Azərbaycan oxucuları və tamaşaçıları Amerikada yaşayan dünya şöhrətli soydaşımız, professor Lütfi Zadənin keşməkeşli həyatı, çoxçalarlı elmi yaradıcılığı ilə bağlı ilk dəfə ötən əsrin sonlarında tanınmış yazıçı-publisist Möhbəddin Səmədin mətbuatda çap etdirdiyi silsilə elmi-publisistik yazıları, sonra onun ssenarisi əsasında çəkilmiş dördseriyalı “Uzaq və yaxın Lütfi Zadə” sənədli filmi, daha sonra isə “Dünya dahilərsiz yaşaya bilmir” adlı fundamental elmi-populyar kitabı ilə tanış olublar.
AzərTAc xəbər verir ki, ilk dəfə 2000-ci ildə işıq üzü görən bu kitabın taleyi uğurlu olub. Həmin kitab 2005-ci ildə Türkiyədə məşhur “Emrə yayınları” nəşriyyatı, 2008-ci ildə isə Qafqaz Strateji Tədqiqatlar İnstitutunun dəstəyi ilə İsveçin paytaxtı Stokholmda “CA..CC Press” nəşriyyatı tərəfindən çap edilib.
Lütfi Zadə özünün qeyri-səlis məntiq və qeyri-səlis çoxluqlar nəzəriyyəsi ilə dünya elmində inqilabi çevriliş etmiş və sağlığında ikən dahilik zirvəsinə yüksəlib. Adı Aristotel, Eynşteyn, Norbert Viner, Heyzenberq, Hilen Siborq ilə yanaşı çəkilən alimin bu nəzəriyyəsi riyaziyyatın, kibernetikanın, informatika və hesablama texnologiyasının bütün sahələrinə nüfuz edib.
Dünya şöhrətli alimin dünyada məşhur olan qeyri-səlis məntiq və qeyri-səlis çoxluqlar nəzəriyyəsi ABŞ-da kosmik proqramların həyata keçirilməsində, Yaponiyada foto-radio cihazların istehsalında, eləcə də super yeni, beşinci, altıncı nəsil kompyuterlərin yaradılmasında mühüm rol oynayıb.
Bu yaxınlarda Qafqaz Strateji Tədqiqatlar İnstitutu Möhbəddin Səmədin “Dünya dahilərsiz yaşaya bilmir” elmi-populyar əsərini İsveçin məşhur “CA..CC Press” nəşriyyatının qrifi ilə “Qafqazlı dahilər” silsiləsindən rus dilində çap edib oxucuların ixtiyarına verilib.
Kitabı rus dilinə Rəhim Babayev tərcümə edib. Nəşrin ingilis dilinə tərcüməsi də nəzərdə tutulub.
“Dünya dahilərsiz yaşaya bilmir” kitabı rus dilində nəşr olunub
21 noyabr 2012
11:28
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Üzeyir bəy portretinin çəkilməsinə niyə razılıq vermədi? - Konservatoriyanı "aldadan" rəssam haqqında
12:00
19 dekabr 2025
Buninin yazışdığı, Yüngerin heyran qaldığı azərbaycanlı qadın yazıçı - O, Ramiz Abutalıbova nə vəsiyyət etmişdi?
10:00
18 dekabr 2025
"Bu xəstəxanada hamı ləng hərəkət edir" - Vaqif Mustafazadə hansı konsertindən sonra vəfat etdi?
12:00
16 dekabr 2025
Şamda yanğın gecəsi - Mehdi Dostəlizadənin yeni hekayəsi
10:00
16 dekabr 2025
"Səttar bu günahlı dünyanın günahsız uşağıydı..." - Rəsmi dairələr niyə rəssama mənəvi təzyiq göstərirdi?
16:30
15 dekabr 2025
“Bir şeiri də cırıb atdım, uçdu kağız parçaları" - Ramiz Rövşənin ən böyük sirri
10:00
15 dekabr 2025
