news-inner
clock11:03 calendar-gray 19 İyun 2020 view-gray2110 dəfə oxunub
view-gray2110 dəfə oxunub

Ayxan Ayvaz müğənnilərə müraciət etdi: Hamınıza səslənirəm!

Müğənnilər arasında kitab oxuyan, intellekti olan üç nəfər tanıyıram: Faiq Ağayev, Nura Suri, Xumar Qədimova. Hər üçüylə ünsiyyət zövq verib mənə. Hətta Faiq bəylə Nura xanımın oxuduğu kitabların çoxusunu heç bizim yazıçılar oxumayıb. Mən istəyərdim ki, bu cür müğənnilərimizin sayı çox olsun. Məsələn, Türkiyədə ən çox kitab alan adam Yıldız Tilbe olmuşdu. Sezen Aksu Mövlanəni oxumadığına görə Tarkana mahnı vermədiyini eşitmişdim.

Tünzalə Ağayeva, Lalə Məmmədova kitab oxuyan müğənnilərdəndir.

Sayları çox azdır amma. Barmaqla sayılacaq qədər.

O gün düşündüm. Düşündüm ki, müasir yazarlarla müğənilləri necə bir yerə yığmaq olar? Necə etmək olar ki, müğənnilər kitab satışına dəstək olsunlar:

Hətta status da yazdım:

"Kitab satmaq üçün nə edək? Nəşriyyatların bunu edəcək gücü, yazarların da imkanı yoxdur. Küçəyə çıxıb satmaq Kəramətdən başqa heç kimdə alınmır. Kitab şəbəkəsi yoxdur, rayonlara çatdırılma, təbliğatdan danışmağa dəyməz. Deyəsən, bircə yol qalır. Tanınmış müğənnilərin dəstək verməsi. Normal ölkə olsa, kitab şəbəkəsi qurulsa, buna ehtiyac qalmaz. Amma söhbət Azərbaycandan gedirsə, bircə çıxış yolu budur. Məsələn, Türkiyədə Yıldız Tilbe ən çox kitab alan müğənni seçilmişdi. Bilmirəm, bizim müğənnilər bu təklifi necə qarşılayarlar? Mənim kitabımı alıb təbliğ edərlərmi?"

Doğrusu, səs-soraq çıxmadı, həm də düşündüm ki, görünür fikrimi dəqiq çatdırmamışam.

Əziz müğənnilər, bizim məhdud imkanlarla çıxartdığımız kitabların reklamı, təbliğatı getmir. Nəşriyyatlar ancaq kitabı çap etməklə işini bitmiş hesab edir. Əslində onları da qınamalı deyil. Vəziyyət belədir. Kitab Azərbaycan xalqı ilə heç bir yerdə rastlaşmır. Tirajımız çox azdır. Nəşriyyata ya pul ödəyib kitab çıxarırıq, ya nisyə yazdırırıq, ya da nəşriyyat özü öz hesabına çap edib qazancı götürür. Dünyanın heç bir yerində bu cür anormal vəziyyət yoxdur.

Bilmirəm, oxumusunuz, ya yox, Daniel Defonun məşhur "Robinzon Kruzo" əsərindəki kimi sanki bir adaya düşmüş və hər şeyi özümüz etmək zorunda qalmışıq.

Yazırıq. Redaktə edirik. Zülm çəkirik. Kitab çıxardırıq. Aparıb özümüz kitab mağazalarına daşıyırıq, ya da bir-bir satırıq.

Yəqin ki, vəziyyətin ağırlığını anlayırsınız. Biz kitabı tanıtmaq üçün heç bir resurs yoxdur. Məhdud imkanlar əlimizi-qolumuzu bağlayır.

Mən sizə bütün kitablara dəstək verin demirəm. Məsələn, bir örnək deyim. Bir oxucu, Seyran İsmayılov adında bir dost Aqşin Yeniseyin "Tarix və tale" romanını aldı, oxudu və belə qərara gəldi ki, bu kitabdan 100 nüsxə alıb tələbələrə paylasın. Yəni o adam bu kitabın çox adama ulaşması üçün öz cibindən xərc qoydu.

İndi toylarınız yoxdur, bilirəm. Onu da bilirəm ki, hamıya əlinizdən gələn köməyi edirsiniz. Normal bir mühit olsaydı, heç vaxt ağız açmazdım sizə. Neyləyək, kimsə daşın altına əlini qoymalıdır.

Hamınıza səslənirəm! Bayağı, yaxud ciddi. Mənə fərqi yoxdur. Nə qədər də sizi tənqid etsək də bu işə qol qoyacağınıza inanıram. Gəlin, kitaba dəstək olun. İnanın, sizin bu dəstəyiniz həm də cəmiyyətdəki imicinizi daha da gözəlləşdirəcək.

Kitab alın və paylayın. Oxumasanız da olar.

news-inner-user
Ayxan Ayvaz

454 məqalə

Oxşar xəbərlər

Xəbər lenti

Üzeyir Hacıbəyovun felyetonu: “Cin”
21:01 18 Sentyabr 2020
Açıq havada premyera oldu – İlk dəfə
19:01 18 Sentyabr 2020
Onlar "Ginnesin rekordlar kitabı"na daxil oldular - Fotolar
18:40 18 Sentyabr 2020
"Arşın mal alan" Bolqarıstan teatrında səhnəyə qoyuldu
18:00 18 Sentyabr 2020
Sarı camış - Kamal Abdulladan yeni hekayə
17:22 18 Sentyabr 2020
Azərbaycanın “Avroviziya-2021”də iştirakı təsdiqləndi
16:38 18 Sentyabr 2020
Üzeyir Hacıbəylinin xatirəsi anıldı
15:51 18 Sentyabr 2020
Dostunun qızıl saatını oğurlayan Vüqar, ərindən iyrənən Validə... – Səriyyə xala iş başında
15:10 18 Sentyabr 2020
“Qalatasaray”ın qələbəsinə sevinən kölə təfəkkürü – Sərdar yazır...
14:32 18 Sentyabr 2020
İntim görüntülərlə şantaj olunan qadın nə etməlidir? – Mütəxəssis rəyi
13:39 18 Sentyabr 2020
Mədəniyyət Nazirliyi: "Fəxri adlara namizəd olanları müstəqil komissiya seçəcək"
13:10 18 Sentyabr 2020
Şabanın adı filmlərinin çəkildiyi küçəyə verilib
12:47 18 Sentyabr 2020
Pula görə təhsilini yarımçıq qoydu, repressiyadan təsadüfən xilas oldu, xanımı başqa qadınla evlənməsini istədi – Üzeyir bəydən maraqlı faktlar
12:08 18 Sentyabr 2020
Müəlliməni intihara aparan səbəb
11:36 18 Sentyabr 2020
Musiqi Günü ilə bağlı elektron baza hazırlanıb - Link
11:02 18 Sentyabr 2020
Tanınmış yazıçı vəfat etdi
10:33 18 Sentyabr 2020
27 yaşda intihar edən müəlliməyə gecikmiş təsəlli
10:04 18 Sentyabr 2020
Bəy!
09:36 18 Sentyabr 2020
Qanı gördükcə qorxudan titrəyirdim - Bircənin romanı
09:00 18 Sentyabr 2020
Xalq artisti qonşusunu məhkəməyə verdi
19:05 17 Sentyabr 2020