news-inner
clock21:01 calendar-gray 06 İyul 2020 view-gray1388 dəfə oxunub
view-gray1388 dəfə oxunub

Tanrının İtaliyaya bəxş etdiyi böyük sərvət: Ennio Morrikone

Kulis.az gənc yazar Aytən Cavanşirin bu gün dünyasını dəyişən dahi bəstəkarEnnio Morrikone haqda yazısını təqdim edir.

Siz “tükləri biz-biz olmaq” ifadəsini eşitmişiniz?

Əsl dahilər “dahi” sözünü sevməzlər. Biz isə hər şeyi öz adı ilə çağırmağı sevirik. Bütün dövrlərin ən dahi bəstəkarlarından biri olan Ennio Morrikone 1928-ci ilin 10 noyabrında Romada dünyaya gəlib. Gələcək dahi doqquz yaşında ikən Müqəddəs Çeçiliya Konservatoriyasına daxil olur. Filmlərə musiqi yazmağa isə Morrikone otuz üç yaşından başlayır. Bu gün biz artıq Ennio Morrikoneni tək İtaliyaya aid edə bilmirik. Onun bəstələri həyatın bir parçası, bəlkə də, elə özüdür...

Bəs, onun musiqisini fərqləndirən, onu yüksəklərə qaldıran, əfsanəyə çevirən nədir?

Maestro məşhurluğu keçmiş sinif yoldaşı rejissor Sercio Leonenin filmlərinə yazdığı musiqilərdən sonra qazanır. Əsl məşhurluğun dadını isə o, “Yaxşı, pis, zalım” filminə bəstələdiyi musiqiylə görür.

Gallery

Təsəvvür edin, Morrikone filmlərə musiqi yazmağa 1961-ci ildə başlayır. Beş ildən sonra, daha dəqiq, 1966-cı ildə çəkilmiş “Yaxşı, pis, zalım”dan sonra isə onu artıq bütün dünya tanıyır! Rejissor Sercio Leone, aktyorlar Klin İstvud, Li van Klif və İlay Uollak filmin başgicəlləndirici uğuruna görə, ilk növbədə, bəstəkara borcludurlar. Bu aktyor heyəti və musiqi ilə “Yaxşı, pis, zalım”, əslində, ta başlanğıcdan uğura məhkum idi. 1981-ci ildə Ennio Morrikone daha bir musiqi partlayışına imza atır. Əfsanəvi “Chi mai” kompozisiyası “Professional” filminin şəxsiyyət vəsiqəsinə çevrilir! Morrikonenin musiqisi olmadan, Jorj Lotnerin rejissoru olduğu və Jan Pol Belmondonun vertolyotun yanında qəhrəmancasına yerə sərildiyi səhnə heç də inandırıcı, təsiredici və möhtəşəm olmazdı. Bu, birmənalı olaraq, belədir... Hər dəfə bu filmə baxarkən, tamaşaçı məhz “Chi mai”ni dinləyir və filmin süjetinə daxil olur. Bu kompozisiya nəinki filmi yaşadır, o, filmin davam etdiyi 108 dəqiqə ərzində sanki tamaşaçını əyləşdiyi stula zəncirlə bağlayır. Oturacaq, dinləyəcək, baxacaq, hələ üstəlik, insansansa, kövrələcəksən də...

Və... “Bir dəfə Amerikada”... Siz “tükləri biz-biz olmaq” ifadəsini eşitmişiniz? Bəs tükləriniz biz-biz olub? Əgər olmayıbsa, “Bir dəfə Amerikada” filminin saundtrekini dinləyin, bütün ruhunuz alt-üst olacaq.

Ennio Morrikone bu günə qədər 400-dən çox filmə və seriala musiqi bəstələyib. Maestrodan danışırıqsa, əfsanəvi “Sprut” filmini də qeyd etməmək mümkün deyil. 1980-ci illərin ortalarından tamaşaçıların qəhrəmanına çevrilən məğlubedilməz və cəsur Komissar Korrado Kattani obrazını, çox güman ki, hər kəs xatırlayır. “Mille Ecchi”, “Canzone per la Sera”, “Silenzi dopo silenzi”, “Strana bambina”, “Intimamente”, “Morte di un giusto”, “Per Anna”, “Inizio del caso” , “Con tenerezza” və digər kompozisiyalar “Sprut”un mövzusunu daha da dolğunlaşdırırdı və “mafiya” kimi ağır mövzunu tamaşaçı Morrikonenin əfsanəvi bəstələri sayəsində daha asan həzm edir və anlayırdı.

Gallery

Bəstəkar “Yeni Paradizo kinoteatrı”, “Vatel”, “Malena”, “Siciliya klanı”, “Bir dəfə vəhşi Qərbdə”, “Dekameron”, “Toxunulmazlar”, “Adi rəsmiyyət” və daha yüzlərlə filmə musiqi bəstələyib. 1950-cı ildə Ennio Morrikone gələcək həyat yoldaşı Mariya Traviya ilə tanış olur və altı ildən sonra onlar evlənirlər. Bu nikahdan bəstəkarın dörd övladı var. Maria Travia həyat yoldaşının bəstələrinə söz yazır.

Ennio Morrikonenin musiqisi doğma insanı xatırladır. Bu musiqini dinlədikcə insan sanki əziz bir insanı ilə söhbətləşir, ona sarılır və bəzən onunla bütün gecəni keçirir.

Gallery

Məqalə müəllifin 2015-ci ildə çap olunan “Pərdələri çəkin” kitabından götürülüb.

news-inner-user

18694 məqalə

Oxşar xəbərlər

Xəbər lenti

Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021