İspan dilli ölkələrin Nobel Mükafatı kimi tanınan “Servantes Mükafatı”nın bu ilki sahibi şair və yazıçı Xose Manuel Kabalero Bonald olub.
Bu barədə İspaniyanın Təhsil və Mədəniyyət naziri Xose İqnasiyo Vert bildirib. Münsiflər Kabalero Bonaldın ispan dilli ədəbiyyata töhfələrini yüksək qiymətləndirib, onu “dilin ustası” adlandırıblar.
“Servantes-2012”nin qalibi “müharibə uşaqları” dövrünün nümayəndələrindən hesab olunur. Kabalero Boland yaradıcılığa şeirlə başlayıb. İlk şeirlər toplusu 1952-ci ildə çap olunub.
O, bir çox ədəbi mükafatların sahibidir. Şair poeziya sahəsində ilk mükafatını hələ 1950-ci ildə alıb.
Boland “Sentyabrda iki gün”, “Bütün gecə quşların uçmağı eşidildi”, “Ata evində” romanlarının müəllifidir.
“Migel de Servantes” mükafatı ispan dilli ölkələrin ən böyük mükafatı hesab olunur. Mükafat həyatda olan şair və yazçılara təqdim olunur. Namizədlərin siyahısı hər il ispan dilli ölkələrin Akademiyaları tərəfindən İspaniya Təhsil və Mədəniyyət Nazirliyinə göndərilir.
125 min avro dəyərində olan mükafat 23 aprel tarixində-dahi yazıçının vəfatı günü sahiblərinə verilir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər