news-inner
clock17:00 calendar-gray 12 Noyabr 2020 view-gray1181 dəfə oxunub
view-gray1181 dəfə oxunub

Elçin: “Qarabağ qələbəsinə heç nə kölgə sala bilməz” – Müsahibə

Kulis.az əslən Qarabağdan olan Xalq yazıçısı Elçinlə qələbə mövzusunda söhbəti təqdim edir.

- Elçin müəllim, Şuşanın alınma xəbərini necə eşitdiniz?

- Mirvari Dilbazi haqqında bir yazı yazmışdım, noyabrın 8-də səhər durdum, həmişəki adətim üzrə yazını mətbuata verə bilmək üçün yenidən oxumağa başladım. Elə bu vaxt həyatımın ən gözəl xəbərlərindən birini eşitdim. Cənab Prezident çıxışında Şuşanın işğaldan azad edildiyini elan elədi və mən çox həyəcanlandım. Bunu sözlə ifadə eləmək çətindir. Birdən yadıma düşdü ki, Mirvari Dilbazinin Şuşa haqqında bir şeiri var. Tez həmin şeiri tapdım, oxudum və yazıma əlavə etdim.

- Bu xəbər bizim üçün nə demək idi?

- Şuşanın azad olunmağı bizi tarix qarşısında üzüağ, başıuca elədi. Və təsadüfi deyil ki, həmin xəbərdən sonra haralı olmasındфn asılı olmayaraq, hamı şuşalıdır, hamı qarabağlıdır.

- Şübhəsiz ki, Şuşa sənət məbədlərimizdəndir. Sizcə, bu qələbə mədəniyyətimizə, ədəbiyyatımıza necə təsir göstərəcək?

- Mənə elə gəlir və mən əminəm ki, sözə həmişə ehtiyac olacaq. Torpaqlar işğal olunanda da, torpaqlar işğaldan azad olunanda da, həmişə sözə ehtiyac olub. Şübhəsiz ki, bu böyük hadisədən sonra, Qarabağ qələbəsindən sonra, Azərbaycanın torpaqlarının azad edilməsindən sonra sözün şövqü daha da artacaq, sözün həvəsi daha da artacaq, sözə bədii ehtiyac daha da artacaq və ən başlıcası, sözlə məşğul olan insanlara yeni bir ruh gələcək. Söhbət həm nəsrdən, həm dramaturgiyadan və böyük mənada götürsək, sənətdən gedir. Düşünürəm ki, Azərbaycan sənətinə tamamilə yeni bir nəfəs gələcək.

- Biz Şuşanı 21-ci əsrin ən böyük mədəniyyət mərkəzlərindən birinə çevirmək üçün nə etməliyik?

- Mən bunu həmişə demişəm, 21-ci əsr nəinki yeni bir mədəniyyətin, həm də yeni bir sivilizasiyanın başlanğıcıdır. Söhbət rəqəmsal dünyadan gedir. Rəqəmsal dünya yeni sivilizasiya yaradır və şübhəsiz ki, bu sivilizasiyada Şuşa mövzusu təkcə Azərbaycan yazıçılarının yox, ümumilikdə ədəbiyyatın mövzusuna çevriləcək. Burda çox incə bir məsələ də var; biz Şuşa haqqında təkcə özümüz üçün yazmalı, çəkməli deyilik. Biz Şuşa mövzusunu dünya ədəbiyyatı prosesinin predmetinə çevirməliyik.

- Şuşa həm də ədəbiyyatımızın mövzusu olub. Elə sizin özünüzün “Şuşaya duman gəlir” adlı maraqlı bir povestiniz var... Şübhəsiz, bu mövzuda yeni əsərlər də yaranacaqdır.

- Şuşa şəhəri həmişə ədəbiyyatımızın əsas mövzularından olub. İlyas Əfəndiyevin Qarabağ haqqında yazdığı “Geriyə baxma, qoca” və “Üçatılan” romanlarında Şuşanın və Qarabağın bütün koloriti, mənzərəsi, psixologiyası öz əksini tapıb. Təkcə “Hökmdar və qızı” pyesini və həmin pyes əsasında mənim ssenarimlə çəkilən “Hökmdarın taleyi” filmini xatırlamaq kifayətdir. Siz dediyiniz “Şuşaya duman gəlir” adlı kiçik povesti gənclik illərimdə yazmışdım və ondan sonra həmişə Şuşa əhval-ruhiyyəsi mənim içimdə olub. Vacib deyil ki, Azərbaycan yazıçısı Şuşa haqqında, Qarabağ haqqında yazsın, əsas odur ki, hamı içində o hissiyyatla, o duyğularla yaşasın.

- Elçin müəllim, rus sülhməramlılarının Qarabağa gəlməsi sosial şəbəkələrdə və mətbuatda geniş müzakirə olunur. Bəziləri düşünür ki, bu hadisə Qarabağ qələbəsinə kölgə salır. Bəs siz bu hadisəni necə dəyərləndirirsiniz?

- Bu qələbə elə bir qələbədir ki, ona heç nə kölgə sala bilməz. Cənab Prezidentin çıxışını yəqin ki, hamı izlədi və dinlədi. Orda çox incə bir məqam var idi. Prezident dedi, bu müqavilə imzalanarkən elə nüanslar oldu ki, bunu siz sonradan biləcəksiniz. Ona görə də düşünürəm ki, mənfi nəticəyə gələnlər tələsməməlidirlər.

news-inner-user

17190 məqalə

Oxşar xəbərlər

Xəbər lenti

Gələn il Ağdamda özümə toy edəcəm – Aqil Abbas yazır...
21:49 03 Dekabr 2020
Aktrisa evində ölü tapıldı
18:57 03 Dekabr 2020
İşğaldan azad edilmiş rayonların kitabxanaçıları ilə görüş keçirildi
18:22 03 Dekabr 2020
Əməkdar rəssam vəfat etdi
17:54 03 Dekabr 2020
Vudi Allen yeni film çəkməyə hazırlaşır
17:19 03 Dekabr 2020
Azərbaycanlı aktyora ağır itki
16:58 03 Dekabr 2020
Qarabağa ilk dəfə topu o gətirdi, dostu kürəyindən vurdu, Atatürk ona malikanə bağışladı - Adranikə qan udduran Sultan bəydən maraqlı faktlar
16:40 03 Dekabr 2020
Pançevin əsəri əsasında səhnələşdirilən tamaşa onlayn göstəriləcək
16:01 03 Dekabr 2020
“Netflix” platformasının İstanbulda ofisi açılır
15:19 03 Dekabr 2020
Məşhur aktyor transseksual olduğunu açıqladı - Adını dəyişdi
14:34 03 Dekabr 2020
İspaniyada Əhmədiyyə Cəbrayılovun şərəfinə poçt markaları buraxıldı
13:41 03 Dekabr 2020
Kamal Abdullaya yaraşmayan söz - Aydın Talıbzadə yazır...
12:58 03 Dekabr 2020
Koronavirusa yoluxan Mehriban Ələkbərzadə danışdı: "Nəfəs ala bilmirəm"
12:20 03 Dekabr 2020
Ölən arvadının telefonundan özünə zəng edən Həmid kişi – Yeni hekayə
11:55 03 Dekabr 2020
Fəxrəndə Həsənzadə Tağıyev adına qızıl medalla təltif edildi
11:48 03 Dekabr 2020
Xudayarın nəğmə ilə layla çaldığı məzar – Fəridə yazır...
11:10 03 Dekabr 2020
Qar tutan yollarına qurban olum – Laçınlı şairdən qələbə şeiri
10:30 03 Dekabr 2020
"Dəli Maks"ın İmmortal Cosu vəfat etdi
10:01 03 Dekabr 2020
Azərbaycanlı aktyora ikinci dəfə ağır itki üz verdi
09:12 03 Dekabr 2020
Peraşki satan, taksiçilik edən, özünə qız istəyən əsgərlərimiz – Ən kreativ görüntülər
08:56 03 Dekabr 2020