writer1

Mahir Mehdi

Məqalə sayı

19
clock09:00 calendar-gray 23 Noyabr 2012 view-gray1487 dəfə oxunub
view-gray1487 dəfə oxunub

Oktyabr qeydləri

Elə yaz ki, nəsə anlasınlar. Özün üçün yazsan da.

Ədəbiyyatımızdakı, kinomuzdakı, mədəniyyətimizdəki saxtalıq məişətimizdən, yaşamımızdan, gündəlik həyat tərzimizdən gəlir.

Hiss eləmədiyimizi yazırıq, yaşamadığımızı çəkirik, duymadıqlarımızı oxuyuruq.

Milli xarakterimizi, qabımızda olanları ciddi-cəhdlə gizlətməyə çalışırıq.

Həyatda başqa, kitablarda, kinoda, səhnədə nə bilim adam arasında tamam ayrı cür oluruq.

Yad ritmdə, özgə diyarda da ala-bəzək, başdan ayağacan parodiya.

Bəzən bir əsərə, eşitdiklərimizə əsaslanaraq anladıq-anlamadıq olduğundan artıq qiymət veririk.

Müəllifin avropalı, yaxud amerikalı, qısası əcnəbi olması bu dəyəri bir az da artırır.

Təbliğat da, ad da, piar kampaniyası da öz işini görür.

Oxuyandasa mat qalırsan. Baxırsan normal bir əsərdir.

Ancaq bu boyda söz-söhbətə, hay-küyə, atəşfəşanlığa dəymir, gözlədiyin deyil.

Xaricin şor satanını, bağ daşını qaldırmaq köhnə adətimizdir. Qıraqdan gəlmə nə varsa, ən səviyyəsiz şeyi belə çağdaşlıq sayırıq.

Avropadan gəlib, qurtardı getdi (Bu xasiyyətimiz təzə deyil. Yəqin ki, sovet dönəmində, mağazalarımızda o vaxtın dili ilə desək altdan satılan “yerevanski” ayaqqabılara olan hörmət, izzət, məhəbbət çoxlarının yadındadır).

Buna əsla darılmıram, ancaq gerçək bu ki, indi meydan yamsılayanların, imitasiya edənlərin, çəpik çalanların, özfəaliyyətlə məşğul olanların tapdağındadır.

Vaxt da onlarındır, baxt da, elə taxt da. Bu gün orta adamların zamanıdır. Bir mahnıda deyildiyi kimi.



Baş-ayaq Pikasso

Bir neçə ay qabaq televizyonda rəsm sərgisi göstərilirdi.

Respublikanın tanınan və bu gün adı tez-tez çəkilən bəzi iş, sənət və dövlət adamları da orada idilər.

Rəsmlərə baxa-baxa çox ciddi və işgüzar şəkildə nəyisə müzakirə edirdilər.

Özlərini elita sayan bu ala-bəzək xanımlara və boynu kəpənəkli kişilərə acıdım.

Yadıma Pikasso ilə bağlı bir olay düşdü.

“De Mai”də ya da “Realite Novel”də rəsm sərgisi keçirilirmiş.

Burda Pikassonun da əsəri var imiş.

Gəlib baxanlarsa təbii ki, elə-belə adamlar deyilmişlər.

Sənətçilər, yazıçılar, ziyalılar və s.

Ancaq sonradan necəsə məlum olur ki, Pikassonun əsəri baş-ayaq asılıb.

Və bunu heç kəs bilməyib.

Hətta əsər qarşısında dayanıb, ona baxan və müdrik poza alıb, ağıllı-ağıllı fikir söyləyən sənət biliciləri belə.

Gözümün qabağına gəlir indi bu gülməli səhnə.

Siz də təsəvvür eliyin bu cür əvəzsiz, nadir mənzərələr bizdə istənilən qədərdir.

Özümüzü hər şeyin bilicisi, uzmanı kimi göstərib gülünc vəziyyətə qoymayaq. Qısası bu...

Bəs kitab mağazası?

Hər gün Azərbaycanın durmadan, dayanmadan inkişafı, iqtisadi sıçrayışı haqda oxuyuruq, xəbərləri eşidirik.

Ancaq qəribədir bu boyda inkişafın qarşısında rayonlarımızın əksəriyyətində kitab mağazası cəhənnəm, hansısa mağazada balaca bir kitab bölməsi də yoxdur.

Yəqin bu da inkişafın göstəricisidir.

Soruşandasa eşidirik, sərf eləmir, bilgisayar ola-ola kitaba nə ehtiyac.

Ona qalsa gərək yaponların kitabı çoxdan bağlanaydı.

REKLAM

Yazarın digər yazıları

Xəbər lenti

Kişi olun, rüşvət almayın daha – Günün şeiri
14:54 22 Aprel 2021
Qatıq satan gəlməyib - Üzeyir Əlizadə yazır
14:23 22 Aprel 2021
Üzülməyin, Hüseynbala müəllim!
13:37 22 Aprel 2021
“Oskar” mərasimində qonaqlar maskasız olacaq
12:57 22 Aprel 2021
Bığına görə töhmət aldı, həbsdən qorxub Gəncədən qaçdı, arvadından sonra evlənmədi – Xalq artistindən maraqlı faktlar
12:30 22 Aprel 2021
Qismətdən yeni kitab sürprizi - Yaxında
11:45 22 Aprel 2021
Hüseynbala Mirələmovla kiçik bir xatirəm və məlum video söhbəti
11:03 22 Aprel 2021
Müharibəyə sevinən qadın
10:30 22 Aprel 2021
Niyə bu gün Azərbaycanda Üzeyir Hacıbəyovlar doğulmur? – Aqşin Yenisey yazır...
09:00 22 Aprel 2021
Düzgün yaşamaq riyakarlıq, düzgün düşünmək axmaqlıqdır – Dahi yazıçıdan aforizmlər
21:00 21 Aprel 2021
Bakı Dövlət Sirki yenidən təşkil olunur
19:00 21 Aprel 2021
Kamal Sunal adına muzey açılacaq
18:38 21 Aprel 2021
Fuentesin kitabı onlayn təqdim olunacaq
18:18 21 Aprel 2021
“Can Azərbaycan” müsabiqəsinin virtual sərgisi açılıb
17:42 21 Aprel 2021
Mənim qadınım, sən varsan deyə... - Çağdaş ərəb şeiri
17:01 21 Aprel 2021
Azərbaycanlı aktyor vəfat etdi
16:13 21 Aprel 2021
Kann film festivalının açılışında bu film nümayiş olunacaq
15:32 21 Aprel 2021
Nazir Anar Kərimov koronavirusa yoluxub
14:42 21 Aprel 2021
Anarla Seymur Baycanın oxşarlığı
14:02 21 Aprel 2021
“Qırmızı papaq” onlayn nümayiş ediləcək
13:17 21 Aprel 2021