Biz onların çoxunu uşaq yaşlarından tanıyırıq. Kimini filmlərdən, kimini mahnı müsabiqələrindən... Uşaq yaşda tanınmaq, məşhur olmaq da bir taledir. Kulis.az 1 iyun – Uşaqların Beynəlxalq Müdafiə Günü münasibəti ilə uşaq yaşlarından məşhurlaşan sənətçiləri təqdim edir.

Xalq artisti, əfsanəvi kamança ustası Habil Əliyev uşaq vaxtlarından məşhurlaşan sənətkarlardandır. İlk dəfə efirdə. 3 saylı Ağdaş musiqi məktəbində oxuduğu illərdə milli rəqs nömrəsi ilə çıxış edir.

Aktrisa Suğra Bağırzadə sənətdə ilk addımlarını “Cücələrim” ansamblından atıb. Onun ifasında səslənən “Cücələrim” mahnısı dövlət televiziyasının qızıl fondunda saxlanılır.

Müğənni Tacir Şahmalıoğlu 80-ci illərdə oxuduğu “Bayatı Şiraz”la məşhurlaşıb. Onun ifası Dövlət Televiziyasının qızıl fonduna daxil edilib.

Xəyalə Manaflı ilk dəfə böyük səhnəyə 1990-cı ildə çıxıb. Azərbaycan estrada səhnəsində ilk uşaq estrada müğənnisidir. 1992-ci ildə “7...17” tele-müsabiqəsinin qalibi olub.

90-cı illərdə məşhur olan uşaqlardan biri də müğənni Amil Həsənoğludur. O, 1997-ci ildə Bakıda keçirilən “Dan ulduzu” mahnı müsabiqəsinin diplomantı, 1998-ci ildə isə qalibi olub.

Rejissor Elxan Cəfərovu uşaq vaxtı çəkildiyi “Mən mahnı qoşuram” və “Şir evdən getdi” filmləri ilə məşhurlaşıb.

Kinoşünas Cəmil Quliyev “Alma almaya bənzər” filmində ilk dəfə kamera qarşısına keçib. Dənəsiz alma yeyən Kərimovu yəqin ki, unutmamsınız.

Xanəndə Firuz Səxavət də uşaq yaşlarından Səxavət Məmmədovla el şənliklərində muğam və xalq mahnıları ifa etməyə başlayıb və qeyri-adi səsi və ifaçılıq qabiliyyəti il az vaxtda məşhurlaşıb.

Aktyor Ceyhun Mirzəyev. “Ögey ana” filmi ilə doğuldu, “Fəryad” filmi ilə dünyasını dəyişdi. Yüksək temperamentli İsmayılın film həyatı ilə Ceyhunun real həyatı bir-birinə qarışdı.

Tanınmış dirijor Eyyub Quliyev də uşaq vaxtından məşhurlaşan sənətçilərdəndir. O, tar ifaçısı kimi məşhurlaşsa da, ali musiqi təhsilini dirijorluq üzrə alıb və peşəsini bu sahədə davam etdirib.

• 27 sentyabr Azərbaycanda Anım Günüdür
• Mətbuat Şurasının növbəti qurultayı keçiriləcək
• İnancın ən ağır sınağının təsviri - "İshaqın qurban verilməsi" tablosu