Sabirabadda 30 yaşlı gənc tanınmış musiqiçi Murad Arifin “Oğlum” mahnısının sözlərini oğluna son söz kimi yazaraq intihar edib.
Kulis.az xəbər verir ki, Murad Arif Feysbukda baş verən hadisədən son dərəcə kədərləndiyini yazıb: “Sabirabadda bir cavan ata, mənim "Oğlum" mahnımın sözlərini öz oğlu üçün yazaraq, intihar edib.... İçim darmadağın... Kaş ki, elə o mahnıdakı "VARLIĞIN BELƏ YAŞAMAĞA BƏSDİR MƏNƏ" cümləsindən güc alaydı... Allah rəhmət eləsin…”
Qeyd edək ki, gənc son sözlərini Feysbukda paylaşıb. Həmin mətni təqdim edirik:
"Həyatda “Bağışla” deyəcəyim iki insan var: həyat yoldaşım və oğlum. Bağışlayın məni, sizə layiq ola bilmədim! Həyat yoldaşım hər zaman başımı uca etdi, bu hamı üçün pis səslənə bilər, amma mən sənin kimi namuslu, sevgi dolu qadın görmədim. Səni ayaq tozuna layiq olmayanlara dəyişdim, bağışla məni! Üzülmə, dik dur, Romana görə dik dur! Bütün dostlarıma, bir azdan əlvida deyəcəyim həyatda məni tanıyan hər kəsə deyirəm ki, məni əsla qınamayın və pis olmayın!
Sən mənim həyatımsan, oğlum!
Olduğun yer nəfəsdir mənə
Sən qolum-qanadımsan, oğlum!
Varlığın belə yaşamağa bəsdir mənə.
Bu sözləri hər gün dəyəcək qədər həyat dolu biriydim mən! Heyif, heç bir şey göründüyü kimi deyil. Əlvida!”
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər