news-inner
clock17:05 calendar-gray 30 Noyabr 2020 view-gray814 dəfə oxunub
view-gray814 dəfə oxunub

“Anam dedi ki, bu gün sancım tutan gündür” – İlqar Cahangirlə ad günü söhbəti

Bu gün tanınmış aktyor İlqar Cahangirin 53 yaşı tamam olur. Kulis.az aktyor ilə ad günü söhbətini təqdim edir.

- İlqar bəy, sizi ad gününüz münasibətilə təbrik edirik! Necə qeyd edəcəksiniz bu günü? Ümumiyyətlə, sizin üçün ad günləri nə ifadə edir.

- Təşəkkür eləyirəm! Sözün düzü, heç vaxt təmtəraqlı ad günü keçirmək istəyim olmayıb. Həmişə dostlarımla, teatr kollektivimlə bərabər keçirmişəm. Ümumiyyətlə, təxminən 20 il heç ad günü keçirməmişəm. Elə bir istəyim olmayıb. Son illər dostlarım israr edir deyə onlarla birgə qeyd edirəm. Amma dünən çox maraqlı bir hadisə oldu. Təxminən axşam saat 7-də anam dedi ki, bu gün mənim xəstəxanaya gedən günümdü, sancımın tutan vaxtıdır. Gördüm anam kövrəldi, özüm də qəribə oldum.

- Ad günləri sənət adamları üçün həm də hesabat xarakteri daşıyır. Siz özünüzə bu illərin hesabatını verəndə, hansı qənaətə gəlirsiniz? Sizcə, necə çıxmısınız bu illərin sınağından?

- Görürəm ki, eləyə biləcəyim bir çox şeyi eləyə bilmədim. Çox şeylər edə bilərdim. Düzdü, hər yaşın öz önəmi var. Hələ ruhdan düşməmişəm. 53 yaşımız olsa da, yenə də çox şeylər eləyə bilərik. Ümid eləyirik ki, bundan sonra istədiklərimizi həyata keçirərik.

- Geriyə baxanda, nəyinsə peşmanlığını çəkirsiniz?

- Sözün düzü, yox. Yaradıcılıq baxımından bir çox aktyorun arzuladığı rolları oynamışam. Bir az filmlərimizdən narazı olmuşam, elə də ürəyimcə olmayıb. Mən realist adam olduğum üçün, nəsə baş verməyəndə, alınmayanda, onu asanlıqla qəbul edə bilirəm. Həmişə də ümidliyəm.

- İndi fəaliyyətiniz nə yerdədi?

- ARB kanalında gündəlik bir serial var, orada oynayıram.

- Gəliri sizi qane edir? Yadıma düşür, 3-4 il qabaq bir müsahibənizdə serialların verdiyi qonorarların az olduğunu demişdiniz. İndi vəziyyət necədir?

- Hələ heç nə dəyişməyib, amma heç olmasa ac qalmırıq (gülür). Serialların qanorarları hələki istədiyimiz deyil.

- Bəs filmlərimizin, seriallarımızın səviyyəsi sizi qane edirmi?

- Hal-hazırda tam yox, amma neyləmək olar? Məcbur çəkilirəm ki, heç kimə möhtac qalmayım. Yəni maddi tərəfini düşünürəm.

- Çıxış yolunu nədə görürsünüz? Film və seriallarımızın səviyyəsini necə artıra bilərik?

- Əsas problem rəqabətin olmamasıdır. Telekanallar arasında, film sektorunda rəqabət yoxdur. Hələki bizdə o film bazarı yoxdur. Telekanalların qoyduğu standart qayda-qanunlar çərçivəsində işlər görülür. Rəqabət olmayanda da ortaya keyfiyyətli iş çıxmır. İndi müharibədən çıxmışıq. Elə bu Qarabağ müharibəsi mövzusunda çox əla filmlər çəkmək olar. Ümid edirik ki, bundan sonra daha yaxşı olacaq hər şey. Yaxşı pul ayrılsa, gözəl də işlər görmək olar. Bu gün bizim çox əla rejissorlarımız da var, aktyorlarımız da. Lazımi avadanlıqları gətirmək də pulla həll olunan məsələdir. Əsas maddiyatdı, pul ayrılandan sonra hər şey eləmək olar. Həm də pulların düzgün şəxslərə ayrılması çox vacib məsələdir.

- Bəs müharibə sizin əhvalınıza necə təsir elədi?

- Təbii ki, bu bizim qürurumuzdur. Biz neçə ildir başıaşağı idik. Şərəfimiz, qürurumuz geri qayıtdı. Düzdü, axırda rus məsələsi olmasaydı, lap yaxşı olardı, amma ona da müəyyən bir zaman lazımdı. Düşünürəm ki, indən belə də siyasət düzgün aparılsa, tez bir zamanda bu məsələni də həll edəcəyik. Onun da bir vaxtı var və biz bunu da bacararıq.

- Bəs sizi ən çox sevindirən hadisə nə oldu?

- Təbii ki, Şuşanın azad edilməsi. Hətta uşaq kimi hönkür-hönkür ağladım.

- Təşəkkür edirik, İlqar bəy. Bir daha sizi təbrik edirik, həyat və yaradıcılığınızda uğurlar arzu edirik.

- Mən təşəkkür edirəm! Çox sağ olun!

news-inner-user
Ulucay Akif

49 məqalə

Oxşar xəbərlər

Xəbər lenti

Alimlərimiz Əlişir Nəvai konfransında
17:56 14 Aprel 2021
Nə qədər acı olsa da, Seymur haqlıdır – Cavanşir Yusifli yazır...
17:05 14 Aprel 2021
Pamuku təzə romanına görə niyə linç edirlər?
16:20 14 Aprel 2021
Anar qazi-şairlərlə görüşüb
15:40 14 Aprel 2021
Öləcəyini bilə-bilə vertolyota minən Milli qəhrəman - Türkiyə prezidenti ondan nə xahiş etmişdi?
14:55 14 Aprel 2021
Ruhumuzun mistikası - Ibrahim Ibrahimli yazır
14:12 14 Aprel 2021
Ziyalılar Prezident Administrasiyasına müraciət etdi
13:31 14 Aprel 2021
Şah İsmayıl Xətainin kitabı nəşr olundu
12:47 14 Aprel 2021
Azərbaycandan borc istəyən Atatürkün məktubu - Nadir fakt
12:05 14 Aprel 2021
Kanalizasiyada ölən Əhməd məhəlləni necə xilas etdi?
11:25 14 Aprel 2021
“Tik-tok”da videosu çıxdığına görə döyülən qadın
10:44 14 Aprel 2021
Tanınmış rejissor vəfat etdi
10:15 14 Aprel 2021
"Ürəyim istəyən qədər boşboğazlıq etmək istəyirəm" - Seymur Baycanla müsahibə
09:00 14 Aprel 2021
Mərakeşdə Azərbaycanla bağlı kitab nəşr olundu
18:59 13 Aprel 2021
Gənc yazarla görüş keçiriləcək
18:08 13 Aprel 2021
44 günlük müharibəyə həsr edilən şeirlər kitabı çıxdı
17:21 13 Aprel 2021
Bir əliylə köksünü tutmuş... – Orxan Vəlidən seçmə şeirlər
16:45 13 Aprel 2021
Niyə kitab oxumalıyıq?
15:54 13 Aprel 2021
Kamal Abdullanın hekayəsi Gürcüstanda çap olunub
15:01 13 Aprel 2021
Övladı olmadı, Azərbaycanı biryolluq tərk etdi, gözləri tutuldu... – Kinomuzun Humayı hardadır?
14:10 13 Aprel 2021