news-inner
clock14:40 calendar-gray 31 May 2020 view-gray1030 dəfə oxunub
view-gray1030 dəfə oxunub

Azan səsləri kilsə zənglərinə qarışır – Səhər Əhməddən yeni şeirlər

Kulis.az Səhər Əhmədin yeni şeirlərini təqdim edir.

Sənə ən doğma adam da
Özgədi, canım-gözüm.
Uzağı səni göstərən
Güzgüdü, canım-gözüm.

Bu güzgüdə özünə bax,
Özünü sev bir daha.
Gücün qalmayıbsa artıq
Kimsəni uydurmağa.

Başını yorma ki niyə
Belədi ömrün-günün.
Bu yazını yazan, bəlkə
Dəlidi, ömrüm-günüm.

Yenidən dünyaya gəlsən,
Taleyini zorlama.
Bir daha alın yazını
Oxumadan qollama...

***

Hava qaralır yenə,
Səbrim daralır yenə,
Elə uzaqdasan ki
Əllərim çatmaz sənə.

Bu gecə sənə inad
Sabaha sağ çıxmaram.
Sonra da mesaj gələr:
"Darıxma". Darıxmaram.

Elə uzaqdasan ki,
Yolumdan da o yanda.
Qapımda pusqu qurmuş
Ölümdən də o yanda.

Sabaha bel bağlama,
Gözləmə, gəlməyəcəm.
"Səhərə qədər", demə
Səhər mən olmayacam.

Tez-tez pozulur sükut,
Qulağıma səs gəlir,
Hərdən azan səsləri,
Hərdən kilsə zəngləri.

İndi sənə son sözüm
Kirpiyimdə son damla.
Göz yaşını mesajla
Göndərməz telefonlar...

Yenə dar axşamçağı,
Yenə həmin dar cahan.
Hardasa bir can sönür,
Bir ruh uçur hardasa.
Divara kölgə qonur.
Üşənirəm. Hardasan?

Oxşar xəbərlər

Xəbər lenti

Fransız səyyahın İrəvan təəssüratları yayımlanacaq
14:02 21 Oktyabr 2020
Qarabağa görə başına yaylıq bağlayan şair
13:23 21 Oktyabr 2020
Özbək şair qarabağlı qızdan poema yazdı
12:41 21 Oktyabr 2020
“Üç dəqiqə nəfəs ala bilmədim” – Zəngilanlı yazarlar qələbə sevincini bölüşür
12:00 21 Oktyabr 2020
Koronavirusa tutulan yazıçı: “Bu mövzuda on hekayə, bir roman yazmışam”
11:14 21 Oktyabr 2020
Ləpə satan qadını ağladan bayraq
10:42 21 Oktyabr 2020
Polşalı aktyor vəfat etdi
10:15 21 Oktyabr 2020
Füzulidən olan 82 yaşlı şair: “Evim dağılıbsa, kolun dibində yaşayaram” – Müsahibə
09:00 21 Oktyabr 2020
Kinematoqrafçılar İttifaqı Silahlı Qüvvələrə Yardım Fonduna ianə edib
18:44 20 Oktyabr 2020
Mahnı bitənəcən qayıdacam - Cavanşir Yusifli yazır...
18:02 20 Oktyabr 2020
Gecə yarısı bir qız məktub yazır səngərə... - Cəbhədə olan zabitdən şeirlər
17:21 20 Oktyabr 2020
Zəngilanlı aktyor: "İlk dəfədir var olduğumu hiss edirəm"
16:33 20 Oktyabr 2020
Məşhur aktyor xərçəngə tutulub
15:51 20 Oktyabr 2020
Mehdi Hüseyn onun qollarında can verdi, yoldaşının danışdığı yalan ömrünü 7 il uzatdı, bir şeirlə tarixdə qaldı – Maraqlı faktlar
15:08 20 Oktyabr 2020
Günay İbrahimli: "Ən böyük arzuma çatdım"
14:25 20 Oktyabr 2020
Kuklada uşaqlar üçün tamaşa
13:42 20 Oktyabr 2020
Rusiyanın tanınmış aktrisası vəfat etdi
13:01 20 Oktyabr 2020
“Qəbiristanlığa qaçacam, atama salam verməyə...” – Kəndləri alınan yazıçılar ora necə qayıdacaqlar? - Sorğu
12:20 20 Oktyabr 2020
Balasının meyitini qucaqlayan ata – Allaha suallar
11:41 20 Oktyabr 2020
Qadını yırtıcıya çevrilən xalq
11:01 20 Oktyabr 2020