir.

Ömrümüzü sürətlə gözdən keçirsək görərik ki, bu parad, bu şölən indiyə kimi qeyd etdiyimiz ən əhəmiyyətli, ən böyük bayramdır.

Yadıma düşür, 2001-ci ildə “Türkiyə şahinləri” (qırıcı təyyarələri) Bakının səmasında uçmağa gələcəkdilər. Məhəllə uşaqları ilə stadionda futbol oynayırdıq. Qırıcıların gəlməsinə az qalmış futbolu saxladıq. Məhəlləmizin ən hündür yerlərinə, evlərin eyvanlarına, damlarına çıxıb gözləməyə başladıq.

Təxminən on-on beş dəqiqə idi gözləyirdik, amma səmada tək-tük görünən göyərçinlərdən başqa heç nə yox idi. Aramızda ümidsizliyə qapılanlar var idi ki, deyəsən gəlməyəcəklər.

Elə mən də tam ümidimi üzürdüm ki, birdən dostumun sevincli qışqırığını eşitdim:

- Gəlirləəəəər! Gəlirləəəər! Allah haqqı gəlirləəər!

Səmanın lap uzaq üfüqündə qara nöqtələr görünürdü. Get-gedə böyüyən nöqtələrin səsi özünü kiçik Badamdar dağına çırpıb bütün şəhərə yayılırdı.

Bütün uşaqlar sevinclə qışqırışırdıq.

- Gəldiləəəəəər! Tür-ki-yəəə! Tür-ki-yəəəə!

Böyüklər bizim kimi qışqıraraq sevinməsələr də, onların da üzündən sevinc, xoşbəxtlik aşkar hiss olunurdu. Hətta, mənə elə gəlirdi ki, onlar bizim daha ucadan bağırmağımızı, daha bərkdən sevinməyimizi istəyirdilər.

Qırıcılar bizim başımızın üstündən uçanda elə bilirdik, onu idarə edən pilotu da görəcəyik, bizə əl sallayacaq, göz qırpacaq. Hətta aramızda pilotu gördüyünü deyənlər də olurdu.

Qırıcılar məhəlləmizin üstündən keçib kiçik Badamdar dağının arxasında gözdən itirdi. Biz də onları daha yüksək səslə geri çağırmağa başlayırdıq. Özlərindən əvvəl səsləri gəlirdi və biz bilirdik ki, indi yenə dağların arxasından çıxacaqlar.

Onlar səmada rəqs edərək, Azərbaycan bayrağının rənglərini havaya cızanda daha da coşurduq:

- A-zər-bay-can! A-zər-bay-can!

Biz uşaq ağlımızla dərk edirdik ki, bizə dayaq olan, dəstək olan qardaşımız var.

Hətta istəyirdik ki, bu qırıcılar birbaşa Qarabağa uçub düşmənlərimizi bombalasınlar.

Qarabağı azad etsinlər.

Bugünkü parad üçün gedən məşqlərdə Türkiyə mehmetçiyini görəndə də belə sevindim.

Ən sevindiricisi isə odur ki, indi uşaqlar öz əsgərlərimizə baxıb fəxr edir. Öz oğullarımıza, öz qardaşlarımıza, atalarımıza, öz qırıcılarımıza, öz tanklarımıza baxıb sevinirlər.

İndiki uşaqlar daha xoşbəxtdirlər, çünki onların ordusu gördükləri ilk müharibədə qalib gəldi.

Onlar qalib ölkənin uşaqlarıdır!

Onların əsgəri müzəffər əsgərdir, onların ordusu müzəffər ordudur.

Gəlin, bir yerdə bağıraq, bir yerdə sevinək, uşaqlar!

news-inner-user
Ulucay Akif

50 məqalə

Oxşar xəbərlər

Xəbər lenti

Xanım, 100 manat və huşsuz kişi - Yeni hekayə
13:44 19 Aprel 2021
Yazıçılar Birliyinə üzv olanda atası dəvə kəsdi: Məşhur şairin maraqlı həyat hekayəti
13:01 19 Aprel 2021
Flora Kərimovanı Allahsız edənlər
12:09 19 Aprel 2021
Ay gecikən məhəbbətim – Günün şeiri
11:25 19 Aprel 2021
Hosteldə ölən qızları söyənlər
10:39 19 Aprel 2021
Tanınmış aktyor vəfat etdi
09:29 19 Aprel 2021
Şövkət Ələkbərovanın gəlini: “KQB” ərinin intiharından danışmağı ona qadağan eləmişdi” - Müsahibə
08:58 19 Aprel 2021
Eldar Quliyev dəfn olunub - Foto
15:43 18 Aprel 2021
Müharibədən əvvəl fotoqraf işləmiş Milli Qəhrəman: Film kimi həyat və filmin özü
10:30 18 Aprel 2021
Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021
Gözləri görməyən laçınlı şairin yurd gəzintisi
11:01 17 Aprel 2021
UNESCO Azərbaycan teatrının layihəsini qəbul etdi
10:29 17 Aprel 2021
Ağadadaşın kişi sözü – Elçindən yeni hekayə
09:00 17 Aprel 2021
“Nadir şah. Avşar dövləti” adlı kitab çap olunub
18:53 16 Aprel 2021
Prezident Eldar Quliyevin vəfatı ilə bağlı nekroloq imzalayıb
18:41 16 Aprel 2021
Qəmbər Hüseynlinin 105 illiyi qeyd olunub - Foto
18:17 16 Aprel 2021
Filmimiz Rotterdam Beynəlxalq Film Festivalında
17:29 16 Aprel 2021