news-inner
clock13:50 calendar-gray 25 Aprel 2020 view-gray555 dəfə oxunub
view-gray555 dəfə oxunub

İftarı gözləyərkən - İlqar Kamil yazır

Hansısa araşdırmalar göstərsə ki, xanımlar ailə qurmaqçün maşını olan kişilərə üstünlük verirlər, tez özümüzdən çıxmayaq, bu tərcih, çox yəqin ki, maşına (dünya malına) görə deyil, sürücü kişilərin idarəçilik qabiliyyətinə görədir. Qadınlar öz təbii instinktləriylə idarəçilik qabiliyyəti olan kişiləri daha çox sevirlər, - deyirəm, gülüşürük.

Yaroslavldan ta qədim Bryanski şəhərinəcən dəyiş-düyüş eləyib sürdük maşını, Moskvayacan mən, ordan o yana dostum. Xeyli maraqlı səfər idi, nə yalan deyim, vaxt hardan gəldi, hardan getdi, bilmədik. Yola körpü də saldıq, məscid də tikdik, hələ üstəlik, çayxana da açdıq: nələr haqda danışmadıq biz!

Ünvana çathaçatda bir sükana, bir mənə baxdı dostum, dərin-dərin qayıtdı ki, abi, kaş ən azı maşını idarə etdiyimiz kimi, maşını idarə etdiyimiz qədər idarə edə biləydik özümüzü də!

Tutuldum qaldım.

Qabaqdan da orucluq ayı gəlirdi.

Bu haqda nələr danışmaq olardı, ya Rəbb, mənsə düşünməyi tərcih etdim.

Ana kitab orucluğu "siyam" sözüylə ifadə edir. Siyam "sövm" kökündəndir, və sövm "tutmaq" deməkdir. Yəni oruc tutmaq, əslində, özünü tutmaqdır. Eynən belə: Oruc tutmaq = özünü tutmaq! Nəzərə alanda ki, bəşəriyyət bu gün özünü buraxmış "azadələrin" yaratdığı fəsadların acısını çəkir, inanın, başqa sözə gərək qalmır.

Oruc tutmaq özünü tutmaqdır, bəs özünü tutmaq nədir? Əlbəttə ki, özünü idarə etmək - ən azı, dostumun maşını idarə edə bildiyi qədər. Elə isə, düşünün, bəs siz nəyi çox rahatlıqla idarə edə, işlədə bilirsiz? Qələmi, kompyuteri, nəyi? Bax, özümüzü də ən azı o qədər idarə bilsəydik samanlıq seyran olardı.

Hamılıqla instinktlərimizin köləsinə çevrilməmişikmi, əzizim? Nə istəyir, edirik, nə tələb edir, danışırıq, nəyə deyir, baxırıq - səssiz-səmirsiz, sorğusuz-sualsız; oysa, biz hər şeydən, hər kəsdən əvvəl özümüzə (ən böyük zalıma) YOX deməyi bacarmalıydıq. Nəfsinin əsiri olan "azad" insan qədər cılız və təhlükəli varlıq yoxdur bu dünyada, və oruc tutmaq nəfsin ağzının üstündən vurmaqdır.

Ağılın bir ay boyunca təşkil etdiyi etiraz mitinqidir oruc, nəfsi istefaya çağırmaq və iradəni hakimiyyətə gətirməkdir. Yəni əslində, bir inqilabdır oruc tutmaq, üsyandır, etirazdır... deyilsə, ustad Şəriəti demiş, sadəcə yemək vaxtlarını dəyişməkdir, vəssəlam.

news-inner-user

15801 məqalə

Oxşar xəbərlər

Xəbər lenti

"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020
Süni şöhrətə qaçan gənc şair və Allahın “cangüdənləri” – Sərdar Amin yazır...
12:15 10 İyul 2020
Tarık Akanın heç yerdə bilinməyən söhbəti
11:12 10 İyul 2020
Səni sevən öldü, zalım – Səhər Əhməd yazır...
10:35 10 İyul 2020
Notr-Dam kilsəsi yenidən bərpa ediləcək
10:01 10 İyul 2020
Dodağının altında məni söyüb qarğıyırdı - Bircənin romanı
09:00 10 İyul 2020
Xalq artistinin oğlu vəfat etdi
01:53 10 İyul 2020
Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020