news-inner
clock12:44 calendar-gray 16 Noyabr 2020 view-gray1568 dəfə oxunub
view-gray1568 dəfə oxunub

Nazpəri Dostəliyeva: "Allah bilir, o ermənidə mənim disklərim də olub - Müsahibə

27 il sonra işğaldan azad olunan Şuşa şəhərində erməniyə aid bir mənzildən Xalq artisti Nazpəri Dostəliyevanın fotosu çıxıb. Əsgərlərimiz tərəfindən lentə alınan həmin kadrlar sosial şəbəkələrdə gündəm olub. Sözügedən kadrla bağlı Nazpəri Dostəliyeva ilə həmsöhbət olduq.

- Nazpəri xanım öncə qələbə münasibətilə sizi təbrik edirəm. Necə hisslər yaşayırsınız?

- Çox qəribə hisslər yaşayıram. Həm kövrəyəm, həm sevincli. Amma hisslərim daha çox sevincə bağlıdır. Allaha şükürlər olsun torpaqlarımızı geri qaytarmışıq, qələbə bizimdir. Başımız uca, alnımız açıqdırsa insan özünü xoşbəxt hiss etməlidir.

- Hər kəsin Qarabağla bağlı bir əhdi olub. Siz nə əhd etmişdiniz?

- Qarabağla bağlı ən birinci əhdim o olub ki, torpaqlarımız işğaldan azad olunsun. Çünki dünyanın hansı ölkəsində oluruqsa olaq, səhnəyə çıxıb Qarabağdan danışanda boynumuz bükülü olurdu. İnanın ki, mən heç vaxt “Şuşanın dağları” mahnısını oxumurdum. Əhd etmişdim ki, Qarabağ, Şuşa işğaldan azad olunsun mən o mahnının oxuyum. Özümə söz vermişdim, Şuşa azad olmayınca mən “Şuşanın dağları” mahnısını ifa etməyəcəm. İlk gedəcəyim yer mütləq Şuşa olacaq.

- Nazpəri xanım Şuşada bir erməni evindən sizin şəkiliniz çıxıb. Həmin videonu izləyəndə hansı hissləri keçirdiniz?

- Allah bilir, mənim o evdə disklərim də olub (gülür). Yəqin qaçanda “yazıq” ermənilər onları götürməyi unudub.

- Mən o videonu görəndə ilk ağlıma gələn sual bu oldu ki, nə əcəb indiyə qədər ermənilər “Nazpəri də bizimdir” deməyib?

- O qələti edə bilməzlər (gülür). Onlar o qədər əzik xalqdır ki, hətta düşmən dedikləri xalqın sənətçisini sevib, şəkilini əzizləyib saxlayırlar. Bilirsiniz bu nə deməkdir? Bu o deməkdir ki, onlar həmişə bizim qarşımızda məğlubdur. Bu Azərbaycan sənətinin uğurudur həm də. Bu həm də onu göstərir ki, onlar ömür boyu bizimlə birlikdə yaşamağın həsədini çəkiblər. İstəsəydilər Amerika estradasının ifaçılarına meyl salardılar. Amma məhz düşmən hesab etdikləri xalqın sənətçisinə pərəstiş edirlər. Mənə ən çox fotonu orda görən əsgərlərin reaksiyası ləzzət elədi. O qurbanı olduqlarım necə sevinclə “Aaa! Nazpərinin şəkili!” deyib heyrətlənirlər.

- Nazpəri xanım, fotoya diqqət etdim, sizin 90-cı illərdə çəkilən fotonuzdur.

- İnanırsınız, o fotodan heç mənim özümdə yoxdur. Mən həm də ona diqqət etdim ki, onlar o fotonu necə səliqə ilə saxlayıb, baş köşələrinə vurublar. Zarafatı bir kənara qoyaq, açığını deyim ki, bu məni təəccübləndirmir. Çünki mən İsraildə, Almaniyada olanda dilimizi bilməyən əcnəbilərin evlərində bir Rəşid Behbudovun vallarını gördüm, bir də balaca maqnitofon kasetləri gördüm. Soruşdum, bunlar kimin kasetləridir? Dedilər, Nazpəri xanım, sizin kasetlərinizdir. Bir də Londonda gördüm bu şeyi. O yad ölkələrdə əcnəbilərin evlərində bunları görəndə qürur hissi keçirmişdim. Bu gün özümlə fəxr edirəm ki, Azərbaycanın Xalq artisti olaraq Azərbaycan musiqisini bütün dünyaya, hətta düşmənlərimizə belə sevdirə bilmişəm. Bu mənə olan sevgi deyil, bu mənim sənətimə, Azərbaycan musiqisinə olan sevgidir. Mən xoşbəxtəm ki, bu gün ən böyük arzuma çatmışam. Qarabağımız, Şuşamız düşmən tapdağından xilas olunub. Mən xoşbəxtəm ki, bu gün bizim İlham Əliyev kimi prezidentimiz var. Mən xoşbəxtəm, fəxr edirəm ki, mən azərbaycanlıyam. Xoşbəxtəm ki, bu gün hamımız ucalan bayraqlarımızın altında alnı açıq, üzü ağ dayanırıq. 27 ildir əzilən qürurumuzu, şəxsiyyətimizi, kişiliyimizi xilas etmişik. Əlbəttə ki, şəhidlərimizin qanı bahasına. Allah bütün şəhidlərimizə rəhmət eləsin. Şəhid analarının qarşısında baş əyirəm. Onlar elə övladlar böyütdülər ki, bu gün torpaq uğrunda ölümə birbaşa getdilər.

- Nazpəri xanım, müharibə getdiyi günlərdə cəbhə bölgələrində oldunuzmu?

- Əlbəttə oldum. Tərtərdə oldum. İnandırım sizi, bizim apardığımız sovqatlar onları qətiyyən maraqlandırmırdı. Onlar ancaq silah təmizləyirdilər, düşməni məhv etmək üçün irəli getmək haqqında düşünürdülər.

- Müharibənin məhv edə bilmədiyi nadir şeylərdən biri də musiqidir. Hətta savaşın ortasında belə musiqi susmur. Bu müharibədə biz gözəl avazlı əsgərlərimizin ifalarını eşitdik. Siz o ifaları eşidəndə nə düşündünüz?

- Musiqinin qüdrəti böyükdür. Mən getdiyim cəbhə bölgələrində onların qarşısında Azərbaycanla bağlı mahnılar oxudum. Mənim müşayiətsiz ifa etdiyim mahnıların sədaları altında onlar elə bil üsyan edirdilər, irəli getməyə çalışırdılar. Mən o ifa edən əsgərləri bəlkə yüz dəfə təkrar-təkrar dinləmişəm. Belə də olmalıdır. Onlar hamısı Qarabağdan köçkün düşən uşaqlardır. Maşallah, bu gün böyüyüb öz torpaqlarını işğaldan azad edirlər. Bu ifalar onların qürur hisslərinin ifadəsidir əslində. Onlar necə sevinirlər, xoşbəxtdirlər. Onların xoşbəxtlik hissləri ifa etdikləri musiqilərlə bütün Azərbaycana yayıldı. Mən o igidlərin hər birini öpüb bağrıma basıram.

news-inner-user
Günel Musa

116 məqalə

Oxşar xəbərlər

Xəbər lenti

Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021