Davud Peyğəmbər və Badsəba adlı qadın arasındakı münasibət kino, heykəltəraşlıq, rəssamlıq və s. incəsənət sahələrinə mövzu olub. Peyğəmbər hökmdar olduğu zaman evli qadınla əlaqəyə girmiş və onu hamilə qoymuşdu. İslam mənbələrinin bu hadisəni inkar etdiyi bildirilir.
Kulis.az Peyğəmbərin Badsəba ilə münasibəti haqqında Tövratda qeyd olunanları təqdim edir.

1. Bir axşam Davud yatağından qalxıb sarayın damında var-gəl edirdi. Damdan baxanda çimən bir qadın gördü. Qadın çox gözəl idi.

2. Davud adam göndərdi ki, qadının kim olduğunu öyrənsin. Ona xəbər gətirdilər: “O, het Uryayın arvadı, Əlyamın qızı Badsəbadır”.

3. Davud onun dalınca adam göndərdi. Qadın gəldi. Davud onunla yaxınlıq etdi. (Onda qadının murdarlıqdan təmizlənmə vaxtı idi.) Sonra qadın evinə qayıtdı.

4. Qadın hamilə qaldı, Davuda xəbər göndərib hamilə olduğunu bildirdi.

5. Davud adam yollayıb Yuaba: “Het Uryayı yanıma göndər”, - dedi...

6. Sonra Uryaya dedi: “Get, evinə dincəl”. Uryay padşahın evindən çıxdı. Padşah onun dalınca sovqat göndərdi.

7. Amma Uryay padşahın qulluqçuları ilə sarayın girişində yatdı, evinə getmədi.

8. Uryayın evə getmədiyini Davuda bildirdilər. Onda Davud Uryaya dedi: “Yoldan gəlməmisən? Nə üçün evinə getmirsən?”

9. Uryay Davuda cavab verdi: "Sandıq, İsrail, Yəhuda çardaqlarda qala-qala, ağam Yuab və hökmdarımın qulları çöl-biyabanda ordugah qurduqları bir vaxt mən necə evimə gedib yeyim, içim, arvadımla yatım? Padşah sağ olsun, canın haqqı, mən belə şey etmərəm!"

10. Davud Uryaya dedi: “Bu gün də burada qal. Sabah səni yola salaram”.

11. Səhər Davud Yuaba məktub yazıb Uryayla göndərdi.

12. Məktubda yazmışdı: “Uryayı ön xəttə, döyüşün ən şiddətli yerinə qoyun, özünüzsə yanından çəkilin. Qoy onu vurub öldürsünlər”.

13. Qasid Davuda dedi: "Onların adamları bizə güc gəldilər, şəhərdən çıxıb üstümüzə həmlə etdilər. Amma biz onları darvazanın ağzına qədər geri qovduq".

14. Oxçular divarın üstündən qullarını oxa tutdular. Qullarından ölənlər oldu. Het Uryay da öldü.

15. Davud qasidə dedi: “Yuaba deyərsən ki, ürəyini sıxmasın. Qılınc gah birini vurur, gah o birisini. Qoy şəhərə qarşı hücumu gücləndirib onu alsın. Bu sözlərlə onu ruhlandır”.

16. Uryayın arvadı ərinin ölüm xəbərini alanda onun üçün yas tutdu.

17. Yas müddəti bitən kimi Davud adam göndərib onu evinə gətizdirdi.

18. O, Davudun arvadı oldu və ona oğul doğdu. Amma Davudun bu əməli Yehovaya çox ağır getdi.

Badsəbanın heykəli
Heykəltəraş: Benjamin Victor

Badsəbanın rəsmi
Rəssam: Rembrandt Harmenszoon van Rijn

"David and Bathsheba" filmi
Rejissor: Henry King

• Türk aktrisaya vurulan, ermənilərin içkisinə zəhər qatdığı şair
• Məşhur cütlük evlənir
• Postmodern poeziyanın ən kədərli sızıltısı - Xoşbəxt olmaq istəyənlər üçün yazılan kitab haqqında