news-inner
clock15:44 calendar-gray 15 Noyabr 2012 view-gray1464 dəfə oxunub
view-gray1464 dəfə oxunub

Yazıçıların və deputatın qonarar həmrəyliyi

Millət vəkili Nizami Cəfərov dünən Milli Məclisdəki çıxışı zamanı yazıçılara qonorar verilməsi məsələsinə toxunub. N. Cəfərov büdcədən maliyyələşən “Azərbaycan”, “Ulduz” jurnallarına, “Ədəbiyyat” qəzetinə ayrılan vəsaitlərin artırılmasını təklif edib. Deputatın sözlərinə görə, ancaq bu halda həmin nəşrlərin yazıçılara normal qonorar verə bilər.

Kulis.az millət vəkilinin səsləndirdiyi fikirlə bağlı ədəbiyyat adamlarının mövqeyini öyrənib.

Xalq yazıçısı, 1978-83-cü illərdə “Azərbaycan” jurnalının baş redaktoru olmuş Əkrəm Əylisli indiki qonorar sistemini başıpozuqluq adlandırıb: “Bu sistemi yenidən qurmaq lazımdır. Nizami müəllimin səsləndirdiyi fikri alqışlayıram və istərdim ki, bu tək büdcədən maliyyələşən qurumlara yox, əksər ədəbi orqanlara aid edilsin. Yazıçılar üçün imkan yaradılmalı, hər yazıya görə onlara yaxşı qonorar verilməlidir. Belə olsa inanın ki, vəziyyət düzələcək. Bu yaxınlarda oxudum ki, Markes beş dəqiqəlik çıxışı üçün 40 min dollar tələb edir. Pula görə yazmaq xəcalətli bir şey deyil. Yaxşı qonorar veriləndə yazıların keyfiyyəti də yüksələcək. Çünki yaxşı qonorar alan yazıçıdan aldığı qonorar görə yaxşı iş tələb olunacaq. Maddi maraq olmadan səmərəli iş görmək mümkün deyil. İnsan əməyinə dəyər verilməlidir”.

Sovet dövründə qonorarın yüksək olduğunu söyləyən Ə. Əylisli buna görə yazıçıların yaxşı dolandığını da qeyd edib: “Televiziyada etdiyin böyük çıxışa görə verilən qonorarla bir ay dolanırdın. “Azərbaycan” jurnalının baş redaktoru olduğum müddətdə jurnalın büdcəsi çox deyildi. Ancaq buna baxmayaraq yaxşı qonorar verirdik. Maaşım 240 manat idi və bu maaşla Moskvaya gedib, bir həftəlik istirahət edirdim. Bir dəfə rəhmətlik Süleyman Rəhimovun jurnalda çap olunan yazısını ixtisarla çap etdim. Zəng etdi ki, Əkrəm, niyə yazılarımı ixtisar etmisən? Mən yaxşı yaşamağa öyrəşmişəm. Yəni, yazıçılar o dövrdə yazıları hesabına gözəl həyat sürürdülər”.

“Ulduz” jurnalının baş redaktoru Elçin Hüseynbəyli deyib ki, üç ildən çoxdur rəhbəri olduğu jurnala ayrılan vəsait artırılmır: “Ölkədə qiymətlər artır, ancaq “Ulduz” jurnalına ayrılan dotasiyanın həcmi artmır. Yazıçıların problemlərinə, qayğılarına yardımçı ola bilmirik. Əlbəttə ki, qonorar fondumuz yüksək olsa biz də yazıçılara normal qonorar verərik. Jurnalda qonorar 20 – 40 manat arasında dəyişir. Bu baxımdan mən düşünürəm ki, Nizami Cəfərovun qaldırdığı məsələ aktualdır və biz bu məsələdə xeyli gecikirik. Bizə illik 66 min manat pul ayrılır. Qonorar fondu da təxminən büdcənin səkkiz faizi həcmindədir. İşçilərin maaşı, çap xərclərini də əlavə etsək, vəziyyət heç də ürəkaçan deyil”.

Yazıçı Cavid Zeynallı isə millət vəkilinin təklifini gecikmiş addım hesab edib: “Yaxşı təklifdir, ancaq bu təklif illər əvvəl səslənməli idi. Əslində, hamıya məlumdur ki, bu gün Azərbaycan yazıçılarının maddi durumu acınacaqlı vəziyyətdədir. Dövlət büdcəsindən maliyyələşən ədəbi orqanlarda verilən qonorarlar yazıçıya verilən dilənçi payıdır. Məsələn, “Ulduz” jurnalı bir hekayəyə görə 10-15 manat qonorar yazır. Bunun söz adamını alçaltmaqdan başqa adı yoxdur. Bu jurnal rəhbərliyinin günahı deyil. Onlar da açıq etiraf edirlər ki, 500-600 manatlıq qonorar fondu ilə yazıçılara normal qonorar yazmaq olmaz. Açığı, “Ədəbiyyat” qəzetində heç vaxt dərc olunmamışam və bundan sonra da belə bir fikrim yoxdur. Amma bildiyim qədəriylə kifayət qədər maliyyə imkanı olan bu orqanda da qonorar qənaətbəxş deyil”.

Oxşar xəbərlər

Xəbər lenti

Mübariz Örəndən yeni hekayə: İlıq
21:00 13 İyul 2020
Nərgiz İsmayılovanın yeni monoqrafiyası nəşr olundu
18:44 13 İyul 2020
Bollivud ulduzu koronavirusa yoluxdu
18:02 13 İyul 2020
Payızda vağzala getməyəsən... - Poetik etüdlər
17:36 13 İyul 2020
Mirmehdi Ağaoğlunun Türkiyədə hekayələr kitabı çap olundu
17:18 13 İyul 2020
On beş ilin salamı – Kənan Hacı yazır
16:39 13 İyul 2020
Bu gün “Vətən borcu” filminin premyerası olacaq
15:51 13 İyul 2020
Tənqidin sərhədləri - Qismətin Tomas Eliotdan tərcüməsi...
15:10 13 İyul 2020
Məşhur müğənni kitab yazdı
14:25 13 İyul 2020
Koronavirusa həsr olunan film çəkilir
13:37 13 İyul 2020
Elvis Preslinin nəvəsi intihar etdi
12:56 13 İyul 2020
Qanıyla torpağa “Qarabağ” yazan, son nəfəsdə şikəstə oxuyan, mina ilə tankın altına sürünən Azərbaycan əsgəri – Müharibə əhvalatları
12:15 13 İyul 2020
Ötən günün müharibə həyəcanı - Samirə Əşrəf yazır...
11:37 13 İyul 2020
Gevorkovun bacısı qızı ilə gəzən azərbaycanlı – Mahir yazır...
11:05 13 İyul 2020
Məşhur rəsm əsəri 22 milyon dollara satıldı
10:30 13 İyul 2020
Yazıçımızın hekayəsi Gürcüstan ədəbiyyat portalında
09:34 13 İyul 2020
“Mücrü” jurnalının baş redaktoru: “Ayağım nəşriyyata düşərli olmadı” – Müsahibə
09:00 13 İyul 2020
Xalq artisti koronavirusa yoluxdu
14:28 12 İyul 2020
Qızını ölən qızının həyat yoldaşına verdi, oğlu intihar etdi, nəvəsi güllələndi... – Axundov haqqında inanılmaz faktlar
12:15 12 İyul 2020
Anar özünün ən uğurlu hekayəsini seçdi – Mətn
11:44 12 İyul 2020