AMEA-nın Milli Azərbaycan Tarixi Muzeyinin Neqativ fondunda “Hacıbəyli qardaşlarının opera-operetta artistləri dəstəsi” fotoşəklinin neqativi saxlanılır.
Kulis.az xəbər verir ki, Üzeyir və Zülfüqar qardaşları tərəfindən “Hacıbəyli qardaşlarının opera-operetta artistləri dəstəsi” 1916-cı ildə təşkil edilib. Truppaya görkəmli səhnə xadimləri daxil idi, Abbas Mirzə Şərifzadə rejissor kimi qəbul edilmişdi. Truppa həm Bakıda tamaşalar verir, həm də Qafqaz, Volqaboyu və Orta Asiyanın bir çox şəhərlərinə qastrol səfərlərinə gedirdi. Truppanın repertuarında Hacıbəyli qardaşlarının opera və operettaları (“Leyli və Məcnun”, “Əsli və Kərəm”, “Aşıq Qərib” və başqa operalar, “Ər və arvad”, “Evliykən subay”, “Arşın mal alan”, “O olmasın, bu olsun” və digər musiqili komediyalar) əsas yer tuturdu. Truppa 1918-ci ildə Bakıda bolşevik-daşnak hakimiyyəti zamanı fəaliyyətini müvəqqəti dondurub, Azərbaycan Xalq Cümhuriyyəti dövründə davam etdirib. 1920-ci ilin aprel işğalından sonra isə tamamilə fəaliyyəti dayandırılıb və ləğv edilib.
Muzeydə qorunan bu fotoneqativ Azərbaycan teatr tarixinin tədqiqi və təbliği baxımından əhəmiyyətlidir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər