news-inner
clock15:01 calendar-gray 02 Oktyabr 2020 view-gray3071 dəfə oxunub
view-gray3071 dəfə oxunub

Ömrünün sonunacan o iki məzarı ziyarət etdi – Heç vaxt ailə qurmayan Turan Cavidin film kimi həyatı

Bu gün böyük şair Hüseyn Cavidin qızı, tədqiqatçı-alim Turan Cavidin doğum günüdür. Kulis.az bu münasibətlə onunla bağlı maraqlı faktları təqdim edir.

Turan Cavid 1923-cü ildə Bakı şəhərində anadan olub.

***

Ailəsinin başına gələn faciələr onun şəxsi həyatını alt-üst edib.

***

Deyilənə görə, Ənvər Məmmədxanlı ilə bir-birilərini sevən Turan Cavid heç zaman qovuşa bilməyiblər. Ənvər Məmmədxanlı Hüseyn Cavid repressiya olunandan sonra “xalq düşməninin qızı” ilə evlənə bilməzdi. Buna görə Turan xanımla evlənmir, amma özünü də bağışlamır və həyatı boyu ailə qurmur. Turan xanım da bunu bildiyi üçün o da ailə qurmur və ömrünün sonuna kimi Ənvər Məmmədxanlının bacısı Həbibə xanımla rəfiqə olur.

***

Ömrünün sonuna kimi tez-tez ona əziz olan iki adamın, Həbibənin və Ənvər Məmmədxanlının məzarını ziyarət edib.

Hüseyn Cavid irsinin qorunub saxlanılmasında Turan Cavidin böyük əməyi olub. Təkcə Hüseyn Cavidin yox, anası Müşkinaz xanımın, qardaşı Ərtoğrulun ağrı-acılı ömür yolunun bugünkü nəsillərə bələdçiliyində Turan xanım bir neçə alimin, ədəbiyyatşünasın görəcəyi işi təkbaşına yerinə yetirib.

***

Vaxtilə Turan xanımın ikiotaqlı evində bir dənə də olsun xal-xalça olmayıb. Evində uzun illər qoruyub saxladığı fotoşəkillər, ayrı-ayrı adamlardan əldə etdiyi əlyazmalar, o dövrün itib-batmaqda olan qəzet və məcmuələrindən götürülmüş şeirləri, məqalələri toplayıb səliqə ilə qoruyub saxlayıb.

Üzeyir Hacəbəyliyə böyük rəğbəti vardı. Turan xanımı ilk dəfə radioda işə düzəldən də elə Üzeyir bəy Hacıbəyli olub. Hər zaman Turan Cavid o illərdən söhbət açarkən Üzeyir bəyi böyük minnətdarlıq hissi ilə xatırlayardı.

***

Bir gündə iki dəfə infarkt keçirib. Həkimlər ürəyinin kardioqramasını çıxartmaq istəsələr də o, buna razı olmayıb. Tədqiqatçı-ailm Azər Turan xatirələrində yazır ki, Turan xanım həkimlərdən onu rahat buraxmasını istəyib.

Son günlərinə qədər onun yanında olan A.Turan, Turan xanımın ona qapının üstündə “M.Cavid” yаzılmış lövhəni dəyişdirməməyi, evdə hər şeyin оlduğu kimi qоrunub sахlаnmаsını nigаrаn-nigаrаn tаpşırdığını yazır: “Bir gün, Ərtоğrоlun Nахçıvаn qəbirstаnındаkı bоş məzаr yerindən də söhbət аçdı və аçığını deyim, mənə elə gəldi ki, Turаn хаnımın ürəyindən dünyаsını dəyişəndən sоnrа оrаdа, Ərtоğrоlun yerində dəfn оlunmаq keçir. Аrаyа söz qаtıb, bunu dəqiqləşdirmək istədim:
- О yeri hаnsı bəхtəvərə bаğışlаyаcаqsınız?
- Аllаh bilir.
- Mənə rəvа görərsiz?
- Bizə yахın оlmаq istəyirsən?
Bildim ki, Turаn хаnım ömrünün əbədiyyət qismini Cavid məqbərəsində dоğmаlаrının əhаtəsində dаvаm etdirmək təmənnаsındаdır.”

***

Heç vaxt ailə qurmayan, övlad sahibi olmayan Turan qırх il istifаdə etdiyi kürsüsünü, Cavid əfəndinin sаğlığındа nəşr оlunmuş kitаblаrını, Şəmsəddin Sаminin vахtilə Hüseyn Cavidin İstаnbuldаn gətirdiyi “Qаmusül-Türki” əsərinın üçcildlik nаdir nüsхəsini, birgə çəkdirdikləri bir аlbоmluq şəkli Azər Turana bağışlayıb.

***

Azərbaycanda ilk dəfə Hüseyn Cavid Turan adını öz qızına verib.

Turan Cavid 2004-cü ildə 81 yaşında Bakıda vəfat edib və vəsiyyətinə uyğun olaraq, Naxçıvanda - Hüseyn Cavidin dəfn olunduğu ailə məqbərəsində dəfn edilib.

news-inner-user

16822 məqalə

Oxşar xəbərlər

Xəbər lenti

Əməkdar artist vəfat edib
19:21 27 Oktyabr 2020
Məşhur serialın qəhrəmanı vəfat etdi
18:50 27 Oktyabr 2020
Fikrət Qocanın "Seçilmiş əsərləri" çap olundu
18:10 27 Oktyabr 2020
Üzünü o yana çevir – Sevincdən müharibə şeirləri
17:47 27 Oktyabr 2020
Nizami kino Mərkəzi Mel Gibsonun filmlərindən imtina etdi
16:32 27 Oktyabr 2020
Musiqili Teatrın əməkdaşları əsgərlərə məktub yazdı
16:19 27 Oktyabr 2020
Azərbaycanlı bəstəkarın “Xocalıya” əsəri təqdim olundu
15:39 27 Oktyabr 2020
Seymur Baycan üçün küçədə ağlayan qız - Fəridə yazır...
15:01 27 Oktyabr 2020
“Zəng” tamaşası onlayn göstəriləcək
14:15 27 Oktyabr 2020
Rövşən Lənkəranski haqqında kitab nəşr olundu
13:39 27 Oktyabr 2020
Qarabağa savaşa gələn Anna Akopyana bir-iki məsləhət
13:03 27 Oktyabr 2020
Bağırov ona aşiq oldu, həyatını zindana çevirdi: Güllələnən ilk qadın pianoçumuz
12:10 27 Oktyabr 2020
Ey Milli Qəhrəmanım! – Ali Baş Komandana şeir yazıldı
11:30 27 Oktyabr 2020
Dostum koronavirusa necə yoluxdu? - Ayxan Ayvaz yazır
10:49 27 Oktyabr 2020
Prustun heç yerdə yayımlanmayan hekayələri nəşr olunacaq
10:20 27 Oktyabr 2020
Şeytanın saçından bərk yapış - Yeni hekayə
09:00 27 Oktyabr 2020
41 ölkə “Eurovision-2021”də iştirakını təsdiqləyib
18:53 26 Oktyabr 2020
Səyyad Aranın romanı Türkiyədə çap olundu
18:15 26 Oktyabr 2020
Özündən 30 yaş kiçik tələbəsinə aşiq oldu, 4 dəfə evləndi, övladını vəhşicəsinə qətlə yetirdilər – Məşhur diktordan maraqlı faktlar
17:35 26 Oktyabr 2020
Xalq yazıçısının dünya yazıçılarına müraciəti əcnəbi mediada - Fotolar
16:56 26 Oktyabr 2020