Özbək şair qarabağlı qızdan poema yazdı

Özbək şair qarabağlı qızdan poema yazdı
21 oktyabr 2020
# 12:41

Tanınmış özbək şairi, Özbəkistanın populyar “Kitab dünyası” ədəbiyyat-mədəniyyət qəzetinin baş redaktoru Xasiyyət Rüstəmin Azərbaycan həqiqətlərindən bəhs edən “Adı Lalə idi o qızın” adlı poeması çapdan çıxıb.

Kulis.az xəbər verir ki, əsəri özbəkcədən gənc özbək yazarı Rəhmət Babacan, şair-publisist Əkbər Qoşalı və şair Elşən Əzim uyğunlaşdırıb. Dünya Gənc Türk Yazarlar Birliyi və “Zirvə” Tədris Mərkəzinin ortaq nəşri olan kitabın məsləhətçiləri Milli Məclisin deputatları Qənirə Paşayeva və Məşhur Məmmədovdur.

Şeirləri dünyanın bir çox dillərinə çevirilmiş Xasiyyət Rüstəmin Azərbaycanda işıq üzü görən ikinci kitabının rəyçiləri Milli Məclisin deputatı Cavanşir Feyziyev, Daşkənddəki Heydər Əliyev adına Mədəniyyət Mərkəzinin direktoru Samir Abbasov və “Zirvə” Tədris Mərkəzinin direktoru Rahib İbrahimovdur.

Qeyd edək ki, kitabın “Ön söz” və “Təqdim” yazılarını Milli Məclisin Mədəniyyət Komitəsinin sədri Qənirə Paşayeva ilə Daşkənddəki Heydər Əliyev adına Azərbaycan Mədəniyyət Mərkəzinin direktoru Samir Abbasov yazıb.

Kitabın redaktorları Əkbər Qoşalı və İntiqam Yaşardır.

“Adı Lalə idi o qızın” əsərində birinci Qarabağ savaşı zamanı öz ata-baba yurdundan didərgin düşən Lalənin acı həyat hekayəsindən, ailəsinin yaşamış olduğu ağrı-acılardan, bu ağrı acıların onun uşaq yaddaşında buraxdığı dərin izlərdən və son zamanlarda Ermənistanın Azərbaycana qarşı apardığı növbəti işğalçılıq siyasətindən bəhs edilir. Təsadüfi deyil ki, poema, Tovuza düşmən hücumlarının başlandığı 12 iyuldan etibarən yazılıb və 16 iyulda tamamlanıb.

Onu da əlavə edək ki, kitabın Azərbaycanın və Özbəkistanın bir çox elm-mədəniyyət qurumlarına paylanılaraq geniş oxucu kütlələrinə çatdırılması planlanıb. Bundan əlavə kitabın yaxın günlərdə “virtual təqdimat”ı da nəzərdə tutulub./azertag.az/

Gallery

# 2838 dəfə oxunub

Oxşar xəbərlər

Rüstəm Behrudiyə ağır itki

Rüstəm Behrudiyə ağır itki

20:38 14 iyul 2025
Məşhur rejissor vəfat etdi

Məşhur rejissor vəfat etdi

18:08 14 iyul 2025
Musiqili Teatrda mövsümün son yubileyi

Musiqili Teatrda mövsümün son yubileyi

18:00 14 iyul 2025
Bred Pittin evi qarət edildi

Bred Pittin evi qarət edildi

17:20 14 iyul 2025
Ramil Babayev əməliyyat olundu

Ramil Babayev əməliyyat olundu

16:50 14 iyul 2025
Günəş topla mənim üçün - Etimad Başkeçidin hekayəsi

Günəş topla mənim üçün - Etimad Başkeçidin hekayəsi

16:30 14 iyul 2025
# # #