"Toppuş bacı"nın səhhəti yenidən pisləşdi

Bir neçə ildir xərçəng xəstəliyindən müalicə olunan Əməkdar artist Tünzalə Əliyevada yenidən xərçəng aşkarlanıb.

Kulis.az xəbər verir ki, Əməkdar artist, "Toppuş bacı" kimi tanınan Tünzalə Əliyevanın səhhəti yenidən pisləşib. Əməkdar artist yenidən xərçəng xəstəsi olduğunu açıqlayıb. Bildirib ki, şiş bu dəfə böyrək yollarında meydana gəlib. Tünzalə Əliyevə onu da qeyd edib ki, həkimlər koronovirus epidemiyası səbəbindən bu ərəfədə kimya terapiya müalicəsini dayandırıb. Həkimlərin rəyinə əsasən eyni tərkibli həblərlə müalicəsinin davam etdiyini bildirib.

Qeyd edək ki, uzun müddətdir xərçəng xəstəliyindən əziyyət çəkən Əməkdar artist bir neçə il bundan əvvəl uşaqlıq yolunun xərçəngindən əməliyyat olunub.