S. Yeseninin “Bakı dövrü”nə həsr olunmuş kitab çap olunub

Sənət

Ana səhifə
Sənət

S. Yeseninin “Bakı dövrü”nə həsr olunmuş kitab çap olunub

7 noyabr 2012

10:17

Xəzər Universitetinin nəşriyyatında filologiya üzrə fəlsəfə doktoru İsaxan İsaxanlının “Ne za darom yemu miqnuli oçi – Yesenin v Baku” (“Ona əbəs yerə göz vurmurdular – Yesenin Bakıda”) kitabı rus dilində çapdan çıxıb.

Xəzər Universitetindən AzərTAc-a bildiriblər ki, nəfis şəkildə tərtib olunmuş kitabda tanınmış rus şairi Sergey Yeseninin həyat və yaradıcılığının “Bakı dövrü” ətraflı tədqiq edilib. Tədqiqatçı həmin dövrün indiyədək məlum olmayan bir çox fakt və hadisələrini ilk dəfə yazıb. Kitabda şairin “Bakı dövrü”nü əks etdirən maraqlı fotolar da yer alıb. Onların bəziləri ilk dəfə çap olunur.

Nəşrdə, həmçinin Azərbaycan yazıçılarının müxtəlif vaxtlarda S. Yeseninə həsr etdikləri şeirlər və şairin Azərbaycan dilinə tərcümə edilmiş əsərlərinin siyahısı verilib.