news-inner
clock17:12 calendar-gray 01 İyul 2020 view-gray594 dəfə oxunub
view-gray594 dəfə oxunub

"Ulduz"un iyun sayı nəşr edildi

"Ulduz"jurnalının iyun sayı işıq üzü görüb.

Kulis.az xəbər verir ki, jurnalın bu sayı Fərid Hüseynin özüylə söhbəti və müxtəlif illərdə qələmə aldığı esseləri ilə açılır. "Müzakirə saatı"nda Rüstəm Kamal və Nərgiz Cabbarlının təqdimatında Əjdər Olun bir müddət öncə işıq üzü görmüş "Lo" romanı müzakirəyə çıxarılıb. Fariz Yunislinin "Daş", Xəyalə Sevilin "Ağac ana", Nizami Adışirinin "Boğça" kimi hekayələri xüsusi maraq doğuran nəsr nümunələrindəndir. "Şeir vaxtı"nda Vasif Zöhraboğlunun, Tural Turanın, Habil Rzanurun və Nigar Arifin şeirlərinə yer verilib.

Tənqidçi Cavanşir Yusiflinin Samirə Əşrəfin "Mənim üçün qızılgül" hekayəsi haqda qələmə aldığı "Bizim üçün qızılgül" adlı tənqidi məqaləsində yazarın sözügedən hekayəsi geniş təhlil edilmiş, dünya ədəbiyyatının fərqli nümunələri ilə paralellər aparılmışdır. Qəşəm Nəcəfzadənin şairə Nuranə Nur yaradıcılığından bəhs edən "Sənə bir xəbərim vardı..." adlı məqaləsi, Səhər Əhmədin Sehran Allahverdinin yaradıcılığına işıq tutan "Daşa divara, quma çizilmiş şeirlər" başlıqlı yazısı dərgiyə özünəməxsus rəng qatır. Bir neçə il öncə dünyasını dəyişmiş gənc yazar Orxan Adiloğlunun təqdim edilmiş şeirləri nakam yazarın qısa ömrünə sığan yaradıcılıq nümünələrinin kiçik bir hissəsidir.

Qürbətdə yaşayan həmyerlimiz Orxan Arasın qırğız yazıçısı Çingiz Aytmatovun "Dişi qurdun yuxuları" romanından bəhs edən yazısı əsərə fərqli baxış bucağı sərgiləyir. Cahangir Məmmədlinin Bəhruz Axundovun əziz xatirəsinə həsr etdiyi "Qəlbimizin Bəhruz nisgili" adlı yazısında mərhum naşirin şərəfli ömür yoluna nəzər salınır. Mustafa Çəmənlinin "Gözə görünməz düşmən” adlı publusistik yazısı dünyanı cənginə alan koronavirus pandemiyasının bəşər övladının yaşam tərzinə göstərdiyi psixoloji və sosial təsiri bədii sitat və faktlarla təsvir edilib. Bundan başqa, dərginin bu sayında Furqanın tərcüməsində türk şairi Canər Gökçəoğlunun şeirlərini, eləcə də "Debüt"də gənc yazar Ülvi Ələkbərzadənin şeirləri tanış ola biləcəksiniz.

Qulu Ağsəsin iki yaşlı İpək Məcidə həsr etdiyi şeiri rubrikanın adıyla səsləşir, "Böyükdən uşağa" hər kəsin nəzər nöqtəsinə çevrilir. ”Tərcümə saatı”nda Rey Bredberinin oxucuları başdan-sonacan həyacan və maraq vəd edən "Dadli Stounun təəccüblü ölümü" hekayəsi yer alıb ki, nümunəni dilimizə Dinar Həmidova tərcümə edib. İlham Abbasovun Nobel mükafatçısı Con Qolsuorsi yaradıcılığından bəhs edən "Məhəbbət nasiri" adlı yazısının sayəsində böyük naisirin yaradıclığı haqda geniş bilgi almaq imkan qazanacaqsınız. Son olaraq qeyd edək ki, "Dərgidə sərgi"nin bu sayının qonağı 11 yaşlı rəssam Gülay Məmmədlidir.

news-inner-user

17682 məqalə

Oxşar xəbərlər

Xəbər lenti

Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021
Ceyms Bond silsiləsindən yeni filmin premyerası yenə təxirə salındı
13:29 22 Yanvar 2021