news-inner
clock18:43 calendar-gray 19 İyun 2020 view-gray438 dəfə oxunub
view-gray438 dəfə oxunub

Azərbaycan kəndinin işğalına həsr edilmiş kitab çap olundu

Azərbaycanın ermənilər tərəfindən işğal olunmuş Bağanıs Ayrım kəndinin işğalının 30 illiyinə həsr olunmuş “İlk şəhid kənd” adlı kitab işıq üzü görüb.

Kulis.az xəbər verir ki, Qazax rayonunda yerləşən bu kənd 1990-cı il mart ayının 23-dən 24-nə keçən gecə erməni silahlı qüvvələri tərəfindən işğal edilib. Həmin gün təpədən dırnağadək silahlanmış mənfur düşmən böyük qüvvə ilə hücuma keçərək kəndin evlərinə od vurub, 6 nəfər əliyalın və dinc kənd sakinini qətlə yetirib. Bu faciə zamanı 17 ev yandırılıb, 11 ev qarət edilib, əhali öz doğma yurd-yuvalarından didərgin düşərək rayonun müxtəlif yerlərinə səpələnib. Bununla da Bağanıs Ayrım işğal olunmuş və yandırılmış ilk kənd kimi Azərbaycan tarixinə daxil olub.

Qazax Rayon İcra Hakimiyyətinin orqanı olan “Göyəzən” qəzetinin baş redaktoru, şair-publisist Elçin İsmayıl 1999-cu ildə vətənpərvərlik təşəbbüsü ilə çıxış edərək Bağanıs Ayrım kəndinin işğalından bəhs edən “Bu, əsl faciə idi” adlı kitab yazmış, ermənilərin törətdikləri vəhşiliyi dünya ictimaiyyətinə çatdırmışdır. Tarixi sənədlərin, faciəni özündə əks etdirən şəkillərin köməyi və kənd sakinlərinin, şahidlərin ifadələri ilə ermənilərin törətdikləri vəhşiliklər kitabda öz geniş əksini tapmışdır.

Mövzunun aktuallığı, Bağanıs Ayrım kəndinin hələ də işğal altında olması, qeyd edilən kitabın kiril əlifbası ilə çap edilməsi nəzərə alınaraq “Bu, əsl faciə idi” kitabı genişləndirilmiş halda təzə ad altında latın qrafikası ilə yenidən nəşr olunub. Qazax Rayon İcra Hakimiyyətinin dəstəyi ilə çap olunmuş “İlk şəhid kənd” kitabına yeni materiallar əlavə edilib, tarixi-publisist əsər faktlar və hadisələri özündə əks etdirən foto-şəkillərlə zənginləşdirilib. Kitabda ermənilərin Bağanıs Ayrımda ağacları da məhv etdiklərindən, evlərin daşlarını belə sökərək apardıqlarından, qəbiristanlığı dağıtdıqlarından və kəndi özü boyda xarabalığa çevirdiklərindən bəhs olunub.

Elçin İsmayılın sayca onuncu olan “İlk şəhid kənd” kitabında kəndin indiki işğal vəziyyəti, kənd sakinlərinə göstərilən dövlət qayğısı və onların bu günkü yaşayış şəraiti, Azərbaycan Ordusunun işğal olunmuş kəndləri hər an azad etməyə hazır olduğu, kənd sakinlərinin öz doğma yurd-yuvalarına qayıtmaq arzuları barədə məqalələr də yer alıb.

“İlk şəhid kənd” kitabının ön sözün müəllifi akademik Teymur Bünyadov, redaktoru isə professor Rüstəm Kamaldır. Kitab geniş oxucu kütləsi üçün nəzərdə tutulub.

Gallery

news-inner-user

15807 məqalə

Oxşar xəbərlər

Xəbər lenti

Əruz vəznində yazılmış ən gözəl təbiət şeiri - Mətn
17:01 11 İyul 2020
Kəramət Böyükçöl: "Məşhurluğumun arxasında dura bilmirəm" - Video
16:29 11 İyul 2020
Özgə adam - Xəyyam Rəfilinin hekayəsi
15:42 11 İyul 2020
Polşa fondu Bakıda müsabiqə elan etdi
14:51 11 İyul 2020
İcazə verək, insanlar Allahlarıyla dalaşsın - İlqar Kamil yazır...
14:07 11 İyul 2020
Qarajda yaşayan Əməkdar artistin ürək parçalayan son sözü - Maraqlı Faktlar
13:15 11 İyul 2020
Məktublarda gizlədilmiş sevgilər - Malik Atilayın yeni şeirləri
12:08 11 İyul 2020
Sadəcə, Şahin
11:18 11 İyul 2020
Orxan Pamuk Qərbə yarınır - Şəhriyar yazır...
10:21 11 İyul 2020
Tofiq azərbaycanlı qızı ləkələyir, rus qızıyla evlənir – Məşhur filmin pərdəarxası
08:59 11 İyul 2020
"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020
Süni şöhrətə qaçan gənc şair və Allahın “cangüdənləri” – Sərdar Amin yazır...
12:15 10 İyul 2020