“Narimanfilm” kinostudiyası “Fəridə” tammetrajlı bədii filmin istehsalını başa çatdırıb.

Kulis.az Azərbaycan Kinematoqrafçılar İttifaqına istinadən xəbər verir ki, 1994-cü ildə təsis edilən, müxtəlif diapazonlu və büdcəli layihələrin həyata keçirilməsində rol oynayan “Narimanfilm” kinostudiyası, bu dəfə Sankt-Peterburq Yeni Kino Məktəbi ilə əməkdaşlıq edərək “Fəridə” filmini çəkib.

Filmin mövzusuna əsasən hadisələr Azərbaycanın Xınalıq kəndindən başlayaraq Rusiyanın Sankt-Peterburqa şəhərində cərəyan edir. Belə ki, Fəridə adlı gənc qadın həyat yoldaşı Muradı axtarmaq məqsədilə Sankt-Peterburq şəhərinə üz tutur. Muradın harada olduğu haqqında heç bir məlumata malik olmayan qadın böyük şəhərdə bir çox çətinliklər yaşayır ki, nəticədə də onun bütün həyatı alt-üst olur.

Dram janrında lentə alınan filmin əsas çəkilişləri Sankt-Peterburq şəhərində aparılıb. Filminin premyerasının 2020-ci ilin yay aylarında Bakıda keçirilməsi planlaşdırılır.

Filmin ssenari müəllifi və rejissoru Kseniya Laqutina, operatoru Dmitriy Naqovskiy, səs rejissoru Aleksandr Demyanov, prodüseri Nəriman Məmmədovdur.

Rollarda iştirak edirlər: Məryəm İbrahimova, Abdukərim Nasirov, Dilya Ulaşeva və b.

• Azərbaycanlı şairin kitabı məşhur onlayn kitab mağazasında
• Avtobusda pivə içən qız, dostuna xəyanət edən tələbə - Prusta meydan oxuyan Azərbaycan yazıçısı kimdir?
• Səudiyyə Ərəbistanı ilk dəfə gözəllik yarışmasına qatılacaq