Azərbaycan Dillər Universitetində (ADU) İsrail Film Festivalının açılışı keçirilib.
APA-nın məlumatına görə, tədbir İsrail və Azərbaycan arasında diplomatik münasibətlər qurulmasının 20 illiyinə həsr olunub.
Tədbirdə İsrailin Azərbaycandakı səfirliyinin, yəhudi icmasının, Dillər Universitetin nümayəndələri və tələbələri iştirak ediblər. İsrailin Azərbaycandakı səfiri Rafael Harpaz çıxışında İsrailin kino sənayesindən danışıb. O, ölkənin dəfələrlə Kann festivalının birinci mükafatına və “OSCAR” mükafatına namizəd olduğunu vurğulayıb. Səfir həmçinin İsrail və Azərbaycan xalqları arasında möhkəm mədəni əlaqələrin olduğunu nəzərə çatdırıb. R.Harpaz iki ölkə arasında mehriban və dostluq əlaqələrinin olduğunu vurğulayaraq, bu münasibətlərin daha da dərinləşməsi və genişlənməsi üçün bütün səylərinin əsirgəməyəcəyini bildirib: “Bu festival iki ölkə arasındakı mövcud yaxın mədəni əlaqələri zənginləşdirəcək”.
ADU ilə əməkdaşlığı yüksək qiymətləndirən diplomat universitetdə fəaliyyət göstərən İsrail Təhsil Mərkəzinin iki ölkə arasında mədəniyyət və təhsil sahələrindəki əlaqələrin inkişafında mühüm rol oynadığını söyləyib.
Qeyd edək ki, mərkəz 2009-cu ildə İsrail prezident Şimon Peresin şəxsən iştirakı ilə açılıb. 2012-ci ildə yenidənqurma işlərindən sonra İsrail XİN başçısı Aviqdor Libermanın iştirakı ilə keçirilən mərasimdən sonra fəaliyyətini genişləndirib.
Xatırladaq ki, İsrail Film Festivalı İsrailin Azərbaycandakı səfirliyi, ADU və İsrail Təhsil Mərkəzinin birgə təşkilatçılığı ilə keçirilir. Noyabrın 21-dək davam edəcək festival çərçivəsində İsrail kinorejissorların ən məşhur və maraqlı filmləri nümayiş olunacaq. Festivalın məqsədi İsrailin kinofilm sahəsinin Azərbaycanda təqdim olunmasıdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Holokost, köləlik travması, şəhvət... - Ədəbiyyat üzrə Nobel mükafatı alan qadın laureatlar kimlərdir?
15:00
11 yanvar 2026
Nə yaxşı ki, bütün qan qrupları torpağa düşür... - İntiqam Yaşarın yeni şeirləri
12:00
11 yanvar 2026
Arxivdə tozlanan opera və yarımçıq qalmış ömür - Elza İbrahimovaya kimlər mane olurdu?
12:00
10 yanvar 2026
"Məni ona bənzədəndə xoşum gəlir" - Sevdiyim qızın xatirə dəftərində nə yazılmışdı?
10:00
10 yanvar 2026
Feminizmə üç güllə və ya Avropa fəlsəfəsinin “çakra”ları - Aydın Talıbzadə
12:00
9 yanvar 2026
"Puşkini inkar etməyənə qədər heç vaxt yazıyla maraqlanmamışdım..." - Nekrasovun dəfnində Dostoyevski nə söyləmişdi?
15:00
8 yanvar 2026
