Sənət

Qodarın “Öz həyatınla yaşa” filmi nümayiş olunacaq

Qodarın “Öz həyatınla yaşa” filmi nümayiş olunacaq
14 noyabr 2012
# 18:48
Gənc Film İstehsalçıları Assosiasiyası Azərbaycan Gənclər Fondunun maliyyə dəstəyi ilə “Fokus” Yaradıcı Gənclərin Kino Evi layihəsinə başlayır. Layihə çərcivəsndə dünya kino klassikasının və milli filmlərin baxışları nəzərdə tutulub. Layihənin əsas məqsədlərindən biri gənclərdə intellektual kino zövqünün və diskussiya mədəniyyətinin formalaşmasıdır.

Baxışların orjinal formatda keçməsi üçün filmləri tanınmış art yazarlar təqdim edəcək. Noyabr –dekabr ayına planlanmış baxışlardakı filmləri yazarlar Aygün Aslanlı, Sevda Sultanova və filosof Teymur Daimi təqdim edəcəklər.

Layihənin əsas fokus qrupu gənclərdir. Layihə müəllliflərinin fikrincə, baxışların Kino Evi formatında təşkili prinsipial məsələdir. Baxışlar təsadüfi yox, konseptual və ardıcıl olmalıdır. Kino Evi kreativ və intellektual fikrin inkişaf etməsi üçün münbit müstəvidir. Yaradıcı gənclərə ünvanlanmanın səbəbi kinomuzun bu günkü problemlərindən doğur.

Azərbaycan kinosunda yeni nəslin tam hüquqla gəlməməsinin əsas səbəbi müxtəlif yaradıcı peşələr arasında yaradıcı bağların qurulmamasıdır.

Kino rejissorların ədəbiyyatçılarla, ədəbiyyatçıların rəssamlarla, rəssamların kino yazarları ilə kontakt qurması üçün və bu əlaqələrin yeni yaradıcı məhsula çevirə bilən məkan lazımdır. Kino Evi formatı bunun üçün çox əlverişlidir.

Layihə çərçivəsində ilk kino baxış noyabrın 17-də saat 18.00-da Hökumət evinin binasında baş tutacaq. Dünya kinosunda inqilabi dalğa yaratmış tanınmış rejissor Jan Lük Qodarın “Öz həyatınla yaşa” filmi nümayiş olunacaq. Nümayişin qonağı yazar Sevda Sultanovadır.

Layihənin partnyorları Azərbaycan Kinematoqrafçılar İttifaqı, “Buta” Film Kino şirkəti, informasiya dəstəyi Cineline.az saytı və ”Kinomansan?” facebook səhifəsidir.

Giriş sərbəstdir.
# 2759 dəfə oxunub

Oxşar xəbərlər

Qəhvə taciri, silah alverçisi, kəşfiyyatçı, şair Artur Rembo - Homoseksual sevgilisi onu niyə güllələmişdi?

Qəhvə taciri, silah alverçisi, kəşfiyyatçı, şair Artur Rembo - Homoseksual sevgilisi onu niyə güllələmişdi?

14:00 10 noyabr 2026
O, ailəni, dini, dövləti və sevgini rədd edirdi – Bazarovun düşüncəsinin arxasında hansı filosof dayanırdı?

O, ailəni, dini, dövləti və sevgini rədd edirdi – Bazarovun düşüncəsinin arxasında hansı filosof dayanırdı?

14:00 9 noyabr 2026
Qərb cəbhəsində itirilmiş nəsil, Aprel döyüşləri... - Müharibə mövzusunda yazılmış məşhur romanlar

Qərb cəbhəsində itirilmiş nəsil, Aprel döyüşləri... - Müharibə mövzusunda yazılmış məşhur romanlar

14:00 8 noyabr 2026
"Mən səni haralarda axtardım, balam?!" - Ömrün urasında yaşanan və yazılanlar...

"Mən səni haralarda axtardım, balam?!" - Ömrün urasında yaşanan və yazılanlar...

10:00 8 noyabr 2026
"Həyat bütünlüklə xatirələrdən ibarətdir?" - Tanınmış amerikalı psixiatrdan sitatlar

"Həyat bütünlüklə xatirələrdən ibarətdir?" - Tanınmış amerikalı psixiatrdan sitatlar

11:01 7 noyabr 2026
"Qocalmaq ehtirasdan şəfqətə keçməkdir..." - Alber Kamünün sitatları

"Qocalmaq ehtirasdan şəfqətə keçməkdir..." - Alber Kamünün sitatları

10:00 7 noyabr 2026
#
#
Ana səhifə Reels Yazarlar Xəbərlər