Əziz Nesinin oğlu işindən istefa verdi

Media

Ana səhifə
Media

Əziz Nesinin oğlu işindən istefa verdi

4 iyul 2020

12:30

Əziz Nesinin oğlu Ali Nesin "Nesin Fondu"nun rəhbərliyi vəzifəsindən istehfa verdiyini açıqlayıb.

Kulis.az türk mətbuatına istinadən xəbər verir ki, atası Əziz Nesin vəfatından 25 il sonra fondu idarə edən Ali Nesin istefasının səbəbini belə izah edib: “Bu gün 3 iyul 2020-ci ildir. Atam 25 il əvvəl 4 iyul 1995-ci ildə vəfat etdi. O gündən bu fondun rəhbəri olmuşam. Lakin, mənə belə gəlir ki, heç kim uzun müddət eyni vəziyyətdə qalmamalıdır. "Nesin Fondu"nu fondun əsas və nəcib sahibləri olan uşaqlara və məzunlara verirəm. Mən olmadığım zaman fondun necə idarə olunmasını görmək istəyirəm. Mənsizliyə mən olduğum zaman öyrəşmək lazımdır”.

Bundan başqa Nesin, fondu idarə edərkən ona dəstək olan dostlarına və tərəfdarlarına təşəkkür edərək deyib: “Fondun xeyrinə bir çox qanuni və qanunsuz hərəkətlər etdim. Mənə qarşı xeyli məhkəmə iddiası qaldırıldı. Bəxtim gətirdi ki, hamısından xilas oldum. Sağdan və soldan bir çox hücumlara məruz qaldım. Lakin, hər zaman şanslı oldum. Fond idarəçiliyində uğur qazandığımı düşünürəm. "Nesin Fondu" xüsusilə Türkiyə kimi bir ölkədə hər baxımdan bir müvəffəqiyyət hekayəsidir... Bu günə qədər mənə dəstək olan bütün həmkarlarıma və tərəfdaşlarımıza təşəkkür edirəm, qarşılarında diz çökürəm.”