writer1

Ayxan Ayvaz

Məqalə sayı

527
clock10:49 calendar-gray 27 Oktyabr 2020 view-gray1645 dəfə oxunub
view-gray1645 dəfə oxunub

Dostum koronavirusa necə yoluxdu?

Taksidə gedirdim, sürücü uzaqdan polisi görən kimi maskasını yuxarı dartdı.

- Dayı, niyə axı? - soruşdum. - Maska ancaq polisi görəndə taxırlar?

Başa düşmədi, üzündə sual işarəsi mənə baxdı.

- Maska taxılmalıdır, xüsusən qapalı yerdə. Virus belə yerdə daha tez yaxalayır adamı.

Güldü kişi, özü də yırğalana-yırğalana.

- Gavur virusu maa heş zad eliyə bilməz.

Üstündən bir həftə keçmişdi, televizora baxırdım, koronovirusun ikinci dalğasının gəldiyini deyirdilər. Qəribədir, ekranda bir polis eynən mənim şahidim olduğum hadisəni danışdı:

- Biri polis görən kimi maskanı yuxarı dartır. Olmaz belə.

Bu yaxınlarda kənd camaatının verdiyi məlumata görə, həmin taksi şoferi virusa yoluxubmuş.

Bir dostum da koronavirus təzə-təzə meydana çıxanda zarafatından qalmır, iki dəqiqədən bir bizim maskamıza irişir, deyirdi, qaqa, nə qorxaq adamsan, kişi də virusdan qorxar. (Heç dəxli var? Kişiyəm deyə virusdan qorunmamalıyam?)

Mən də deyirdim ki, ay qardaş, əl-üzünü yu, məsafə saxla, qapalı yerlərdə maska tax, özünü qoru. Gülürdü. Deyirdi, mən güclü adamam, bütün günü sarımsaq yeyirəm.

De ha, o gün yoluxduğunun xəbəri gəldi. Başı qarışıb müharibə söhbətlərinə, deyib, vəssalam, bu koronavirus, zad yat-küt oldu. Əvvəl də düz-əməlli qorunmurdu, müharibə söhbətindən sonra tamam başını buraxıb. Və budur... Zəng elədim ki, necəsən, dost. Gördüm, mızıldanır, özünüzü qoruyun deyir.

Bizim problemimiz bilirsiniz nədir? Həmişə öz başımıza gələndə inanırıq. Deyirik ki, mənə olmadısa, deməli belə bir şey yoxdur. Bir də lazımsız qürurumuz var: kişi də qorunarmı, ayə? Yaxud da deyir: "Allah nə yazıbsa, o olacaq". Allah deməyib ki, özünü burax, nə istəyirsən elə. Sən özünə baxmasan, heç kim sənə yiyə duran deyil.

Dostlar, nə çətindir ki? Məsafə saxlayırsan, əlini-üzünü sabunla yaxşı-yaxşı yuyursan, maska taxırsan, spirtlənirsən. Vəssalam. Sadə gigiyenik qaydalar.

Cəbhədə əsgər döyüşür, bütün günü soyuq torpaqda yatır, gecəsini gündüzünə qatıb sənin üçün qələbə xəbəri yetirir, sən də adi gigiyenik qaydalara əməl etməyib dövləti cəncələ salırsan.

Olmaz belə.

Lütfən, qorunaq və koronaya da qalib gələk.

REKLAM

Yazarın digər yazıları

Xəbər lenti

İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021
Nobel mükafatçısı intim konsert verəcək – İlk dəfə
11:09 18 İyun 2021
Seymur Baycandan yeni kitab
10:42 18 İyun 2021
Nura Surinin oğlu qəzaya düşdü - Foto
10:09 18 İyun 2021
Rəşad Məcidin “Qələmsiz yazılanlar”ı rusca çap olundu
09:42 18 İyun 2021
O gündən Bəşər dayı qızını evə qıfılladı – Bircə yazır...
09:00 18 İyun 2021
Nazirlik ədəbiyyat müsabiqəsinin qaliblərini mükafatlandırdı
01:24 18 İyun 2021
Qadınlar sevmək üçündür, başa düşmək üçün yox - Sevgi haqqında qəribə aforizmlər
21:02 17 İyun 2021
Məşhur aktyor yeni seriala çəkilir
18:50 17 İyun 2021
Atası başını qırxıb oğlan kimi böyütdü: İki dahi bəstəkarımızın evlilik təklif etdiyi “yaralı turac” - Video
18:33 17 İyun 2021
Orxan Saffarinin ilk kitabı nəşr olundu - Foto
18:14 17 İyun 2021
Çingiz Abdullayevə AYB-də yeni vəzifə tapşırıldı - Eksklüziv
17:47 17 İyun 2021
Buqələmun gecə rəngini dəyişmir - Kino tariximizdə ilkə imza atan film
17:01 17 İyun 2021
Məşhur hind aktyor vəfat etdi
16:17 17 İyun 2021
Başını dik tut, mən şəhid oldum
15:29 17 İyun 2021
Nizaminin sözlərinə bəstələnmiş musiqi albomu buraxıldı
14:40 17 İyun 2021
Azərbaycanlı ifaçı beynəlxalq müsabiqənin Qran-Pri mükafatına layiq görüldü
13:52 17 İyun 2021
Van Dammın azərbaycanlı gəlini kimdir? – Dosye - Fotolar
13:08 17 İyun 2021