news-inner
clock17:04 calendar-gray 12 Avqust 2020 view-gray3765 dəfə oxunub
view-gray3765 dəfə oxunub

Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı

Kulis.az milli teatrımızın ilk peşəkar aktyorlarından olan Cahangir Zeynalov haqqında maraqlı faktları təqdim edir.

Kərbəlayi Cahangir Zeynalov 1865-ci ildə Bakıda doğulub. Atası Məşədi Rza kimi Cahangir də tacirlik edib.

***

Rus, ərəb, fars və fransız dillərini mükəmməl bilirdi. İstanbulda olan dostları ilə Osmanlı türkcəsində məktublaşırdı. Şəxsi

Gallery

Səhnəyə ilk dəfə 1885-ci ildə qız rolunda çıxıb.

***

Cahangir Zeynalov teatrı çox sevən, xeyriyyəçi insan olub. O, 40 otaqdan ibarət mülkünün 250-300 nəfərlik böyük zalında teatr səhnəsi qurub.

***

Özündən 25 yaş kiçik Hüsniyyə adlı xanımla ailə qurub. 12 il övlad həsrətindən sonra bir qız övladı dünyaya gəlib. Kərbəlayi Cahangir əhd edib ki, oğlu olsa, İmam Rzanın adını qoyacaq, qızı da olsa adını Nəsibə qoyacaq.

***
Həddindən artıq xeyirxah insan olub. Məşqləri qəsdən nahar vaxtına salarmış ki, aktyorlar yemək yesinlər. Yeməkləri də məxsusi olaraq həyat yoldaşı Hüsniyyə xanım bişirərmiş.

***
Hər il Əncüman məktəbinin şagirdləri üçün xüsusi pay göndərərmiş. Ailə başçısı olmayan ailələrə xidmətçiləri vasitəsilə pay göndərərmiş və soruşanlar bilməzmiş ki, bu yaxşılığı onlara Kərbəlayi Cahangir edib.

Gallery


Həyat yoldaşına Qızlar Gimnaziyasının şagirdləri üçün xüsusi çantalar tikdirər, içinə qızıl pul və lazımi sovqat qoyarmış.

***
Dünyasını dəyişməzdən əvvəl həyat yoldaşına üç şey vəsiyyət edib: şəkilini böyütməsini, Əncüman məktəbinin pulunu kəsməməsini və Nəsibəni oxutmasını.

***
Ölümündən 2-3 il sonra Azərbaycanda sovet hökuməti qurulur və Cahangir Zeynalovun mülklərini, bütün sərvətini müsadirə edirlər.

Gallery

Sonralar Hüsniyyə xanım yenidən ailə qurur. Amma ikinci dəfə ailə qurduğu adam nadürüst insan olur. Evdə olan bir neçə dəyərli əşyanı da satır, Cahangir Zeynalovun bütün şəkillərini, ona aid olan bütün sənədləri yandırır. Bəhanə gətirir ki, bunlar hökumətin əlinə keçsə, Hüsniyyə xanım, balaca Nəsibə üçün pis olar.


***

Cahangir Zeynalov Azərbaycan teatrında səhnə yaradıcılığına yubiley keçirilən ilk aktyordur. 1910- cu il noyabr ayının 30- da onun səhnə yaradıcılığının 10 illiyi təntənəli şəkildə qeyd olunub.

***
Cahangir Zeynalov o vaxtlar “Nicat”, “Səfa”, “Müsəlman artistləri ittifaqı”nın, Hacıbəyov qardaşlarının “Opera və dram truppası”nın aralarındakı xoşagəlməz ləcliyi, çəkişmələri aradan qaldırıb.

***

1918-ci ilin 17 martında erməni daşnakları Bakıda vəhşiliklə yanğınlar və qırğınlar törədəndə Cahangir Zeynalov həyat yoldaşı Hüsniyyə xanımı və körpə qızı Nəsibəni götürüb İranın Ənzəli şəhərinə, müvəqqəti orada yaşayan qayınatası Məşədi Əbdüldayan Hüseynovun yanına gediblər. Oktyabrın əvvəllərində ara sakitləşəndə o, ailəsi ilə birgə “Ardahan” gəmisinə minib Bakıya qayıdarkən dənizdə fırtına qopub. Səkkiz gün dənizdə qalan gəmidə natəmizlikdən yatalaq (tif) xəstəliyinə tutulub.

***
Aktyor son dəfə səhnəyə “İsmailiyyə” zalında oynanan “Hacı Qara” tamaşasında baş rolda çıxıb.

Gallery


Səhnəmizdə qadınların olmaması onu həmişə narahat edirdi ona görə də o qızı Nəsibənin aktrisa olmasını arzulayırdı.

***

Cahangir Zeynalov 1918- ci ildə yatalaq xəstəliyindən dünyasını dəyişib. Onun harada dəfn olunduğu, məzarının yeri də məlum deyil.

news-inner-user

16557 məqalə

Oxşar xəbərlər

Xəbər lenti

Bu yazıçılar müharibədə iştirak ediblər - Siyahı
21:01 28 Sentyabr 2020
Yazıçılar Birliyi bəyanat yaydı
18:16 28 Sentyabr 2020
Gənc şair hərbi xidmətə yola düşür
17:40 28 Sentyabr 2020
Özfəaliyyətimiz elə bu qədərmiş - Akif Əli yazır...
17:00 28 Sentyabr 2020
Svetlana Aleksiyeviç ölkəsini tərk etdi
16:30 28 Sentyabr 2020
Qarabağa həsr olunan klip çəkildi - Video
15:50 28 Sentyabr 2020
Ceylanın yeni filmi nədən bəhs edir? – Detallar
14:57 28 Sentyabr 2020
"Vəziyyət həqiqətən ciddidir" - Yazıçılar hərbi əməliyyatlardan danışdı
14:04 28 Sentyabr 2020
Cəbrayıla gedən yol
13:03 28 Sentyabr 2020
Fred Asifin Ala Yaquba hirslənməsi, bomba səsindən ürəyi partlayan 3 yaşlı İlkin... - Ağdamda bir gün
12:06 28 Sentyabr 2020
Mir Cəlal Paşayevin məqaləsi Milli Kitabxanaya gətirilib
11:21 28 Sentyabr 2020
Görürəm ki, qəhrəmansan – Günün şeiri
10:40 28 Sentyabr 2020
Xalq yazıçısı: “Yazıçılar Birliyindən çıxmaq lazımdır” – Müsahibə
08:58 28 Sentyabr 2020
Məcnunun “aşiqi-sadiqliyi” şübhə altındadır? - Elçin yazır
16:30 26 Sentyabr 2020
Karantin – kütlənin tənhalığı – Aqşin Yeniseydən yeni şeirlər
15:18 26 Sentyabr 2020
Bəyin atası, nisyə kitab istəyən oxucu, həbsxanadan çıxmış gənc yazar – İmza günündən reportaj
14:57 26 Sentyabr 2020
Məşhur rejissor festivaldan qovuldu
13:21 26 Sentyabr 2020
Ağlını itirib, dəlidi payız - Qazaxda bir ömür...
11:14 26 Sentyabr 2020
Vaşinqtonda Üzeyir Hacıbəyovun anadan olması münasibətilə tədbir keçirildi
10:02 26 Sentyabr 2020
Həmidə Ömərova gürcü aktyorun nəyinə gülürdü? – Məşhur filmin gizlinləri
09:00 26 Sentyabr 2020