Tanınmış gənc şairə Nigar Arif (Ağalarova) Kolumbiyanın Medillin şəhərində keçiriləcək beynəlxalq şeir festivalında ölkəmizi təmsil edəcək.
Onun sözlərinə görə, bu dəfə COVID -19 pandemiyası ilə əlaqədar festival müəyyən proqramla onlayn şəkildə təşkil ediləcək. Dünyanın ən böyük festivallarından sayılan, avqustun 1-dən sentyabrın 10-dək davam edəcək festivala 103 ölkədən 191 şair qatılacaq.
“Festival çərçivəsində müxtəlif ölkələrdən olan şairlərlə görüşlər olacaq. Onlar canlı olaraq, şeirlərini səsləndirəcəklər. Ölkəmizi təmsil edəcək bir şəxs kimi, ilk dəvət alanlardan biri olduğum və dəvəti şəxsən festivalın yaradıcısı “Dünya festivallarının direktoru”, böyük şair Fernando Rendon tərəfindən aldığım, ölkəmizin ən böyük şairlərindən biri Ramiz Rövşənlə və eləcə də dünyanın digər mötəbər şəxsləri ilə birgə belə bir böyük festivalda iştirak edəcəyimə görə özümü çox xoşbəxt hiss edirəm. Çıxışım sentyabrın 1-də bizim saatla 20:00-da olacaq”, - deyə o qeyd edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər