news-inner
clock12:35 calendar-gray 20 Noyabr 2020 view-gray2645 dəfə oxunub
view-gray2645 dəfə oxunub

Rafiq Əliyev: “Ağdam mənim qibləgahımdır” – Söhbət

Kulis.az Ağdamın azad edilməsi ilə bağlı bu rayonda doğulan dünya şöhrətli alim, akademik Rafiq Əliyevlə söhbəti təqdim edir.

- Rafiq bəy, Ağdamın işğaldan azad edilməsi münasibətilə sizi təbrik edirik, gözünüz aydın olsun!

- Hamımızın gözü aydın olsun! Onu deyim ki, sizin saytınıza xüsusi rəğbətim və hörmətim var, həmişə də izləyirəm.

- Təşəkkür edirik. İstəyərdik, bizimlə təəssüratlarınızı bölüşəsiniz. Ağdamın azad edilmə xəbərini necə qarşıladınız, nə hisslər keçirdiniz?

- Azərbaycan bütövlükdə mənim vətənimdir, amma əsl vətən doğulduğun komadan başlayır. O komanın qədrini bilməyən adam millətin də, ölkənin də qədrini bilməyəcək. Bu mənada Ağdam mənim qibləgahımdır, Ağdam mənim Məkkəmdir.

- İşğal o yerlərə sevgini birə-beş artırdı. İnsdan itirdiyi şeyi daha çox sevir.

- Bu otuz ildə mənim üçün Ağdam ruhlar diyarı, ruhlar şəhəri olubdur. Ağdamı elə günə qoyublar ki, haqlı olaraq onu “Qafqazın Xirosiması” adlandırırlar. Ancaq nə gözəl ki, bu gün Ağdam azaddır.

- Ağdam həm də ən çox şəhid verən rayonumuzdur. Bu mənada onun qayıdışının mənası lap artır.

- Bəli, Birinci Qarabağ müharibəsində Ağdam ən çox şəhid verən rayonumuz oldu. Buna görə də ilk növbədə mənim sevincim, qürurum onunla əlaqədardır ki, Ağdamın verdiyi 6 min şəhidin, 16 Milli Qəhrəmanın ruhu şaddır...

- Üstəlik alimlər, sənətkarlar diyarı...

- Xudu Məmmədovun ruhu şaddır, Famil Mehdinin, Şahmar Əkbərzadənin ruhu şaddır. Bu adlarını sadaladığım şəxslər elə Qarabağ dərdiylə dünyasını dəyişdilər.

- Elədir...

- Onu da deyim ki, bəzi şərqilərdə Ağdamı Qarabağın “Toy evi” adlandırırlar və vaxtilə belə bir mənfur fikir var idi ki, bir tərəfdən oxuyanlar çıxar, digər tərəfdən məmurlar, amma Ağdam təkcə toy evi deyil. Ağdamın çox böyük ziyalıları, elm adamları, yazarları, şairləri var. Mələsən, Nobel mükafatçısı Con Bernal ilə çiyin-çiyinə işləmiş Xudu Məmmədov, böyük fizikimiz Lətif İmanov, böyük tibb professoru Ədilə Namazova, böyük filosofumuz Ziyəddin Göyüşov, mənim şagird yoldaşım filosof, professor Zakir Məmmədov, Xalq yazıçısı Bayram Bayramov, Famil Mehdi, Zakir Fəxri, Şahmar Əkbərzadə, böyük dramaturqumuz Əli Əmirli və başqa adlarını saya bilmədiyim neçə ziyalılar yetişdirib Ağdam. Allah sağ olanların canını sağ eləsin, indi sevinirlər, dünyasını dəyişənlərin də ruhu şaddır.

- Bu qələbənin əsl mənası nədir bizim üçün?

- Ən əsası, düşünürəm ki, ordu və xalqın birliyi ilə təkcə torpaqlarımızı azad etmədik, həm də kirlənmiş şərəfimizi təmizlədik. Bu qələbə əsl zəka müharibəsi oldu. Həm təbii zəka müharibəsi, həm də süni zəka müharibəsi. Mənim elmi ixtisasıma uyğun olduğu üçün belə deyirəm. Təbii zəka ona görə deyirəm ki, bu Vətən müharibəsi öncə masa arxasında müzakirə olundu və həll edildi. Müasir silahlarımızla aparılan savaş isə süni zəkanın, süni intellektin müharibəsi idi.

- Sizcə, Ağdam köhnə ehtişamını nə qədər müddətdə qaytara bilər?

- Bunun üçün bizim iqtisadiyyatımız da, iradəmiz də imkan verir. Yəqin bilirsiniz, mənim əsas ixtisasım qeyri-səlis məntiqdir, amma burada dəqiq rəqəm deyə bilməsəm də, məncə, Ağdamı köhnə vəziyyətinə qaytarmaq uzağı dörd-beş il çəkər.

- Biz həm də oranı mədəniyyət, elm mərkəzinə çevirməliyik. Həm də daha qlobal anlamda...

- Bunun üçün ilk olaraq məktəblərimizi, təhsilimizi bərpa etməliyik. İkinci addım olaraq orada ali məktəb aça bilərik. Bildiyiniz kimi, vaxtilə Ağdamda institut fəaliyyət göstərirdi. Ağdamda Qarabağ Universiteti yaratmaq olar. Universitet elmi-mədəni mühit deməkdir. Biz o mühiti tək Ağdam üçün yox, bütün Qarabağ üçün yaratmalıyıq. Bir də ki, adını çəkdiyim ziyalılarımız və yeni yetişən gənc nəsil Ağdama, Qarabağa qayıdıb oradan ayaqlarını üzməməlidir.

- Son olaraq, rus sülhməramlılarının Qarabağa gəlməsi bəzi insanların narahatlığına səbəb olub. Siz bu haqda nə düşünürsünüz?

- Biz birinci masada qalib gəldik və ümid edirəm ki, ikinci masada da qalib gələcəyik.

news-inner-user
Ulucay Akif

110 məqalə

Oxşar xəbərlər

Xəbər lenti

Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021