“Neftçi” qalıb ki?  – Yazıçılar “Qalatasaray”la oyundan danışdı

“Neftçi” qalıb ki?  – Yazıçılar “Qalatasaray”la oyundan danışdı
17 sentyabr 2020
# 15:01

Bu gün Avropa Liqasının 2-ci təsnifat mərhələsində “Neftçi” - “Qalatasaray”la qarşılaşacaq. Kulis.az yazıçılar arasında sorğu keçirib. Hansı kluba azarkeşlik edəcəksiniz? Kim qalib gələcək? Cavabları təqdim edirik.

Fikrət Qoca

- Azarkeşlik etmirəm. Kim yaxşı oynayırsa, o qalib gəlsin. Əsas odur dostluq, məhəbbət qazansın. Hər ikisi də doğma komandalarımızdır.

Aqil Abbas

- “Neftçi”yə uğurlar arzulayıram, amma uduzacaq. Hətta “Qalatasaray” “Neftçi”ni saymayıb, 9 əsas futbolçusunu gətirməyib. Fatih Terim hörmətsizlik edib. Özü də hər iki komanda mənimdir. Hansı qalib olursa, olsun. “Neftçi” qalıb? “Keşlə”ni uda bilməyən komanda o boyda “Qalatasaray”a neyləsin?!

Sabir Rüstəmxanlı

- Kim güclüdürsə, o udsun. “Neftçi”yə gənclik illərimizdə azarkeşlik edirdim. İndi izləmirəm. Məncə, “Qalatasaray”:“Neftçi” üçün ən uğurlu variant heç-heçə olar.

Seyran Səxavət

- Düzünü desəm, bu oyunda yaxşı oyunçulara azarkeşlik edəcəm. Çünki mənim iki sevimli komandam qarşılaşır. Ona görə də mənim qələbəm mütləqdir. Əlbəttə ki, “Qalatasaray” qələbə qazanacaq. 30-40 il bundan əvvəl bizim o vaxtkı “Lenin” stadionunda “Neftçi” ilə “Qalatasaray” qarşılaşmışdı və bizimkilər 3:1 hesabı ilə qalib gəlmişdilər. O vaxtlar “Neftçi” çox güclü idi. Hətta Yaponiya komandasını 10:0 hesabı ilə məğlub eləmişdi. İndi vəziyyət başqa cürdür. Komanda çox zəifləyib.

Etimad Başkeçid

- “Qalatasaray” azarkeşiyəm, amma bu dəfə məhəlləmizin komandası kimi “Neftçi”yə azarkeşlik edəcəyəm. Hesab 1:1 olacaq.

Elçin Hüseynbəyli

- "Neftçi"nin qələbəsini istərdim. Amma "oyunçu aparsın" deyirəm. Yəqin ki, "Qalatasaray" üstün olacaq.

Aqşin Yenisey

- Ümumi oyuna baxacağam. Məncə, heç-heçə oynayacaqlar.

Qismət

- Mən 96-cı ildən “Qalatasaray”a azarkeşlik edirəm, futboldan başım çıxandan böyük futbol arenasında “Cimbom”u görmüşük, amma “Neftçi” də bizim üçün əzizdir, doğmadır. Futbol deyimi ilə desək, güclü olan qazansın. Hesab minimal olacaq, yəqin.

# 4349 dəfə oxunub

Oxşar xəbərlər

Rusiyalı model vəfat etdi

Rusiyalı model vəfat etdi

18:43 17 noyabr 2026
Göbəklitəpənin tarixi mirasını miqrant uşaqların taleyi ilə birləşdirən film təqdim olundu

Göbəklitəpənin tarixi mirasını miqrant uşaqların taleyi ilə birləşdirən film təqdim olundu

18:02 17 noyabr 2026
Tural Turan beynəlxalq mükafata layiq görüldü

Tural Turan beynəlxalq mükafata layiq görüldü

17:32 17 noyabr 2026
Gənc aktrisa vəfat etdi

Gənc aktrisa vəfat etdi

17:14 17 noyabr 2026
Klimtin əsəri hərraca çıxarılır - 80 milyon dollara

Klimtin əsəri hərraca çıxarılır - 80 milyon dollara

16:39 17 noyabr 2026
"İndiki övladlar valideynlərinə bankomat kimi baxırlar" - Seyran Səxavətlə müsahibə

"İndiki övladlar valideynlərinə bankomat kimi baxırlar" - Seyran Səxavətlə müsahibə

16:22 17 noyabr 2026
#
#
Ana səhifə Reels Yazarlar Xəbərlər