Dünən Bakıda türkiyəli müğənni və yazar Əhməd Şəfəqin kitablarının təqdimatı keçirilib.
APA-nın məlumatına görə, tədbirdə media rəhbərləri, ictimai-siyasi təşkilatların nümayəndələri, yazarlar iştirak ediblər.
Tədbirdə çıxış edən Azəri-Türk Qadınlar Birliyinin sədri Tənzilə Rüstəmxanlı bildirib ki, Ə.Şəfəq Azərbaycana tək sənətçi gözü ilə baxmayıb: “Azərbaycanı həmişə sevib. O, hansı tədbirdə çıxış edibsə, həmişə Azərbaycanın bayrağı ilə çıxış edib”.
T. Rüstəmxanlı qeyd edib ki, kitabda Osmanlı dövlətinin son dönəmlərinə aid hadisələr Ə.Şəfəq tərəfindən özünəməxsus dillə təsvir olunub.
Tədbirdə çıxış edən “Olaylar” qəzetinin baş redaktoru, yazıçı Yunus Oğuz, “Xalq Cəbhəsi” qəzetinin baş redaktoru Elçin Mirzəbəyli, AMİP lideri Etibar Məmmədov, “APA Holding”in prezidenti Vüsalə Mahirqızı kitabda əhatə edilən mövzulardan danışıblar. Çıxış edənlər Ə.Şəfəqin bədii yaradıcılıq sahəsində addımlarını müsbət qiymətləndiriblər.
Tədbirdə Ə.Şəfəqin “Kan Meclisi-1915”, “Kurt-2015” və “Küresel Gelişmeler işığında Türkleşmek, İslamlaşmak ve Çağdaşlaşmak” kitabları təqdim olunub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər