news-inner
clock10:14 calendar-gray 15 İyul 2020 view-gray7626 dəfə oxunub
view-gray7626 dəfə oxunub

Əsgərlərlə birlikdə dağa odun daşıyan, öz hesabına kazarma tikdirən, evini şəhid ailəsinə bağışlayan komandir

Mən Füzulidə xidmət etmişəm, cəbhə bölgəsində. Çətin şəraitdə, bəzən yuxusuz gecələr keçirə-keçirə.

Bir zabitimiz vardı, əsgərlə əsgər kimi davranan, öz rütbəsinin eqosunu yaşamayan zabit idi. Bizimlə insan kimi, dost kimi, qardaş kimi davranırdı.

Bir gün onu başqa yerə təyin etdilər.

Əsgərlər, hamımız, hətta onun əsgəri olmayan hərbi qulluqçular yığışdıq başına.

Hamı ağlayırdı.

Hamı.

İlk dəfə əsgərlərin zabit üçün ağladığını görürdüm.

Qəribə hislər keçirmişdim.

Bilirəm, belə zabitlər hər yerdə var. Onlar əsgər üçün canlarından keçər.

Aprel şəhidi polkovnik-leytenant Raquf Orucov da elə biriydi.

Yenicə şəhid olan general-mayor Polad Həşimov da.

Hər dəfə haqqında xoş sözlər yazılırdı.

Onun əsgəri olmuş yazar Nicat Həşimzadə xatırlayır:

"Yatmağa yerimiz yox idi. Daha doğrusu, bərbad halda idi. Göy palatkaları birləşdirib özümüzə yer düzəltmişdik. Bir dəfə dəhşətli küləkdən dam başımıza uçdu. Sonra gözlənilmədən dağda kazarma tikintisi başladı. Elə bildik, nazirlik bizim üçün kazarma tikir. Ancaq kazarmanı hərbi hissə komandiri Polad Həşimov öz hesabına tikdirdi. Öz evi olmayan komandirimiz bizim üçün ev düzəldirdi...

...Daim əsgərinin yanında olan, əsgərinin haqqını qoruyan zabit idi. Biz dağa, maşın qalxmayan yerlərə un, qida, odun daşıyanda o da çiyinlərində yük bizimlə bərabər dağa qalxırdı. Həmin zaman polkovnik idi."

Aprel döyüşləri vaxtı göstərdiyi şücaətə görə ona ev verilib. General evi şəhid ailəsinə bağışlayıb.

Mən də əsgər olmuşam və belə zabitlər əsgər üçün nə məna daşıyır, onu yalnız xidmətdə olanlar anlayar.

Xidmət vaxtı sənə qardaş kimi münasibət göstərən, səninlə eyniləşən biri heç vaxt unudulmur.

Onun məqamı başqadır.

Belə adamların itkisi də çox ağır olur.

İtki belə çox zəif səslənir burda.

Bizə doğma olan zabitlər belə tez getməsin aramızdan.

Belə doğma ikən getmə, komandir!

news-inner-user
Ayxan Ayvaz

487 məqalə

Oxşar xəbərlər

Xəbər lenti

İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021