news-inner
clock11:33 calendar-gray 19 May 2020 view-gray5787 dəfə oxunub
view-gray5787 dəfə oxunub

Ömründən kəsib Kamil Zeynallıya calayanlar

Sosial şəbəkələr cəmiyyətimizin nə qədər absurd olduğunu güzgü kimi bizə əks etdirir. Düzü, bundan əvvəl bu işi televiziyalar, bədii əsərlər görürdü. Amma sosial şəbəkələr heç bir təşbeh, metafora, bənzətmə etmədən absurdluğumuzu olduğu kimi ortaya qoyur.

Bu günlərdə də absurd bir video yayılıb. Belə ki, Kamil Zeynallının köməkçisi kasıb ailəyə azuqə gətirib. Çox sağ olsun, Allah payını artıq eləsin. Bu heç. Amma sonra nə olur? Azuqəni alan yaşlı qadın köməkçiyə deyir ki, Allah sənin ömründən kəsib Kamilin ömrünə calasın.

Adamın əli üzündə qalır. Bilmirsən, bu sözlərə güləsən, yaxud ağlayasan. Adam əziyyət çəkib, üzündə təbəssüm evinə yardım üçün gəlir. Qarşılığında heç bir şey ummadan. Əvəzində Allahın verdiyi ömürdən kəsməlidir! Ağbirçək özü də bilmir, nə danışır. Ancaq bir həqiqət var ki, oğlana qarğış edir. Xeyir-dualı qarğış.

Yasda əllərini dizlərinə çırpan yaşmaqlı arvadlar gözümün qabağına gəlir. Bir dəfə qohumlarımdan kimsə ölmüşdü. 12-13 yaşlarımda olardım. Qara paltarlı qadınların səsi üç məhəllə uzaqdan eşidilirdi. Elə bil, bəhsə girmişdilər ki, hansı daha ucadan ağlayacaq.

Yardım videosu sosial şəbəkələrdə gəzişir, çox baxılır. Bizə də gündə mövzu lazımdı axı. Kiməsə şəbədələr, lağlağılar qoşaq. Əslində, ağbirçəyin sözləri təhlükəlidir. Onun kasıbçılığı, ehtiyac içində yaşamağı və dediyi sözlər bir-birinə ziddir. Əminəm ki, o, nə dediyini bilməyib.

Biz tərəflərdə bir söz var: Allah balanı versin. Mən əvvəllər elə bilirdim, bu söz o deməkdir ki, yəni Allah sənə övlad nəsib eləsin. Sən demə, bəla, qarğış mənasındadır. Çaşıb qonşuluqda yaşayan üç uşaqlı arvada belə demişdim. Arvad əlinə çubuq alıb üstümə cummuşdu.

“Allah ömrümdən kəsib filankəsə calasın” elimizin deyiminə çevrilib. Bu sözləri cəmiyyətə sırıyan yaltaq adamlar olub. Allah yolunda ömürlərini kiməsə pay verən icra başçıları, məmurlar, deputatlar, sadəlövh yaşlılar...

Bu cür əhvalatlar, hadisələr artmaqdadır. Amma cəmiyyət öz içində düşüncə modeli yaratmalıdır.

Azərbaycan insanı bu gün ədəbiyyata, kinoya hər gün absurd komediya janrında onlarca xammal istehsal edir. Rejissorlarımız, yazıçılarımız gündəmi izləsələr bəsdir. Yaza bilən üçün bolluca material var. Vaqif Mustafayev kamerasını işə salsa, modern absurd filmlər izləyərdik.

Amma onun özü də...

Nə isə, qalsın gələn səfərə.

news-inner-user
Oğuz Ayvaz

191 məqalə

Oxşar xəbərlər

Xəbər lenti

Nаmiq Аbdullаyеvin ахırı – Portret-hekayə
21:00 22 Sentyabr 2020
Tanınmış bəstəkara ağır itki üz verdi
18:41 22 Sentyabr 2020
Tarkovski ilə bağlı kadrarxası çəkilişlər hərraca çıxarılacaq
18:04 22 Sentyabr 2020
Sən ağlama, bulaq səslim – Qismət Məsimin yeni şeirləri
17:15 22 Sentyabr 2020
Haqverdiyevlə Üzeyir bəyə həsr olunmuş beynəlxalq konfrans keçiriləcək
16:29 22 Sentyabr 2020
Azərbaycanlı reper qəza keçirtdi
15:41 22 Sentyabr 2020
Nişanlısının yaylığı ilə ölümdən qurtuldu, “vətən xaini” idi Sovet İttifaqı Qəhrəmanı oldu - Fransa prezidentinin Brejnyevdən tələb etdiyi azərbaycanlı
15:02 22 Sentyabr 2020
Şəhid oğlunun fotosu və Beynəlxalq Sülh Günü
14:24 22 Sentyabr 2020
Peterburqda susan Azərbaycan tarı: Onun məzar yerini unutmayın!
13:41 22 Sentyabr 2020
Məmur özbaşınalığından serial çəkilir - Azərbaycanda ilk
12:55 22 Sentyabr 2020
Hərbi təlimə gedən dostlarımızın avtobus pəncərəsindən dedikləri - Sərdar Amin yazır…
12:15 22 Sentyabr 2020
Azərbaycan Kiyevdə etnomədəni festivalda - Foto
11:58 22 Sentyabr 2020
Azərbaycanlı yazıçının kitabı rus dilində nəşr olundu
11:10 22 Sentyabr 2020
Nələr görmür gözümüz, nələr çəkmir başımız? – Günün şeiri
10:36 22 Sentyabr 2020
Stalloneyə ağır itki üz verdi
10:25 22 Sentyabr 2020
Norveçdə Nizami məktəbi fəaliyyətə başlayıb
09:53 22 Sentyabr 2020
Biz tərəflər – Şərif Ağayardan yeni hekayə
09:01 22 Sentyabr 2020
Rejissorumuzun filmi Moskva festivalının əsas proqramında
18:57 21 Sentyabr 2020
Notr-Dam kilsəsinin muzeyi işə başladı
18:34 21 Sentyabr 2020
Ayağı kəsilmiş sevgilisini tərk edən Ceyran – Sara İbrahimin hekayəsi
17:48 21 Sentyabr 2020