Dövlət İmtahan Mərkəzi ali təhsil müəssisələrinə qəbul olan tələbələrin adlarını açıqlayıb. Tələbə adı qazananlar arasında tanınmışların da övladları da var.

Kulis.az övladı bu il ali məktəbə qəbul olan məşhurları təqdim edir.

APA Tv-nin aparıcısı Sevinc Vaqifqızınını qızı Azərbaycan Dövlət İqtisadiyyat Universitetinə qəbul olub.

Yazıçı Varis Yolçuyevin oğlu Cavad Yolçuyev UNEC-in İqtisadiyyat fakültəsinə daxil olaraq tələbə adına layiq görülüb.

Lent.az saytının redaktoru Səbinə Əvəzqızının oğlu Cavidan Məmmədli UNEC-ə qəbul olub.

Əməkdar artist Nicat Kazımovun iki övladı ali məktəbə qəbul olub. Böyük oğlu Mirhəsən ADMİU-nun magistraturasına, kiçik oğlu isə Memar İnşaat universitetinə qəbul olub.

APA TV-nin redaktoru Cavid İsmayılın oğlu Bakı Dövlət Universitetinin Beynəlxalq münasibətlər və iqtisadiyyat fakültəsinə daxil olub.

“Yeni Müsavat” qəzetinin baş redaktoru Xalid Kazımlının oğlu Nihad Kazımlı Xəzər Univeristetinin Psixologiya fakültəsinə qəbul olunub.

Məşhur jurnalist, Dövlət Miqrasiya Xidmətinin İctimaiyyətlə əlaqələr idarəsinin rəisi Elnur Kələntərlinin qızı Rübabə Kələntərli Türkiyənin Özyegin Universitetinin Komputer Elmləri proqramı üzrə Mühəndislik fakültəsinə daxil olubş

Jurnalistlər Zamin Hacı və Sevinc Telmanqızının qızı Selcan Bakı Dövlət Universitetinin Jurnalistika fakültəsinə daxil olub:

Aparıcı Günay Novruzqızının qızı UNEC-in Marketinq fakultəsinin tələbəsi adını qazanıb.

Jurnalist Şöhrət Eldənizin oğlu Azərbaycan Dövlət Dillər Universitetinə qəbul olub.

Rafiq Zəka Xəndanın nəvəsi Ayan İqtisad Universitetinə daxil olub.

Yazıçı Qalib Şəfahətin övladı BDU-nun jurnalistika fakültəsinə qəbul olub.

• Serenay Sarıkaya saxlanıldı
• “Heydər Əliyev və Azərbaycan Ədliyyəsi” kitabının təqdimatı keçirildi
• Bir yazlıq ömür - Sevinc Xanbutayevanın hekayəsi