news-inner
clock11:01 calendar-gray 04 Noyabr 2020 view-gray2012 dəfə oxunub
view-gray2012 dəfə oxunub

Müğənnilərin vətənpərvərliyinə niyə inanmırıq?

Niyə kütlə şou əhlinə, müğənnilərə qarşı bu qədər aqressivdir?

Bizim ölkəmizdə müğənnilər sənətin təkcə bazar məqsədi daşımadığını hələ də öyrənə bilmirlər və elə kütlə ilə şou-biznes nümayəndələri arasındakı uçurum tam mənasıyla bu məqamda gizlidir. Dünyanın bütün ulduzları cəmiyyətdə bəlli bir obraz formalaşdırıb. Məsələn Ancelina Coli deyəndə hamının ağlına “yaxşılıq mələyi” obrazı gəlir. Və o, bunun PR-nı çox peşəkar şəkildə aparır. Məsələn, Afrikadakı ac uşaqlara yardım edəndə əlinə beş-altı yardım qutusu alıb hay-həşir salmır.

Bu işlər incə işlərdir. “Nə şiş yansın nə kabab” formulunu tapmaq üçün ya məşhurun özünün yüksək intellekti olmalıdır, ya da bu sahədə peşəkar komanda ilə işləməlidir. Türkiyənin məşhur aşıqlarından olan Aşıq Şevkatinin bir sözü var. O, deyirdi ki, başı boş olan, heç bir obraza sahib olmayan insandan sənətkar ola bilməz.

Bu gün bizim tanınan simalarımız, ulduzlarımız arasında obrazı olan biri varmı?

Çətin sualdır.

Bu gün ölkəmizdə müharibə gedir. Xalq olaraq 30 ildə yaşamadığımız xoşbəxtliyi yaşayırıq. Heç olmadığımız qədər nikbinik. Qurdla-quzunun bir yerdə otladığı dövrə qədəm qoymuşuq sanki. Bu ərəfədə kütlə hamını bağışladı, bircə şou əhlindən başqa. İçlərində bu kəsimə olan kin, nifrət səngimədi. Heç müğənnilər də bunun olması üçün heç bir addım atmadı.

Ölkəsində bir aydır müharibə gedən Əməkdar artist Mətanət İskəndərli şəhidlərin qanı qurumamış Türkiyədə konsert verməyə getdi. Yaxşı. Dolanışıq dərdi deyək, anlayış göstərək. Bunu videoya çəkib niyə paylaşırsan sosial şəbəkədə? Açıqlama vermir, əvəzində səhifəsində qələbə xəbərləri paylaşır.

Bir neçə il bundan əvvəl Türkiyədə PKK-nın hücumu nəticəsində onlarla türk polisi şəhid olmuşdu. Türkiyədə konsertlər, toylar təxirə salındı. Sibel Can çıxdı dedi ki, musiqinin təkcə əyləncə məzmunu daşıdığını düşünmək çox yanlışdır, o, həm də bizim kədərimizi, dərdimizi ifadə tərzimizdir və mən təklif edirəm ki, konsertlər təxirə salınmasın, konsertlərdən əldə olunana gəlir şəhid polislərimizin ailələrinə verilsin.

Fikir vermisinizsə ən hissiyyatlı mahnılar, ən qiymətli sənət əsərləri dərdi, hüznü çox olan insanların yaradıcılıq məhsuludur. Həqiqi sənətkar yaşadığı cəmiyyətin problemini, dərdini duymadan əsl sənət əsəri yarada bilməz.

Müğənni Səidə Sultan İnstagram-da paylaşım edib, xalqa xitabən yazır ki, siz niyə müğənnilərin vətənpərvərliyinə inanmırsınız? Siz niyə ancaq müğənniləri qaralamısınız?

Amma qaçırtdığı incə bir məqam var. “Millət nədir?”, “Vətən nədir?” Suallarına ömür boyu cavab axtarmayan sənətçi, bu gün əyninə əsgər forması geyinib cəbhə xəttində peyda olub foto çəkdirməklə, İnstagram-da şəhid fotoları paylaşmaqla kütləni öz səmimiyyətinə inandıra bilmir.

Bəlkə, zaman-zaman nəğmələri seviləcək, hansısa mahnısından kədərlənəcək, hansısa mahnısından xoşbəxt olacaq. Amma bir balaca yanlışında kütlə o sənətçiləri o gözəl mahnılara görə də bağışlamayacaq. Bu gün olduğu kimi. Sizin sənətçi olaraq hər şeyə haqqınız var. Yaxşı yaşamağa, bahalı həyat sürməyə, gözəl evlərdə yaşamağa. Amma dinləyicilərə özünüz boyda xəyal qırıqlığı yaşatmağa haqqınız yoxdur.

Kitab oxumayan, məlumatsız, bütün həyat və yaradıcılığını toy üzərində quran, yeniliyin ancaq qarderoblarını, imiclərini dəyişməkdən ibarət olduğunu düşünən, tez-tez kanallarda verilişlərə çıxıb ona-buna ağıl öyrədən müğənnilər, əslində, özlərinə “biz harda səhv etmişik?” sualını verməli deyilmi?

Mətanət İskəndərlinin fotosunun altında bir izləyicinin şərhi məni çox kədərləndirdi: “Mətanət xanım indiyə qədər sizin mahnılarınızı dinlədiyim üçün özümü günahkar hiss edirəm”.

Bir sənətkara bundan ağır söz ola bilməz. Bu şərhi yazan izləyici mənə satqınlığına görə Knut Hamsuna etiraz əlaməti olaraq bir səhər vaxtı ona aid kitabları gətirib yazıçının qapısının ağzına qoyub səssizcə uzaqlaşan norveçli gənci xatırlatdı.

Xalqının ən ağır günlərində yanında olmayan müğənnilərin mahnılarını dinləməkdən imtina etmək ən təsirli etiraz yoludur. Nəinki sosial şəbəkələrdə söyüb, sabah gedib toylarda “Bacı qurban” mahnısına oynamaq...

news-inner-user
Günel Musa

116 məqalə

Oxşar xəbərlər

Xəbər lenti

Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021