news-inner
clock10:50 calendar-gray 24 İyul 2020 view-gray5584 dəfə oxunub
view-gray5584 dəfə oxunub

Şəhid generalın yasında zabitin dedikləri – Həmkəndlisi yazır...

Kulis.az şəhid general Polad Həşimovun həmkəndlisi, şair Qismət Məsimin “Bizim Polad” yazısını təqdim edir.

Eşq nəyə kökləndisə əxlaq da, mədəniyyət də, cəsurluq da, o boyda olur.

Vətənə kökləndisə, vətən boyda!

Mənim şəhid generalımız Polad Həşimovun qaynı Babək müəllimlə dostluğumuz var uzun müddətdir. Elə Vəndamdayıq çoxdandı, hərdən söhbətləşə bilirik. Aprel döyüşlərindən bu yana, demək olar, uzaqda olanda da tez-tez soruşurdum, hələ general olmayan vaxtlarda da biz aramızda ona “General” deyirik.

- Hə Babək general necədi?

O:

- Vallah, şair, düşə bilirəm telefonuna. Görüm, nəhayət ki, evini bitirmək istəyir, bəzi işlərini tapşırıb mənə, material almalıyam.

- Bəs nə deyir? Necədi oralarda vəziyyət?

- O, həmişə deyir, əladı hər şey...

Polad Həşimov barəsində həvəslə danışırdıq.

Çox istəyirdim onu lap yaxından görüm, söhbət edim...

Bizi görüşdürməyə söz vermişdi Babək...

Açığını desəm, çox istəmişəm onun haqqında paylaşımlar edim, ancaq artıq hər kəsə məlumdur ki, qəti əleyhinə idi bu məsələlərin.

Dostlar topa oturanda hərƏ öz bildiyindən deyirdi:

- A kişi, o boyda adam kirayədə qala-qala döyüşlərdədi. Hələ evi yoxdu.

- Deyirlər, krediti var, mənə bir dostum danışır ki, gözümün qabağında lotereya oynayırdı hərbiçi dostları, bu, öz növbəsində pulu alıb, hərbi hissəyə su çəkdi yanımıza. Borc alıb, yuyunmağımız üçün yer düzəltdirdi.

- Nənəm ona ağlaya-ağlaya zərfdə pul vermşdi, o gərginləşsə də nənəmi tanıdığı üçün onun xətrinə zərfi götürmüşdü. Ancaq iki aydan sonra tərxis olunanda məni yanına çağırdı, həmin zərfi mənə verdi. Dedi, anaya gözəl bir hədiyyə alarsan, əllərindən öpərsən. Çox kövrəlmişdim.

- Mən ondan güclü zabit görməmişəm. O, əsgərini Allah kimi qoruyurdu!

Söhbətlər bitib tükənmir...

Tükənməyəcək də...

Çox maraqlı idi ki, Tovuz döyüşləri ərəfəsində, Poladdan danışmadıq. Mən hiss etmişdim ki, döyüşü Polad idarə edir. İlk şəhid xəbərləri gələndə Babək müəllimlə bir yerdə idik.

- Qismət, xəbərin var, Polad döyüşdədir. Allah qorusun.

Həyəcanlı bir sevinc idi bu xəbər. Çünki o olan yerə məğlubiyyətdən söhbət gedə bilməzdi. Babək susmur:

- Ayaqqabı aldıra bilmədik bir dənə. Dedi, var ayaqqabım elə o bir cüt bəsdir, mən formanı çıxardan deyləm ki... Bax sənə belə şalvar, bu ayaqqabı gözəl yaraşar. Deyirdi, mənə yaraşanı mən geyinirəm! Alış-verişdə olanda mütləq əsgərlərə nəsə almalı idi.

Qəti qərarlı idi. Çox. Mən onu bir neçə dəfə kitab oxuyan da görmüşdüm. Ədəbiyyat sevdalısı idi. O, bircə misrasında da vətən, torpaq, ana olmayan musiqini dinləyəndə, deyirdi, yoruluram. Şəxsi əşyalarına baxanda elə bilirdin, bir generalın yox, adi əsgərin əşyalarıdır.

İndi beynimin içini dağıdan bir sual var: Niyə bütünlüklə bağırıb sağlığında demədik ki, Polad, biz səninlə fəxr edirik, səni bütün Azərbaycan sevir!

...Üç mərasimində yüksək rütbəli zabitlərdən biri qəfil biz oturan tərəfə çevrildi.

- Polad ölməyib!

O qədər ciddi görkəmdə dedi ki, mən həyatımda üz cizgilərinin, deyilən sözlə bu qədər üst üstə düşməsini görməmişdim. Çevrilib Babək tərəfə baxdım:

- Bəlkə, doğurdan da ölməyib. Aprel döyüşlərindən çıxmışdı axı!

Qəfil beynimdə fikirləri cərgəyə yığırdım ki, zabit möhkəm səslə davam elədi:

- Ölməyib o! Səqiq sözümdü! Onu Allah öz yanına köməyə apardı!

news-inner-user

17683 məqalə

Oxşar xəbərlər

Xəbər lenti

İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021