Rusiyanın tanınmış aktrisası vəfat etdi

RSFSR-in Xalq artisti İrina Skobseva vəfat edib.

APA -nın “RİA Novosti”yə istinadən verdiyi xəbərə görə, bu barədə rejissor Fyodor Bondarçukun "İnstagram" səhifəsində qeyd olunub.

Aktrisanın ölüm səbəbi açıqlanmayıb.

1927-ci ildə Tula şəhərində anadan olan İrina Skobsevanın kinoda debütü 1955-ci ildə Sergey Yutkeviçin çəkdiyi məşhur "Otello" filmindəki Dezdemona obrazı olub. Bu, ilk dəfə filmə çəkilən bir aktrisa üçün çox uğurlu başlanğıc idi. Bu film 1956-cı ildə Kann kinofestivalında iştirak edib və "Ən yaxşı rejissor işi"nə görə mükafat alıb.

Altmışdan çox ekran işində rol alan aktrisanın çəkildiyi filmlər arasında “Hərb və sülh”, “Onlar vətən üçün döyüşürdülər”, “Sakit Don” və başqaları var.

O, sovet rejissoru Sergey Bondarçukun həyat yoldaşı, aktyor, rejissor Fyodor Bondarçukun anasıdır.