Mənsum İbrahimov Yasamaldakı fləşmobdan danışdı: "Özüm də iştirak edərdim"

"Bu məsələ ilə yaxından uzaqdan heç bir əlaqəm yoxdur. Xəbərim olsa belə burda qəbahət bir iş görülməyib".

Bu sözləri Xalq artisti Mənsum İbrahimov bu gün səs-küyə səbəb olan Yasamalda polisə dəstək flaşmobu ilə bağlı Kulis.az -a verdiyi açıqlamasında deyib:

"Mən də sosial şəbəkədə gördüm həmən flaşmobu. Özüm haqqında tənqidlərə də rast gəldim. Əvvəla onu deyim ki, bu layihənin kimlər tərəfindən keçirildiyindən xəbərim olmayıb. Olsaydı elə, özüm də iştirak edərdim məmnuniyyətlə. Burda qəbahət bir iş yoxdur. Bir neçə gün əvvəl Yasamalda baş verən o utancverici hadisədən sonra istəyiblər belə bir dəstək kampaniyası etsinlər.

M.İbrahimov daha sonra bunları əlavə edib:

“Onu da qeyd edim ki, baş verən o hadisədə zorakılığı şiddətlə qınadım, zorakılıq edən də öz cəzasını çəkdi. Amma polis bizim düşmənimiz deyil gecə-gündüz asayişimizi qoruyan vətən övladlarıdır”.

Qeyd edək ki, bu gün mətbuatda yayılan Yasamal sakinlərinin polisə dəstək flaşmobu sosial mediada gündəm mövzusuna çevirilib.