Bilirsənmi “Yasin”lərə görə mənə nə qədər borclusan?

Ədəbi tənqid

Ana səhifə
Ədəbi tənqid

Bilirsənmi “Yasin”lərə görə mənə nə qədər borclusan?

20 noyabr 2012

21:00

dejavu

bakıya qar yağdı bu gün
o ilk qarı xatırladım
ayaqlarımızla
sərhəd pozucusu kimi ehtiyatla
ilk cığırları açırdıq
bulvara sarı
əynində kürk vardı
yarı ağ
yarı sarı
anidən dönüb sənə baxdım
dur bir dəqiqə
səninlə heç görüşmüşmüydük?

ölən dostların borcu

əvvəllər sən belə xəsis deyildin
qoymazdın çox vaxt hesab verməyə
bir dəfə mən versəm çayın pulunu
mütləq sən ödəyərdin gələn səfərdə
bir bilsən nə qədər borclusan mənə
hər dəfə qəbrinin üstə gələndə
mollaya yasin pulu verdiyim üçün

qiyamət

axırzaman...
axır
axır
axır
axır sonsuz işiq seli kimi
zaman

intihar

bu dünyada
13 yaşındakı
qızların
ağac nəymiş
kəndir nəymiş
ölüm nəymiş
bildikləri qədər yaşadıq

sənsizlik qarderobu

geyim mağazasında
elə hey səni düşündüm
ayaqqabılara baxıb topuğunu
şərflərə baxıb boynunu
şalvarlara baxıb əndamını
koftalara baxıb döşlərini...

hər şey var idi
içinə sən dolmağa
səndən başqa...

Mirmehdi Ağaoğlu

7305 dəfə oxunub

Paylaş

Oxşar xəbərlər

“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

12:00 23 sentyabr 2026

Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

10:00 22 sentyabr 2026

Stiven Kinq: “Dəhşət ədəbiyyatı" çağdaş dövrün insanına daha yaxın ədəbi janrdır..."

14:00 21 sentyabr 2026

"Bəşər Tanrısız yaşamağa qadirdirmi?" - Gülnar Əhməd

16:45 17 sentyabr 2026

"Hiss olunur ki, müəllif özünə sərbəstlik vermir" - Hekayə müzakirəsi

12:00 16 sentyabr 2026

Oğuzların Alen Delonuyla dərdləşmək... - Kamal Abdulla Dədə Qorqudun sirr ortağıdır?

14:15 14 sentyabr 2026

Ədəbi tənqid