news-inner
clock11:50 calendar-gray 10 Sentyabr 2020 view-gray3714 dəfə oxunub
view-gray3714 dəfə oxunub

Anar AYB sədrliyindən getsin, getməsin? – Yazıçıların fikri

Sosial şəbəkələrdə ölkəmizdə başlayan islahatlarla bağlı müzakirələrdə AYB-yə 33 illik sədrlik etmiş Xalq yazıçısı Anarın növbəti qurultayda vəzifəsindən könüllü getməsi təklifi verilib. Kulis.az məsələ ilə bağlı tanınmış yazıçıların fikirlərini təqdim edir.

Gallery

Mövlud Süleymanlı

- Mən heç vaxt Anar müəllimin getməyini istəməmişəm. Onun getməyi bizə ziyan edər. Millətə, yazıçılara, oxuculara... Anlasalar da, anlamasalar da bu, belədir. Anarın özü istefa verərsə, bu, ayrı. Amma mən o fikirdə deyiləm ki, istefa versin. Anar həmişə hər yerdə gərəkli olduğunu göstərib. 33 il sədr olmağı onun necə çalışmağının, fəaliyyətinin göstəricisidir.

Gallery

Sabir Rüstəmxanlı

- Yazıçılarımızın Anardan başqa qayğıları yoxdur, görəsən? O, istefa verəndən sonra daha yaxşı yazmağa başlayacaqlar?

Gallery

Səfər Alışarlı

- Bu məsələ 20 ildən çoxdur ki, ədəbi ictimaiyyətin daimi müzakirə mövzusudur. Böyük əksəriyyət Anarın getməsini istəyir. Ancaq o, getmir və arada, kefinin yaxşı vaxtına düşəndə, özünün müxtəlif janrlı cavab və atmacaları ilə onun sədrliyini gündəmə gətirənlərlə, onların təklif və tövsiyələri, arzu və istəkləri ilə məzələndiyini gizlətmir. Yəni, bu, Azərbaycan cəmiyyətinin ən həssas milli düşüncə təbəqəsinə ironik, eyni zamanda satanist bir münasibətin təzahürü sayıla bilər.

Baxın, hakimiyyət təmsilçiləri vaxtaşırı ölkə mədəniyyətinin rəhbərləri ilə nəticəsi bizə bəlli olmayan görüşlər, müzakirələr keçirir. Orada iştirak edən rəhbər kontingentin hamısı Anar kimidir. Hələ onlara baxanda bizimki toya getməlidir. Bu, reallıqda otuz üç illik sədrə "get" demək bir qədər qeyri-ciddi səslənir.

Gallery

İradə Musayeva

- Anarın istefası heç nəyi dəyişməyəcək. AYB ləğv olunmalı, üzvlər dağılışmalı, həmin binanın və AYB-nin tarixçəsi yaxşı, ya pis assosiasiyalı xatirəyə çevrilməli, muzey olmalıdır. Repressiya dövründən bu yana qərəzsiz bir kitab yazılmalı, bir küncdə şüşə altda saxlanılmalıdır. AYB və onun mətbu orqanları ədəbiyyat adına parodik bir istehzadır. Vaxtilə təkcə ədəbiyyatda deyil, ümumən sənətdə, mədəniyyətdə faydalı işlər görmüş Anarı AYB hörmətdən saldı. Çünki Anarın nüfuzu AYB-ni qaldıra bilmədi. Aşağılanan mənəvi sahələrimizdə Anar həqiqi potensialını ortaya qoymaq istəmədi, yəqin. Bəlkə də axına qarşı getməyin acısını bildiyi üçün.

Gallery

Həmid Herisçi

- Məncə o, sadəcə ölməzdir.

Gallery

Sahilə İbrahimova

- Təbii ki, getməlidir. Çoxdan getməli idi. Yubileylərindən birində dövlətin verdiyi təltifə görə təşəkkür etdikdən sonra estafeti gənclərə ötürüb, yazılarına və nəvələrinə vaxt ayırmağa getməli idi. Belə olan halda kreslosundan bərk-bərk yapışan məmurlara bənzəmək əvəzinə, “Beşmərtəbəli evin altıncı mərtəbəsi”nin müəllifi olaraq yenilikçi yazıçı ruhuna sadiq qalardı.

Gallery

Rüstəm Behrudi

- Mən AYB-nin üzvü olmadığımdan fikir söyləməyə çətinlik çəkirəm. Ancaq mütləq fikrimi bilmək istəyirsinizsə, düşünürəm ki, uzun müddət cənnətdə yaşamaq belə nə vaxtsa adamı bezdirə bilər. Qaldı ki, vəzifə ola! Təbii, Anar müəllim yerini cavanlara təhvil verməlidir. Bir də AYB-nin olub-olmamasının əsil ədəbiyyat adamlarına nə dəxli var ki?! Mən 30 ildən artıq bir dövrdə AYB-nin üzvü olsam da ora ayaq basmamışam. Bu, çox şey demirmi?!

Gallery

Rəbiqə Nazimqızı

- Bu qurumla heç bir inzibati əlaqəm yoxdur, özləri bilər, mənimçün indi daha vacib məsələlər var.

Gallery

Aqşin Yenisey

- AYB özü qalmalıdırmı? Mədəni, ədəbi həyatımızda bu qurumun bir faydası varmı? Məncə, bu suala cavab axtarılmalıdır. Anarın qalması, getməsi artıq əhəmiyyətini itirmiş məsələdir. Təəssüf ki, ədəbi mühit hələ də "AYB və sədri" problemi ilə girincdir. Hər dəfə kolxoz quruculuğu illərinə dönməklə nəyə nail olmaq istəyirik ki?

Gallery

Varis

- Özü ilə bağlı bir prosesin proqress, yoxsa reqress halında olmasını insan özü ətrafdakı müşahidəçilərdən daha dolğun bilir. Buna görə də, məncə, buna Anar özü qərar verməlidir.

news-inner-user
Oğuz Ayvaz

210 məqalə

Oxşar xəbərlər

Xəbər lenti

Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021
Ceyms Bond silsiləsindən yeni filmin premyerası yenə təxirə salındı
13:29 22 Yanvar 2021
Azərbaycanda Böyük Britaniya film festivalı başlayır
12:44 22 Yanvar 2021
Tənqidin tənqidi – Ağalar Qutdan yeni esse
12:08 22 Yanvar 2021
Yazıçılar Donald Trampa kitab qadağası qoydular
11:32 22 Yanvar 2021
Seks dəlisi olan qadınlar haqqında bir neçə cümlə
10:58 22 Yanvar 2021
Alen Delonun xanımı dünyasını dəyişdi
10:30 22 Yanvar 2021
Şairimiz Özbəkistanda qalib oldu - Ölümündən sonra
09:59 22 Yanvar 2021
Mirzə Cəlilin əsəri əsasında çəkilmiş serial – Sevda Sultanova İTV-nin yeni layihəsini tənqid etdi
09:00 22 Yanvar 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:13 21 Yanvar 2021
Xalq şairinin oğlu: “Atamın xəstəliyini hamıdan gizlətdim” - Müsahibə
20:00 21 Yanvar 2021
Tarix Muzeyinə direktor təyin edildi
18:59 21 Yanvar 2021
"Netflix"in abunəçilərinin sayı rekord həddə çatdı
18:15 21 Yanvar 2021
Filipp Kirkorov bu ölkəni məhkəməyə verir
17:39 21 Yanvar 2021
Bizdən istifadə edən qəddar sənətkarlar – Mehman Qaraxanoğlu yazır...
17:19 21 Yanvar 2021
"Bu nə deməkdir?" - Qismət nazirliyin keçirdiyi müsabiqəni tənqid etdi
16:38 21 Yanvar 2021
Makgregor Porye qarşıdurmasına 1xBet-dən "Risk etmədən mərc"
16:23 21 Yanvar 2021