Londonda Ədəbiyyat üzrə Beynəlxalq Buker Mükafatının qalibinin adı açıqlanacaq. Qısa siyahıya Argentina, Almaniya, İran, Meksika, Hollandiya və Yaponiyadan olan yazıçıların əsərləri daxil edilmişdir

Kulis.az rus mətbuatına istinadən xəbər verir ki, ingilis dilində ədəbiyyat sahəsində mükafatlandırılan The Man Booker Beynəlxalq Mükafatının qalibinin adı bu gün İngiltərənin paytaxtında açıqlanacaq. Qalib olan yazıçı və tərcüməçinin adları virtual mərasim vasitəsi ilə elan ediləcək.

Namizədlər arasında yalnız bir nəfər kişi yazıçı Daniel Kelman var. Digər finalçılar qadınlardır. Belə ki, qısa siyahıya vətənində bütün milli ədəbi mükafatların sahibi olmuş yapon yazıçısı Yoko Ogava “Yaddaş polisi” romanı ilə daxil edilmişdir.

Şukufa Azar "Yaşıllıq ağacının maariflənməsi", Qabriela Kamara “Çin dəmirinin sərgüzəştləri”, Marika Lukas Reineveld “Axşamın Narahatlığı” və Fernanda Melhor “Qasırğa Mövsümü” adlı romanları ilə fərqli ölkələri təmsil edən yazıçılardı.

1969-cu ildə təsis edilmiş Buker mükafatı hər il keçmiş Britaniya Birliyi ölkələrindən olan yazıçılara verilir. Öz növbəsində, Beynəlxalq Kitab Mükafatı 2004-cü ildə təsis edilmiş və 2016-cı ilə qədər hər iki ildən bir verilir. İndi isə hər il ədəbiyyat sahəsində qazandığı uğurlara görə təltif olunur. Qalib ingilis dilinə tərcümə edilmiş və Birləşmiş Krallıqda və ya İrlandiyada nəşr olunan hər hansı bir kitabın müəllifi ola bilər. Mükafat üçün pul mükafatı qazanan yazıçı və tərcüməçi arasında bölüşdürüləcək 50.000 funt sterlinqdir (65.500 dollar). Bütün qısa siyahıda olan yazıçılar və tərcüməçilər hər biri 1000 funt sterlinq (1310 dollar) alacaqlar.

Xatırladaq ki, mükafatlandırma mərasimi bu ilin may ayına təyin edilsə də, koronavirus pandemiyası səbəbiylə təxirə salındı.

• Slovakiyanın dissident yazıçısı - O, niyə əri ilə Romaya qaçmışdı?
• Tim Kerrinin ölüm səbəbi açıqlandı
• Tbilisidə Azərbaycan və Gürcüstan rəssamlarının sərgisi təşkil olundu