Flora Xalq artistinə cavab verdi: "Bu cümlə xəbisliyinizin göstəricisidir"

Flora Xalq artistinə cavab verdi: "Bu cümlə xəbisliyinizin göstəricisidir"
14 may 2020
# 18:05

"Məhz bu cümləniz sizin içinizin, xəbisliyinizin, kimliyinizin göstəricisidir!”

Kulis.az xəbər verir ki, bu sözləri Xalq artisti Flora Kərimova İnstaqram səhifəsində Şeyx Əbdül Mahmudova xitabən yazıb. O, Əbdül Mahmudovun paylaşımına belə cavab verib:

“Əbdül, sizə həqiqətən hörmətim var idi. Sizi bir il yox, əlli ildir ki, tanıyıram. Mən nə yazmışam, siz nə cavab vermisiz. Sizin mənə “SƏN” deyə müraciətiniz və bu yazınız gözümü açdı. Buna görə çox sağ olun!
Bu 50 ildə siz, deyəsən, heç məni tanımadız. Mən məzlumun harayına kar olan, zalımın xofuna kor olan biri deyiləm. Nə nazirdən qorxacağım var, nə də nazirin böyüyünün böyüyündən! General deyiləm ki, paqonu sökələr, ev verməyiblər ki, əlimdən alalar. Ömrüm boyu heç kimə heç nədə borclu olmamışam. Bunu bütün millətim bilir. Səhvləri olubsa, demişəm, haqqlı olublarsa, tərəflərində durmuşam!”

F.Kərimova Şeyx Əbdül Mahmudovun “Yəqin Flora Kərimova gündəmə gəlmək istəyir, keçmişdəki qalmaqalları üçün deyəsən darıxıb” sözlərinə də reaksiya verib:

“Gündəm? - siz düşünürsüz gündəm lazımdır mənə? İndiyə kimi oxuduqlarımın bir notunu təkrar edən olmadı, on illərlə qadağalarım oldu, unudulmadım. Əgər gündəm lazım idisə, sizdən böyük fiqur tapa bilməzdim? Güldürməyin, məni... Bəli qocalımışam. Nə yaşımdan, nə qırışlarımdan, nə də ağ saçımdan utanıram! Şükürlər olsun ki, Allah hələ ağlımı əlimdən almayıb. Lazım gələrsə, o ağlımla min ağzı yummağa qadirəm.
Sizin diplom işiniz 1970-ci il deyil, 1974-cü ildir. Mən 1962-ci ildə “Cavanşir” radio-tamaşasında (Mehdi Hüseynin), 1963-cü ildə “Böyük dayaq” filmində ( Həbib İsmayılovun) FİKRƏT ƏMİROVUN, 1969-cu ildə Tofiq İsmayılovun “İNTİZAR” filmində Fərəc Qarayevin, 1970-ci ildə Həsən Seyidbəylinin “ O qızı tapın” filmində Oqtay Kazıminin MAHNILARINI, 1972-ci ildə Şəfiqə Axundovanın “Gəlin qayası” operasını (radio-tamaşasını) oxumuşam! 1965-ci ildə opera səhnəsində Leyli olmuşam, 1968-ci ildə Muxtar Dadaşovun “Qanun naminə” filmində baş rolda çəkilmişəm! Hələ nə qədər Moskvanın sifarişi olan sənədli filmlər var, sadalamağa ehtiyac qalmır. O illərdə siz hələ də tələbə idiz! İndi siz deyin, siz məni ilk dəfə filmdə oxutmusunuz, yoxsa mənim şöhrətim lazım idi sizin “diplom işiniz” üçün? Ayıbdır, sadəcə! Məni savadsızlıqda günahlandırırsınız, amma görünür ki, özünüzün tarixi savada ehtiyacınız var. “Flora Dövlətin düşməni olub”- ay hay!!! Bu sözünüz, məhz bu cümləniz sizin içinizin, xəbisliyinizin, kimliyinizin göstəricisidir! Ümid edirsiz, bu xatırlatma sizi hədəfinizə çatdıracaq? İndiyə kimi rəhmət oxumadığım, ağlı başından uzaq olan birilərini xatırlatdınız!”

Qeyd edək ki, ötən gün Xalq artisti Flora Kərimova sosial şəbəkədəki hesabından Şeyx Əbdül Mahmudovu müsahibəsində ifadə etdiyi “Pul verib fəxri ad alıblar” sözlərinə görə sərt tənqid etmişdi. Şeyx Əbdül Mahmudov da Xalq artistinin tənqidini cavab vermişdi.

# 9504 dəfə oxunub

Oxşar xəbərlər

“The Comeback King”  filminin treyleri yayımlandı

“The Comeback King” filminin treyleri yayımlandı

18:51 19 noyabr 2026
Xulio İqlesias  barəsində araşdırma başladı

Xulio İqlesias barəsində araşdırma başladı

17:48 19 noyabr 2026
“Glastonbury-2027”nin əsas ifaçıları məlum oldu

“Glastonbury-2027”nin əsas ifaçıları məlum oldu

17:12 19 noyabr 2026
Məşhur yazıçı vəfat etdi

Məşhur yazıçı vəfat etdi

16:47 19 noyabr 2026
Elton Con süni intellektə qarşı sənətçiləri müdafiə etdi: “Yaradıcılığımızı əlimizdən almayın”

Elton Con süni intellektə qarşı sənətçiləri müdafiə etdi: “Yaradıcılığımızı əlimizdən almayın”

16:21 19 noyabr 2026
“İvan İliçin ölümü” tamaşasının premyerası keçirildi

“İvan İliçin ölümü” tamaşasının premyerası keçirildi

15:55 19 noyabr 2026
#
#
Ana səhifə Reels Yazarlar Xəbərlər