news-inner
clock12:10 calendar-gray 23 Noyabr 2020 view-gray14798 dəfə oxunub
view-gray14798 dəfə oxunub

Teatrdan qovuldu, heç vaxt evlənmədi, ruhi dispanserdə yatdı: Səməndər Rzayevin üç gün öncə intihar edən aktyor oğlu

Kulis.az bir neçə gün öncə intihar edərək həyatını itirən aktyor, əməkdar artist Rəşid Səməndər haqqında maraqlı faktları təqdim edir.

Rzayev Rəşid Səməndər oğlu 5 mart 1975-ci ildə Bakıda anadan olub. 1997-ci ildə M. Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirib. O, 1996-cı ildən Akademik Milli Dram Teatrında aktyor vəzifəsində çalışmağa başlayıb.

***

Qabiliyyəti ilə tələbəlikdən diqqəti cəlb edən Rəşid teatrın repertuarındakı müxtəlif janrlı tamaşalarda uğurlu rollar oynayıb. İşlədiyi illər ərzində o, N. Hacızadənin "Qisas qiyamətə qalmaz" tamaşasında Nurlan, B. Vahabzadənin "Özümüzü kəsən qılınc" tamaşasında Yanq Çunq, Sofoklun "Şah Edip" tamaşasında Kreont, R. Novruzun "Hələ "sevirəm" deməmişdilər" tamaşasında Andronik, H. Həsənovun "Brüsseldən məktublar" tamaşasında Nəcəf, A. Şaiqin "Eloğlu" tamaşasında Səməndər kimi rollar ifa edib.

Rəşid Səməndər ömrünün sonuna qədər ailə həyatı qurmayıb. O, həm də böyük sənətkar Səməndər Rzayevin oğlu, teatrşünas, jurnalist Rübabə Səməndərin qardaşıdır. Rəşid 2006-cı ildə Əməkdar artisti fəxri adına layiq görülüb.

***

2013-cü ildən başlayaraq aktyorun teatrdakı işləri qaydasında getməyib, onun adı teatrdakı qalmaqallarda hallanıb və Rəşid işdən uzaqlaşdırılıb. O, bununla bağlı mətbuata açıqlamasında deyib: “İşdən çıxarılmağımın dəqiq səbəbini bilmirəm, araşdırma aparmaqdan da bezmişəm. Bu teatrdakılar pul üçün, fəxri ad üçün hər şeyə gedən adamlardılar. Əsas gətirdilər ki, biz bu adamdan qorxuruq. Guya, mən idarə olunmazam, dəliyəm, hirslənirəm, söyüş söyürəm və daha nə bilim nələr. Daha sonra rəhbərlik bildirdi ki, Əmək Məcəlləsinin 70-ci maddəsinin “g” bəndinə əsasən müqaviləmə son qoyurlar. Kimə də deyirəm, deyirlər, məcəllədə belə bir bənd yoxdur”.

Mətbuatda yayılan xəbərlərə görə Rəşid Səməndər bir müddət ruhi dispanserdə yatıb. O, buna görə Akademik Milli Dram Teatrında olan işindən də çıxmaq məcburiyyətində qalıb.

***

Rəşid sonradan Cəfər Cabbarlı adına İrəvan Dövlət Azərbaycan Dram Teatrına aktyor kimi fəaliyyət göstərmək üçün müraciət edib və işə düzəlib. Xalid Hüseyninin “Min möhtəşəm günəş” əsəri əsasında hazırlanan tamaşada Rəşid obrazını oynayıb.

***

O, eyni zamanda AzTV–də “Bulaq" verilişinin aparıcısı olub, uzun illər bu verilişdə gedən mətnləri səsləndirib. Xatırladaq ki, onun atası Səməndər Rzayev də “Bulaq”ın ən tanınmış aparıcısı idi.

Sonralar bir neçə dəfə yenidən Akademik Dram Teatrına bərpa olmaq istəyən aktyor buna nail ola bilməyib. Teatrın direktoru Azər Paşa Nemət onun səhhətində və psixikasında ciddi problemlər olmasını əsas gətirərək Rəşidi işə götürməyib. Rəşid bu barədə son müsahibələrinin birində deyir: “Teatrın baş rejissoru və bədii-rəhbəri Azər Paşa Nemətə müraciət etmişdim. Ondan xahiş etdim ki, mənə iş versin. O, teatrda boş yerin olmadığını dedi. Heç nə demədim, çıxıb getdim. Sonra eşitdim, deyib ki, Rəşid xəstədir, ona görə də işə götürə bilmərəm. Bir sözlə, məni teatra qəbul etmədilər”.

***

Xalq artisti Ramiz Novruz mətbuata açıqlamasında Rəşid Səməndəri qoruya bilməməsi üçün özünü bağışlamayacağını deyir: "Rəşid Səməndər məşqlərin birində teatrın aktrisalarından biri ilə böyük dava salıb. Əsəbiləşib, aktrisaya ağzından çıxanı deyib. Küçə söyüşləri söyüb. Teatrda da bundan qorxdular. Dedilər, birdən onun əlindən xəta çıxar, nəsə edər. Onun teatrdan çıxarılması buna görə oldu. O, aktyor kimi çox talantlıdır. Nə Nurəddin Mehdixanlı, nə də mən onun oynadığı rolları oynayası deyilik, aramızda yaş fərqi var. O, mənə teatrın Fəzlullah Nəimisi deyirdi. Münasibətimiz də yaxşı idi. Çox təəssüf edirəm ki, mən onu qoruya bilmədim. Bəlkə də həmin vaxt orada olsaydım teatrdan çıxarılmasına mane olardım. Yenə deyirəm, Rəşid çox talantlı aktyordur".

Bacısı Rübabə Səmndər qardaşı haqqında deyir: “Qardaşım faktura baxımından atama çox az oxşayır. Atama daha çox mən bənzəyirəm. Həm xasiyyətcə, həm də zahirən. Amma səsi onun səsinə çox bənzəyirdi. İstedadlı da insan idi. Onun həyatında müəyyən sarsıntılar oldu ki, görünür, bu onun sənət həyatına mane oldu. Həm də sənət mühiti çox çətin mühitdir. Orda hər adam baş çıxara bilmir. Bunun üçün gərək bir az möhkəm adam olasan. Təkcə istedad bəs eləmir”.

***

Rəşid Səməndər 20 noyabr 2020-ci ildə Binəqədi rayonunda Mir Cəlal küçəsi, bina 123 ünvanında yerləşən çoxmərtəbəli binadan özünü ataraq intihar edib.

***

Onun intiharından sonra tanınmış teatrşünas-tənqidçi Anar Bürcəliyev deyib: “Rəşid sakit təbiətli bir insan idi. Son illər ona qarşı çox haqsızlıqlar oldu. Sənətdə heç bir iz qoya bilməyənlərin oyununa düşmüşdü. Sonu da intihar oldu. Yaşadığı binadan özünü atdı. Bu xəbər məni çox sarsıtdı”.

news-inner-user

17673 məqalə

Oxşar xəbərlər

Xəbər lenti

“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021
Ceyms Bond silsiləsindən yeni filmin premyerası yenə təxirə salındı
13:29 22 Yanvar 2021
Azərbaycanda Böyük Britaniya film festivalı başlayır
12:44 22 Yanvar 2021
Tənqidin tənqidi – Ağalar Qutdan yeni esse
12:08 22 Yanvar 2021
Yazıçılar Donald Trampa kitab qadağası qoydular
11:32 22 Yanvar 2021
Seks dəlisi olan qadınlar haqqında bir neçə cümlə
10:58 22 Yanvar 2021
Alen Delonun xanımı dünyasını dəyişdi
10:30 22 Yanvar 2021
Şairimiz Özbəkistanda qalib oldu - Ölümündən sonra
09:59 22 Yanvar 2021
Mirzə Cəlilin əsəri əsasında çəkilmiş serial – Sevda Sultanova İTV-nin yeni layihəsini tənqid etdi
09:00 22 Yanvar 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:13 21 Yanvar 2021
Xalq şairinin oğlu: “Atamın xəstəliyini hamıdan gizlətdim” - Müsahibə
20:00 21 Yanvar 2021
Tarix Muzeyinə direktor təyin edildi
18:59 21 Yanvar 2021