news-inner
clock19:41 calendar-gray 11 İyul 2020 view-gray7303 dəfə oxunub
view-gray7303 dəfə oxunub

190 manatlıq qarpızı təpikləyən yutuber

“Yeyin, için, ancaq israf etməyin. Allah israf edənləri sevməz”.

(Əraf, 7/31).

Bu günlərdə sosial şəbəkələrdə gənc yutuber bir yeniyetmənin videosu haqda danışılır. Dövlətin ayırdığı 190 manatlıq yardım alan gəncimiz bütün pulunu qarpıza xərcləyib və videoda qarpızaları iti bıçaqla doğrayır, bu azmış kimi təpikləyib partladır. Belə həssas zamanda bu cür dırnaq arası şou cəmiyyətdə istənilən halda qəzəb yaradır.

Bu gənc bəlkə də öz aləmində yardım ala bilməyənlərə görə bu cür etiraz edir. Bu cür etiraz aksiyası kökündən yanlışdır. Lakin unutmayaq ki gənc yutuber bu cür videolardan yetərincə pul qazanır. Əvvəllər də üstünə pivə, kola tökərək çimib və yüksək baxşılar əldə edib.

Ümumiyyətlə, müasirləşən, dəyişən dünyamızda yeni peşə sayılan yutuberlik də öz inkişaf yolundadır. Dünyanın hər yerində göbələk kimi çoxalan məzmunsuz, çılğın yutuberlər hər gün qabağımıza çıxır. İnsanlara mesaj verən, onları düşündürə bilən yutuberlər də var. Məsələn, Burak Özcan, Ruhi Çenet, azərbaycandan Rəfin Cəfərov.

Yutuberlik çətin sahədir. Yaxşı baxış yığmaq üçün min hoqqadan çıxmalısan. Kütlə yığana və pul qazanana qədər nələr çəkirsən, bir allah bilir. Bir dəfə qardaşım mənə "səndən yaxşı vayner çıxar, aktyorluğu bacarırsan" demişdi. Düzü, bir az həvəsə düşmüşdüm, hətta bir-iki video da çəkmişdim. Amma Yutubun qaydaları ilə tanış olandan və çətinliyini anlayandan sonra fikrimdən daşındım. Təəssüf ki, o qədər də səbrli biri deyiləm.

Qarpızla hoqqa çıxaran azərbaycanlı yutuberin köməyə ehtiyacı olmadığı açıqca göründü. Əgər ehtiyacınız yoxuydusa, qarpızları kasıb təbəqinin adamlarına paylayardınız. 100 qarpızı param-parça etməkdənsə bu daha gözəl addım olardı. Bunu eləsə, inanın baxış sayı tavana vuracaqdı. Üstəlik, camaat onu daha çox sevəcəkdi. Həm də necə deyərlər, halal-hümmət iş görmüş olacaqdı. O, qarpızları parçalayıb bir anlıq epataj yaratmaq isə uşaqların havaya buraxdıqları rəngli şarcıqlar kimi tez yoxa çıxacaq.

Yaxşı ki, Əmək və Əhalinin Sosial Müdafiəsi Nazirliyi bu videoya tezliklə şərh verdi: "Əslində ehtiyacı olmadan birdəfəlik ödəmə almaq üçün müraciət etməsini, üstəgəl aldığı bu vəsaiti başqalarında “harın həyat tərzi” keçirdiyi təəssüratı yaradan mənasız bir əyləncəyə sərf etməsini kəskin qınayırıq. Bu cür hallar ictimaiyyət tərəfindən kəskin pislənməli və gənclərin cəmiyyətə yararlı formada fəaliyyəti təşviq edilməlidir".

Heç nə. Harın həyat tərzi. Başa düşmürlər ki, o pulun yolunu gözləyən nə qədər insan var. Təəssüf ki, bu gənclər həmyaşıdlarına da yaxşı örnək olmurlar. Empatiya hissindən tamam uzaq gənclər yetişir. Bu, artıq gələcəyin elə də işıqlı olmayacağının siqnalıdır.

Bəlkə də o oğlanın bu performansının alt qatında harın məmurlara bir işarə var.

Belə olan təqdirdə üslub doğru seçilməyib.

news-inner-user
Oğuz Ayvaz

210 məqalə

Oxşar xəbərlər

Xəbər lenti

Tağıyevin gənc arvadının soyadını götürdü, Nağıyev evini əlindən aldı, bığını qırxdığı üçün nəsli ilə düşmən oldu - Ərəblinskini kim güllələyib?
15:02 04 Mart 2021
Cavanşir Məmmədovun çırtması, pampersli quzu
13:10 04 Mart 2021
"Neftlix"dən yenilik - Smartfonlar üçün əlavə
12:17 04 Mart 2021
Məşhur verilişin dəhşətli yalanı: Müxbirimiz aparıcı qıza necə vuruldu? – Studiyadan Reportaj
11:33 04 Mart 2021
"Şair ağacın altında durub..." - İmtahan mərkəzinə bizdən sual
10:49 04 Mart 2021
Şəhid Cəbrayıl Dövlətzadədən roman yazıldı – Sabahdan Kulisdə
10:18 04 Mart 2021
Ssenari müsabiqəsinin siyahısı açıqlandı
09:45 04 Mart 2021
Aristotelin ayaqqabısını geyinən İsa - Aqşin Yenisey yazır...
09:01 04 Mart 2021
Hacıbaba Hüseynovun qızı: “Atam onların üzünə söyürdü” - Müsahibə
21:03 03 Mart 2021
Anar Kərimov İstanbulda azərbaycanlı incəsənət xadimləri ilə görüşüb
18:40 03 Mart 2021
“Azərbaycan” jurnalının yeni sayı çap olundu
18:01 03 Mart 2021
Amerikalıları heyrətləndirən şuşalı qadın - Vilayət Quliyev yazır...
17:14 03 Mart 2021
Zibillik oyuncağı – Hekayə
16:15 03 Mart 2021
Gənc Tamaşaçılar Teatrının mart repertuarı
15:24 03 Mart 2021
Bakı bulvarını tikdirdi, bolşeviklərə qoşularaq cümhuriyyətə xəyanət etdi, həbsxanada özünü mələfə ilə asdı - Nazirimizin dəhşətli həyatı
14:30 03 Mart 2021
Azərbaycanlı yazıçı və oğlu koronavirusa yoluxdu
14:00 03 Mart 2021
Sultan Səlimin həyatı film olur
13:44 03 Mart 2021
Şeron Stoun makiyaj fırçası ilə rəsm çəkdi - Foto
12:59 03 Mart 2021
Onlar bu əsərləri ilə tanındılar - Siyahı
12:04 03 Mart 2021
“İlin Press Fotosu” müsabiqəsi keçirilir – Azərbaycanda ilk dəfə
11:56 03 Mart 2021