Azərbaycanlı ifaçı afrikalı müğənni ilə “Sarı gəlin” mahnısını duet oxudu

Ukraynada yaşayan azərbaycanlı müğənni Vaqif Nağıyev nigeriyalı Anyanya Udongvo ilə Azərbaycanın milli musiqi incisi sayılan “Sarı gəlin” mahnısını duet oxuyub.

Kulis.az xəbər verir ki, ortaq duetin təşəbbüskarı afrikalı müğənni olub. Mahnı seçimini isə V.Nağıyev edib. Məqsəd “Sarı gəlin” xalq mahnısını dünya xalqlarına Azərbaycan musiqisi kimi təbliğ etməkdir. Ukrayna xalqına Azərbaycan musiqi mədəniyyətinin gözəlliyini və zənginliyini göstərmək vəzifəsi qoymuşdular.

Mahnının videoklipində isə rəqqas Oksana Rəsulovanın kompozisiyası da yer alıb.