“Ramiz Rövşən gənclərin gözündə”

Sənət

Ana səhifə
Sənət

“Ramiz Rövşən gənclərin gözündə”

8 noyabr 2012

12:32

Tanınmış şair Ramiz Rövşənlə gənclərin görüşü keçirilib.

Lent.az-ın məlumatına görə, “Ramiz Rövşən gənclərin gözündə” adı altında təşkil olunan gecədə Ramiz Rövşənin həyat və yaradıcılığı haqqında geniş məlumat verilib. Ramiz Rövşənin ssenarisini yazdığı 19-dan çox filmdən kadrlar nümayiş etdirilib. Çıxış edənlər Ramiz Rövşən haqqında danışaraq, sevilən şeirlərindən parçalar səsləndiriblər.

Daha sonra gənclərlə səmimi söhbət edən şair bildirib ki, o, gənclərə böyük ümid bəsləyir: “Bu gün Azərbaycanda 100 minlərlə ali təhsilli gənclərin olmasından qürur duyuram. Baxmayaraq ki, onlar aydınları doğru yerdə axtarmırlar. Ancaq bununla belə sevindirici haldır ki, savadlı gənclərimizin sayı çoxdur. Onlar unutmasınlar ki, 1918-ci ildə Azərbaycanda Cümhuriyyət qurulanda cəmi 96 nəfərin ali təhsilli var idi”.

Gənclərə maraqlı xatirələrindən danışan şair şeirlərinin yaranma tarixindən, yaradıcılığı ilə bağlı maraqlı məqamları gənclərlə bölüşüb. Daha sonra isə gənclərin suallarını cavablandırıb. Qonaqların ona ünvanladıqları dostluq, din, vətən, sevgi haqqında suallara cavab verən şair özünün ən məşhur şeirlərini səsləndirib.