1543-cü ildə Nitsa Mühasirəsi zamanı tarixə düşən bir hadisənin qəhrəmanı olan Ketrin Sequran adlı qadın şəhəri Osmanlı işğalından necə xilas etdi?

Kulis.az tarixə adını yazdıran bu qadınla bağlı qeyri-adi faktı təqdim edir.

İtaliya ilə müharibə aparan Fransa, Osmanlıdan kömək istəyir. O dövrlərdə Fransa ilə ittifaqda olan Osmanlı İmperatorluğu bu təklifi qəbul edər və 1543-cü il mayın 29-da 30 min əsgərdən ibarət Osmanlı donanmasını Barbaros Xeyrəddin Paşanın komandanlığı altında yola çıxır.

Osmanlı donanması gəlməmişdən əvvəl fransızlar Nitsa şəhərini mühasirəyə almağa cəhd etsələr də Barbarosun əbədi və əzəli düşməni Andera Doria fransızları geri çəkilməyə vadar etmişdi. Yalnız avqust ayında Osmanlı donanması şəhəri mühasirəyə almağa müvəffəq olur. Bu mühasirə tarixə Nitsa mühasirəsi kimi düşür.

Osmanlı əsgərləri artıq içəriyə doğru irəliləyib şəhərin qalasını ələ keçirməyi hədəfə alıb qalanın ətrafını tutur. Təxminən on gün davam edən mühasirədən sonra artıq qaladakılar təslim olmağa hazırlaşdıqları anda Ketrin Sequran qala divarlarının üstünə çıxıb. Nitse şəhərində paltaryuyan işləyən Ketrin qeyri-rəsmi nikahdan dünyaya gələn bir uşaq idi. Lakin o andan sonra həm Ketrinin, həm də şəhərin taleyi dəyişir.

Osmanlı əsgərlərinin heyrət dolu baxışlarının müşayiəti ilə əvvəlcə bir neçə dəqiqəlik çıxış edən Ketrin çıxışı sona çatandan sonra arxasını Osmanlı əsgərlərinə tərəf çevirib və soyunmağa başlayıb. Arxasını Osmanlı əsgərlərinə tərəf yellədən Ketrinin sərgilədiyi bu səhnə Osmanlı əsgərlərini daha da heyrətləndirib.

Qəfil qalanın qapısı açılır və cəsarətə gələn müdafiəçilər diqqəti yayınıb çaşqın-çaşqın qarşılaşdıqları mənzərəni seyr edən donanma üzərinə hücum edərək onların geri çəkilmələrinə səbəb olur. O gündən sonra Fransaya bağlı olan Nitsa şəhərində hər il noyabrın 25-i Əziz Ketrin günü kimi qeyd olunur.

• "Mənə bu planetdə heç bir yardım əli uzanmadı..." - Alman ədəbiyyatının təlatümlü dahisi
• Yadigar Muradov dəfn olundu
• “İgidlərin sözü” layihəsinin ikinci antologiyası təqdim olundu