Klubdan AzərTAc-a bildirmişlər ki, kampaniyanın təqdimatı bu il dekabrın 1-də bu qurumun Mustafa Sübhi küçəsi 13 ünvanında yerləşən ofisində keçiriləcəkdir.
Artıq bir müddətdir ki, dünyanın ayrı-ayrı ölkələrində ibrətamiz hadisələri yığıb kiçik hekayələr toplusu şəklində çap edirlər. Bu zaman müxtəlif insanlar öz başlarına gələn və ya şahidi olduqları əhvalatları qısa əhvalatlar şəklində yazıb bir mərkəzə göndərir, həmin mərkəz isə onları kitab şəklində çap edib oxucular arasında yayır.
Beləliklə, bir nəfərin başına gəlmiş əhvalat eyni vəziyyətdə olan çoxlu sayda insana təskinlik verir, onları sevindirir, ruhlandırır, yumşaq və rəhmli edir, ümid və həyat eşqi oyadır.
Kitab klubu bu məzmunlu ibrətamiz hekayətləri “Cana məlhəm hekayələr” seriyalı kitablar şəklində buraxmaq niyyətindədir. Klub bu layihənin bütün xərcini öz üzərinə götürür. Bundan əlavə, hər ilin sonunda bu kitablarda dərc edilmiş ən yaxşı hekayəni müəyyən etmək üçün müsabiqə keçiriləcək və hekayə müəllifi mükafatlandırılacaq.
Kampaniyada iştirak etmək istəyənlər öz hekayələrini [email protected] elektron ünvanına göndərə bilərlər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər