news-inner
clock11:19 calendar-gray 19 Noyabr 2020 view-gray829 dəfə oxunub
view-gray829 dəfə oxunub

Bu ölkələr koronavirusa necə qalib gəlir?

Dünyanın başında bəşəriyyətə müharibə elan edən silahsız bir düşmən var. Koronavirus bizim bəlamızdır və bu bəla gün keçdikcə bir az daha canımızı sıxmağa, səbrimizi tükəndirməyə davam edir.

Bir ilə yaxındır bütün dünya bu bəlaya qalib gəlmək üçün səfərbər olub. Pul, elm, güc, qüdrət, imperialist güc belə bu mübarizədə hələ ki, qalib ola bilmir. Çox əhəmiyyətli tədbirlər ertələnir, gündəlik həyat tərzi çərçivələrə salınır, təhsil dayanır. Bir sözlə bütün rahatlığımız ortadan qalxır və bununla yanaşı ölüm təhlükəsi gün gündən artır.

Koronavirusla mübarizədə tam qalib olmasa da, qismən qələbə çalan ölkələr də var. Bu o ölkələrdir ki, orda toplumun məsuliyyət hissi var. Onlar virusa dırnaqarası baxıb keçmir, qoyulan qaydalara riayət edir, riayət etməyənləri isə dövlət deyil elə cəmiyyətin özü cəzalandırır.

ABŞ-ın keçmiş Səhiyyə nazirlərindən birinin sözü var:
“Pandemiya başlamadan əvvəl söylənilən hər şey lazımsız və panikaya yol açan iş olaraq dəyərləndirilir. Pandemiya başlayandan sonra isə nə edirsiniz edin, yetərsiz olur”.

Düşünürəm ki, bu şərh bəlkə də çarəyə deyil, amma gecikməməyə işarədir.

Virusun təzə meydana çıxdığı aylarda artan rəqəmlərə çox da əhəmiyyət vermədik. Arqumentimiz isə yoluxanlar arasında tanıdıqlarımızın, yaxınlarımızın olmaması idi. Bu arxayınlıq dövlətin aldığı virusdan müdafiə tədbirlərinin müsbət nəticə verməsinə mane olur. Günü gündən artan rəqəmlərə hələ də şübhə ilə yanaşanlarımız var. Bir ildir virusdan qorunmaq üçün tətbiq olunan gigiyena qaydalarına əməl etməyən, gündəlik ritual halına gətirməyə alışa bilməyənlərimiz var. Hələ də avtobusda sürücü, marketdə satıcı vətəndaşlara “Maskanızı taxın” müraciəti edir. “Ehtiyac olmadığı zaman çölə-bayıra çıxmayın!” xəbərdarlığı hələ də bizim ölkəmizdə çətin əməl olunan qaydadır.

Yay fəslində qismən yoluxmada azalma müşahidə olunsa da, hələ yayın əvvəlində bu bəlanın ikinci dalğasının gələcəyi ilə bağlı xəbərdarlıq olunmuşdu. Havaların soyuması ilə gələn ikinci dalğanın şkalası isə ölkəmizdə daha güclü oldu. Karonavirusa qarşı alınacaq ən gözəl tədbir evdə qalmaq olsa da, dövlət boş-bekar və darıxan adamları evdə oturda bilmir. “Sağlamam, mənə bir şey olmaz” düşüncəsi ilə yola çıxan insanlar saniyələr içərisində virusun potensial daşıyıcılarına çevrilir. Bu yeriyən fəlakətlərin özlərinə bir ziyanı dəyməsə də ətrafında olan immun sistemi zəif insanların əcəli olurlar. Üstəlik biz tək koronavirusla mübarizə aparmırıq. Həm də müharibə dövrümüzü yaşayırıq.

Qələbə sevinci yaşadığımız günlərdə koronavirusun varlığını görməzdən gəlib savaş meydanında daha çox ehtiyac duyulan həkimlərin işini artırdığımızı dərk edə bilmirik. Karonavirus kimi bir təhlükə ilə qarşı-qarşıya olaraq normal həyatlarımıza qayıtmağımız üçün fədakarlıq edən, gecə-gündüz bilmədən çalışan həkimlərimiz bizdən fərqli olaraq iki cəbhədə döyüşür. Əlimizə bayraq alıb küçələrə axışıb, sıxlıq yaratmaqla biz qələbə sevincimizi saniyələr içərisində faciəyə çeviririk. Hamımızın şüuraltına yeriyən “soyuq havada virus aktivləşir” sloqanı əslində öz məsuliyyətimizdən boyun qaçırmaqdır.

Virus qapalı məkanlarda, sıxlıq yaranan ortamlarda sürətlə yayılır. Sıxılıq yaradır, qapalı məkanlarda saatlarla vaxt keçirməkdən çəkinmirik. Biz unuduruq ki, cəbhədə, ermənilər üzərində qələbə qazansaq da, koronavirusla savaş cəbhəsində hələ qələbə bizim deyil. Tövsiyələrin təməl qaydaları maskadan istifadə etmək, sosial məsafə saxlamaq, hər fürsətdə əlləri dezinfeksiya etmək və sıxlıqdan çəkinməklə virusun yayılmasının qarşısını almaqdır. Bu vecsizliyimizdən əl çəkib özümüzün və bütün xalqın mənfəətini düşünərək hərəkət edək. Bu koronavirus bəlasının iqtisadiyyatımıza vurduğu və vuracağı ziyanları düşünək.

Məsuliyyətimizi dərk etmədiyimiz müddətdə biz bu qələbəni hələ çox gözləyəcəyik.

news-inner-user
Günel Musa

116 məqalə

Oxşar xəbərlər

Xəbər lenti

Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021